Image
Jailer 2 Fame Rajinikanth Education: दक्षिण भारताचे ‘थलैवा’ आणि गॉडफादर मानले जाणारे सुपरस्टार रजनीकांत यांचा बहुप्रतीक्षित चित्रपट ‘जेलर २’ आज, १५ ऑक्टोबर रोजी जगभरातील चित्रपटगृहांमध्ये प्रदर्शित झाला आहे. ‘टाइगर मुथुवेल पांडियन’च्या भूमिकेत रजनीकांत यांनी पुन्हा एकदा बॉक्स ऑफिसवर धुमाकूळ घातला आहे. चित्रपटाने प्रदर्शनापूर्वीच ६० कोटींहून अधिकची ॲडव्हान्स बुकिंग केली होती.
परंतु, ‘जेलर २’ च्या या अभूतपूर्व यशादरम्यान रजनीकांत यांच्या शिक्षणाची आणि संघर्षाची कहाणी पुन्हा एकदा चर्चेत आली आहे. आज कोट्यवधींच्या दिलावर राज्य करणारे रजनीकांत शालेय वयात इंग्रजी भाषेच्या अडचणीमुळे पहिल्या बाकावरून थेट मागच्या बाकावर फेकले गेले होते, हे फार कमी लोकांना माहीत आहे.
रजनीकांत (मूळ नाव: शिवाजीराव गायकवाड) यांचा जन्म १२ डिसेंबर १९५० रोजी बंगळुरू येथे एका सामान्य कुटुंबात झाला. त्यांनी प्राथमिक शिक्षण गव्हर्नमेंट कन्नड मॉडेल प्रायमरी स्कूल, गवीपुरम येथून पूर्ण केले. प्राथमिक परीक्षेत ९८ टक्के गुण मिळवून ते शाळेचे टॉपर राहिले होते.
परंतु, पुढील शिक्षणासाठी त्यांच्या मोठ्या भावाने त्यांना ‘आचार्य पाठशाळा हायस्कूल’ या इंग्रजी माध्यम शाळेत दाखल केले. माध्यम बदलल्यामुळे आणि इंग्रजी भाषेच्या अडसरमुळे रजनीकांत यांना अभ्यासात मोठा फटका बसला.
“प्राथमिक शाळेतील टॉपर असणारा मी, इंग्रजी माध्यमात आल्यावर थेट मागच्या बाकावर फेकला गेलो,” असे रजनीकांत यांनी स्वतः एका व्हिडिओमध्ये आवर्जून सांगितले होते.
शालेय दिवसांत रजनीकांत यांना फिजिक्स, केमिस्ट्री आणि मॅथ्स (गणित) या विषयांची प्रचंड भीती वाटत असे. ८ वी आणि ९ वी मध्ये शिक्षकांच्या मदतीने कसेबसे उत्तीर्ण झाल्यानंतर ते १० वीच्या परीक्षेत नापास झाले होते. मात्र, एपीएस हायस्कूलच्या शिक्षकांनी त्यांच्यासाठी अतिरिक्त क्लासेस घेऊन त्यांना पुन्हा शिकवले आणि उत्तीर्ण होण्यास मदत केली.
याच शाळेतील भव्य मैदान आणि आंतरशालेय नाट्य स्पर्धांनी त्यांच्यातील कलाकाराला जन्म दिला. एपीएस हायस्कूलमध्ये नाटकातील कामगिरीसाठी त्यांना ‘सर्वोत्कृष्ट अभिनेता’ चा पहिला पुरस्कार मिळाला होता.
शालेय शिक्षण पूर्ण केल्यानंतर त्यांनी वेद, इतिहास आणि भारतीय संस्कृतीचा अभ्यास केला. कौटुंबिक परिस्थितीमुळे त्यांनी सुरुवातीच्या काळात कुली (Coolie) आणि बंगळुरू वाहतूक विभागात बस कंडक्टर म्हणूनही काम केले.
NEET PG 2026: डॉक्टर होण्याचे स्वप्न पाहणाऱ्यांसाठी मोठी संधी! ‘या’ विषयात आहेत सर्वाधिक स्कोप
पुढे त्यांनी मद्रास फिल्म इन्स्टिट्यूटमधून अभिनयाचे शास्त्रशुद्ध शिक्षण घेतले आणि चित्रपटसृष्टीत पदार्पण केले. आज रजनीकांत यांच्या या अभूतपूर्व यशाची आणि जिद्दीची कहाणी भारतातील CBSE च्या शालेय अभ्यासक्रमात ‘From Bus Conductor to Superstar’ या धड्याच्या माध्यमातून विद्यार्थ्यांना शिकवली जाते.
Ans: त्यांनी चेन्नईच्या मद्रास फिल्म इन्स्टिट्यूट मधून अभिनयाचे शास्त्रशुद्ध शिक्षण घेतले.
Ans: कन्नड माध्यमातून इंग्रजी माध्यमात गेल्यावर भाषेच्या अडचणीमुळे आणि फिजिक्स, मॅथ्स, केमिस्ट्री या विषयांत ते मागे पडले होते.
.png "Videos"){kind=small}
