ISRO recruitment 2026: इंजिनिअरिंग तरुणांसाठी मोठी बातमी! ९३ पदांसाठी मेगा भरती जाहीर; कधीपर्यंत करता येईल अर्ज?

ISRO recruitment 2026: भारतीय अंतराळ संशोधन संस्थेने (ISRO) सायंटिस्ट-इंजीनियर एससीच्या ९३ पदांसाठी भरतीची घोषणा केली आहे. या पदासाठी पात्रता, अर्ज प्रक्रिया आणि महत्त्वाची जाणून घेण्यासाठी एकदा वाचाच..

ISRO recruitment 2026 :भारतीय अंतराळ संशोधन संस्थेत (ISRO) सायंटिस्ट आणि इंजिनिअर बनण्याचे स्वप्न पाहणाऱ्या इंजिनिअरिंग तरुणांसाठी भरतीची मोठी संधी आली आहे. इस्रो सेंट्रलाइज्ड रिक्रूटमेंट बोर्डाने ‘सायंटिस्ट-इंजीनियर एससी’च्या ९३ पदांवर भरतीसाठी ऑनलाइन अर्ज प्रक्रिया सुरू केली आहे. ही भरती इलेक्ट्रॉनिक्स, मेकॅनिकल, कॉम्प्युटर सायन्ससह विविध इंजिनिअरिंग विषयांवर केली जाणार आहे. पात्र उमेदवार १७ ऑगस्ट २०२६ पर्यंत इस्रोच्या अधिकृत वेबसाइटद्वारे अर्ज करू शकतात. या भरतीत उमेदवारांना मुलाखतीसाठी (इंटरव्यू) GATE २०२५ किंवा GATE २०२६ च्या वैध स्कोअरच्या आधारे शॉर्टलिस्ट केले जाईल.

या ब्रँचमध्ये भरल्या जाणार जागा:

इस्रोच्या या भरतीत वेगवेगळ्या इंजिनिअरिंग डिसिप्लिनसाठी एकूण ९३ जागा ठेवण्यात आल्या आहेत. यामध्ये सर्वाधिक ३५ जागा इलेक्ट्रॉनिक्सच्या आहेत. त्यानंतर मेकॅनिकलमध्ये २६ जागा आणि कॉम्प्युटर सायन्समध्ये १३ जागा आहेत. याशिवाय सिव्हिलमध्ये १० जागा, इलेक्ट्रिकलमध्ये ४ जागा, रेफ्रिजरेशन अँड एअर कंडिशनिंगमध्ये २ जागा, आर्किटेक्चरच्या २ जागा आणि सिव्हिल पीआरएल ऑटोनॉमस बॉडीची १ जागा समाविष्ट आहे.

कुठे होणार इस्रो केंद्रात पोस्टिंग?

निवड झालेल्या उमेदवारांची नियुक्ती इस्रोच्या वेगवेगळ्या केंद्रांवर केली जाऊ शकते. यामध्ये बंगळुरू, हैदराबाद, अहमदाबाद, तिरुवनंतपुरम, श्रीहरिकोटा, महेंद्रगिरी, हसन आणि वलियामला यांचा समावेश आहे.

Saint Lucia: जगातील एकमेव देश, ज्याचे नाव एका महिलेच्या नावावर ठेवले आहे; काय आहे यामागील रंजक इतिहास?

भरतीसाठी पात्रता काय आहे?

अर्ज करण्यासाठी उमेदवारांकडे संबंधित इंजिनिअरिंग डिसिप्लिनमध्ये निर्धारित बीई किंवा बीटेकची पदवी असणे आवश्यक आहे. याशिवाय, उमेदवारांकडे संबंधित विषयात GATE २०२५ किंवा GATE २०२६ चा व्हॅलिड स्कोअर असणे गरजेचे आहे. ज्या डिसिप्लिनच्या पदासाठी अर्ज केला जात आहे, त्याच विषयाशी संबंधित GATE चा स्कोअर मान्य केला जाईल. या भरतीसाठी नॅशनल करिअर सर्व्हिस पोर्टलवर नोंदणीकृत आणि पात्र उमेदवार देखील अर्ज करू शकतात.

GATE स्कोअरच्या आधारे मुलाखतीसाठी शॉर्टलिस्टिंग:

या भरतीत उमेदवारांना मुलाखतीसाठी GATE स्कोअरच्या आधारे शॉर्टलिस्ट केले जाईल. इस्रोने स्पष्ट केले आहे कि यासाठी GATE स्कोअरला आधार बनवले जाईल, केवळ GATE मार्क्स किंवा रँकला नाही. मुलाखतीसाठी उमेदवारांची निवड १:७ या प्रमाणात केली जाईल. मुलाखतीत उमेदवारांचे तांत्रिक ज्ञान, संबंधित विषयाची समज, प्रेझेंटेशन आणि कम्युनिकेशन स्किल, समजून घेण्याची क्षमता आणि शैक्षणिक उपलब्धी यांचे मूल्यांकन केले जाईल.

Anil Agarwal : १५ व्या वर्षी सोडली शाळा, आज उभे केले २ लाख कोटींचे साम्राज्य; जाणून घ्या ‘या’ उद्योजकाची यशोगाथा..

GATE आणि मुलाखतीवरून ठरतील अंतिम गुण:

अंतिम निवडीत GATE स्कोअर आणि मुलाखत दोन्हीला ५०-५० टक्के वेटेज दिले जाईल. अनारक्षित प्रवर्गातील उमेदवारांसाठी एकूण मिळून किमान ६० टक्के गुणांची पात्रता ठेवण्यात आली आहे. आरक्षित प्रवर्गातील उमेदवारांसाठी नियमांनुसार पात्रता निकषांमध्ये सूट लागू असेल. इस्रो अर्जामध्ये दिलेल्या GATE स्कोअरची पडताळणी करेल. नोटीसनुसार अर्जात चुकीची माहिती दिल्यास संबंधित उमेदवाराविरुद्ध कारवाई केली जाऊ शकते.

१७ ऑगस्टपर्यंत करता येईल अर्ज:

या भरतीसाठी ऑनलाइन अर्ज प्रक्रिया सुरू झाली आहे. उमेदवारांनी इस्रोच्या अधिकृत वेबसाइट isro.gov.in च्या भरती पोर्टलद्वारे अर्ज करणे आवश्यक आहे. अर्जादरम्यान वैयक्तिक माहिती, शैक्षणिक पात्रता आणि GATE स्कोअरशी संबंधित माहिती भरावी लागेल. नोंदणी पूर्ण झाल्यानंतर उमेदवाराला एक रजिस्ट्रेशन नंबर मिळेल, जो पुढील प्रक्रियेसाठी सुरक्षित ठेवावा लागेल. अर्जात वैध ईमेल आयडी देणे गरजेचे आहे, कारण भरतीशी संबंधित माहिती याच माध्यमातून पाठवली जाईल. तसेच ऑनलाइन अर्जाची अंतिम तारीख १७ ऑगस्ट आहे.