महाराष्ट्र प्रोफेसर भरतीला महत्वाचं वळण! १५ दिवसांची मुदतवाढ

बाबासाहेब आंबेडकर मराठवाडा विद्यापीठातील प्राध्यापक भरतीसाठी अर्जाची मुदत १५ दिवसांनी वाढवली आहे. उमेदवारांना १८ नोव्हेंबर २०२५ पर्यंत ऑनलाइन अर्ज करता येणार.

• १५ दिवसांची मुदतवाढ
• १८ नोव्हेंबरपर्यंत या भरतीसाठी अर्ज करता येणार
• ५ वाजेपर्यंत ही अर्ज करण्याची मुदत

महाराष्ट्र प्रोफेसर भरतीला महत्वाचं वळण आलं आहे. प्रोफेसर पदासाठी अर्ज करण्यास इच्छुक आहात तर आता महत्वाची बातमी आहे. अर्ज करण्याच्या प्रक्रियेत १५ दिवसांची मुदतवाढ करण्यात आली आहे. आता उमेदवारांना ४ नोव्हेंबर ते १८ नोव्हेंबरपर्यंत या भरतीसाठी अर्ज करता येणार आहे. संध्याकाळी ५ वाजेपर्यंत ही अर्ज करण्याची मुदत सुरु राहणार आहे. तसेच उमेदवारांना हार्ड कॉपीही सादर करावी लागणार आहे. २४ नोव्हेंबरपर्यंत उमेदवारांना हार्ड कॉपी सादर करायची आहे.

डॉ. शुभा थत्ते लिखित ‘अवघाचि संसार’ आत्मकथनाचे ठाण्यात प्रकाशन

मुळात, ही भरती शिक्षण पदांसाठी आहे. या पदांमध्ये Professor, Associate Professor, Assistant Professor या पदांचा समावेश आहे. डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर येथे या भरतीची संधी उपलब्ध करण्यात आली आहे. येथेच अर्ज मागवण्यात आले आहेत. एप्रिल २०२५ मध्ये ज्या कुणी उमेदवारांना या भरतीसाठी अर्ज केले आहे, त्यांना पुन्हा अर्ज करण्याची गरज नाही, पण त्यांच्या अर्जात काही त्रुटी असतील तर ते या काळात उमेदवारांना सुधारता येणार आहे. त्यांच्याकडून कोणत्याही प्रकारचे अर्ज शुल्क मागवण्यात येणार नाही.

अर्ज समर्थ पोर्टलद्वारे ऑनलाईन पद्धतीने भरायचे आहे. नवीन नियमावलीनुसार उमेदवारांनी ‘ATR’ फॉर्म भरावा आणि संबंधित कागदपत्रांसह हार्ड कॉपी सादर करावी. शिक्षकांच्या एकूण ७३ जागांसाठी ही भरती प्रक्रिया योजिली आहे. २८९ जागा भरतीसाठी मंजूर करण्यात आल्या होत्या त्यातील १३० जागांवर प्राध्यपक सध्या सक्रिय आहेत तर उर्वरित १५९ जागा रिक्त आहेत. आतपर्यंत या भरतीसाठी 5026 अर्ज प्राप्त झाले आहेत. त्यामुळे स्पर्धेपासून स्वतःला वाचविण्याकरिता उमेदवारांनी शक्य तितके लवकर अर्ज करावे. संवैधानिक अधिकारी पदे असून एकूण 8 पदांसाठीही 15 दिवसांची मुदतवाढ देण्यात आली आहे. एकंदरीत, अधिष्ठाता (4 पदे), संचालक (5 पदे) यासाठी अर्ज मागविले जात आहेत. परीक्षा व मूल्यमापन मंडळ संचालकपद भरले गेले, परंतु काही पदे अद्याप रिक्त आहेत.

केंद्रीय होमिओपॅथी संशोधन परिषदेतील भरती : एकूण ८९ पदांसाठी संधी, २६ नोव्हेंबरपर्यंत अर्ज करा

डॉ. बाबासाहेब आंबेडकर मराठवाडा विद्यापीठातील शिक्षक आणि संवैधानिक अधिकारी पदांसाठी अर्जाची मुदतवाढ दिली आहे. पात्र उमेदवारांनी 18 नोव्हेंबर 2025 पूर्वी ऑनलाइन अर्ज करावा आणि 24 नोव्हेंबरपर्यंत हार्ड कॉपी सादर करावी.