JEE Main 2027 Registration: जेईई मेन २०२७ परीक्षेच्या तारखा जाहीर; जाणून घ्या वेळापत्रक आणि अर्ज करण्याची प्रक्रिया…

JEE Main 2027 Registration: जेईई मेन २०२७ पहिल्या सत्राची नोंदणी सुरू झाली आहे. २२ नोव्हेंबर २०२६ पर्यंत अर्ज कसा करावा, परीक्षा तारीख, वेळापत्रक आणि संपूर्ण माहिती जाणून घ्या.

• जेईई मेन २०२७ परीक्षेच्या वेळापत्रक जाहीर
• २२ नोव्हेंबरपर्यंत भरा फॉर्म
• अर्ज करताना ‘या’ गोष्टींची घ्या काळजी

JEE Main 2027 Registration: इंजिनिअरिंगची तयारी करणाऱ्या विद्यार्थ्यांसाठी एक मोठी बातमी आहे. नॅशनल टेस्टिंग एजन्सी (NTA) ने ‘JEE Main 2027’ च्या पहिल्या सत्रासाठी (जानेवारी सत्र) अर्ज प्रक्रिया सुरू केली आहे. या परीक्षेच्या माध्यमातून देशातील प्रमुख इंजिनिअरिंग संस्थांमध्ये प्रवेश घेण्याची तयारी करणाऱ्या विद्यार्थ्यांना आता आपली अर्ज प्रक्रिया पूर्ण करावी लागेल. NIT, IIIT आणि इतर तांत्रिक संस्थांमधील प्रवेशासाठी JEE Main चा स्कोअर अत्यंत महत्त्वाचा मानला जातो.

JEE Main चा पेपर १ (Paper 1) अशा उमेदवारांसाठी देखील महत्त्वाचा आहे, जे पुढे जाऊन ‘JEE Advanced’ मध्ये सहभागी होऊन IIT मध्ये प्रवेश घेऊ इच्छितात. अशा स्थितीत जानेवारी सत्र विद्यार्थ्यांसाठी चांगला स्कोर मिळवण्याची पहिली संधी देते. NTA ने अर्ज करण्यापासून ते परीक्षा आणि प्रवेशपत्रापर्यंतच्या आवश्यक तारखा देखील जाहीर केल्या आहेत, त्यामुळे अभ्यासासोबतच संपूर्ण वेळापत्रक लक्षात ठेवणे उमेदवारांसाठी गरजेचे आहे.

Study Abroad Scholarship: परदेशात शिकण्याचे स्वप्न आहे? ‘या’ सोप्या टिप्सच्या मदतीने मिळवा लाखांची स्कॉलरशिप!

२२ नोव्हेंबरपर्यंत भरावा लागेल फॉर्म

NTA नुसार, सत्र १ साठीची नोंदणी २४ ऑक्टोबर २०२६ रोजी सुरू झाली आहे. लेट फी शिवाय अर्ज जमा करण्याची अंतिम तारीख २२ नोव्हेंबर २०२६ रोजी रात्री ११:५० वाजेपर्यंत आहे. त्यानंतरही विद्यार्थ्यांना संधी मिळेल, परंतु २३ ते २६ नोव्हेंबर दरम्यान लेट फीसह अर्ज करता येईल. जर अर्जातील कोणत्याही माहितीत चूक राहिली, तर उमेदवारांसाठी २७ ते २९ नोव्हेंबर दरम्यान करेक्शन विंडो उपलब्ध असेल. परीक्षेच्या शहराची माहिती ३० डिसेंबर रोजी जाहीर केली जाईल, तर १३ जानेवारी २०२७ पासून प्रवेशपत्र उपलब्ध होणार असल्याची माहिती देण्यात आली आहे.

जानेवारीमध्ये ‘या’ तारखांना होणार परीक्षा

JEE Main 2027 सत्र १ ची परीक्षा २०, २१, २२, २३, २४ आणि २८ जानेवारी २०२७ रोजी आयोजित केली जाईल. परीक्षा दोन शिफ्टमध्ये होईल; पहिली शिफ्ट सकाळी ९ वाजता आणि दुसरी शिफ्ट दुपारी ३ वाजता सुरू होईल. तीन तासांच्या पेपरची पहिली शिफ्ट दुपारी १२ वाजता आणि दुसरी संध्याकाळी ६ वाजता संपेल. B.Arch आणि B.Planning हे दोन्ही पेपर एकत्र देणाऱ्या उमेदवारांसाठी परीक्षेचा कालावधी ३ तास ३० मिनिटे असेल.

वेगवेगळ्या कोर्सेससाठी वेगवेगळे पेपर

JEE Main ही केवळ B.E./B.Tech पुरती मर्यादित नाही. NTA नुसार, पेपर १ हा B.E./B.Tech साठी, तर पेपर २A हा B.Arch साठी आणि पेपर २B हा B.Planning साठी असतो. B.Arch आणि B.Planning दोन्हीचा पर्याय निवडणाऱ्या उमेदवारांना ३ तास ३० मिनिटांची परीक्षा द्यावी लागेल. या परीक्षेच्या माध्यमातून देशातील प्रमुख तांत्रिक संस्थांमध्ये अंडरग्रॅजुएट इंजिनिअरिंग, आर्किटेक्चर आणि प्लॅनिंग प्रोग्राम्समध्ये प्रवेशाचा मार्ग मोकळा होतो.

Medical Career Guide: डॉक्टर बनायचयं? ‘या’ महत्त्वाच्या गोष्टी माहीत नसतील तर दोनदा विचार करा!

अर्ज करताना ‘या’ गोष्टींची घ्या काळजी

नोंदणीसाठी उमेदवारांनी NTA च्या अधिकृत वेबसाइटला भेट दिली पाहिजे. त्यानंतर ‘Session 1 registration link’ निवडून आवश्यक वैयक्तिक आणि संपर्कविषयक माहिती भरावी. नोंदणी पूर्ण झाल्यानंतर लॉगिन करून शैक्षणिक आणि परीक्षेशी संबंधित माहिती भरावी. फॉर्मसोबत फोटो, स्वाक्षरी आणि आवश्यक कागदपत्रे अपलोड करावीत. त्यानंतर अर्ज शुल्क ऑनलाइन भरून फॉर्म अंतिमरीत्या सबमिट करावा. कन्फर्मेशन पेज डाऊनलोड करून सुरक्षित ठेवणे फायदेशीर ठरेल.