Military Hospital Khadki Recruitment : १० वी पास महिलांसाठी सुवर्णसंधी; खडकी मिलिटरी हॉस्पिटलमध्ये ‘या’ पदांसाठी लगेच अर्ज करा

Military Hospital Khadki Recruitment 2026: पुण्यातील मिलिटरी हॉस्पिटल खडकी अंतर्गत परिवार नियोजन केंद्रात 'पार्ट टाईम स्त्री सफाई कर्मचारी' पदासाठी भरती जाहीर झाली आहे.

• खडकी मिलिटरी हॉस्पिटलमध्ये महिला सफाई कर्मचारी पदांची भरती
• महिला सफाई कर्मचाऱ्यासाठी कंत्राटी तत्वावर अर्धवेळ म्हणजेच पार्ट टाईम जॉबची संधी
• पात्र उमेदवारांची निवड मुलाखतीद्वारे होणार
• अर्ज करण्याची प्रक्रिया ऑफलाईन असेल
• पात्र महिला उमेदवारांना ९,०८८ रु/ पर्यंत मासिक पगार मिळणार

Military Hospital Khadki Recruitment 2026: १० वी उत्तीर्ण महिलांसाठी खुशखबर समोर आली आहे. पुणे येथील खडकी येथील मिलिटरी हॉस्पिटलमध्ये (Military Hospital, Khadki) नोकरीची सुवर्णसंधी उपलब्ध झाली आहे. या हॉस्पिटलअंतर्गत असलेल्या परिवार नियोजन केंद्रामध्ये ‘पार्ट टाईम स्त्री सफाई कर्मचारी’ पदासाठी अर्ज मागविण्यात येत आहेत.

उमेदवरांची भरती कंत्राटी तत्वावर होणार

ही नोकरी पूर्णपणे दोन वर्षांच्या कालावधीसाठी असणार आहे. या पदासाठी इच्छुक आणि पात्र उमेदवारांकडून अर्ज मागवण्यात आले असून, नोकरीचे ठिकाण परिवार नियोजन केंद्र, एमएच खडकी, पुणे ४११०२० हे असणार आहे.

Junk Food Ban Near Schools: पिझ्झा, बर्गर खाणाऱ्या मुलांच्या अडचणी वाढणार; शाळांच्या परिसरात ‘हे’ पदार्थ मिळणार नाहीत!

पात्र महिला उमेदवारांना ९,०८८ रु/ पर्यंत मासिक पगार मिळणार

या पदासाठी आवश्यक असलेल्या पात्रतेनुसार अर्जदार महिला १० वी उत्तीर्ण असणे अनिवार्य आहे. निवड झालेल्या उमेदवारास दरमहा ९ हजार ८ रुपये (रु. ९,०८८) इतका मासिक पगार दिला जाईल. या नोकरीची कामाची वेळ सकाळी ८ ते दुपारी १२ वाजेपर्यंत म्हणजेच अर्धवेळ (पार्ट टाईम) असणार आहे.

Professor student clash : ‘कल सुबह पनवेल …’ डायलॉग मारताच भडकले प्रोफेसर; विद्यार्थ्याला थेट धमकी!

अर्ज करण्याची प्रक्रिया ऑफलाईन असेल

अर्ज करण्याची प्रक्रिया अत्यंत सोपी असून, इच्छुक उमेदवारांनी वरील पत्त्यावरून अर्जाचा नमुना प्राप्त करून घ्यावा. अर्ज भरल्यानंतर तो संबंधित पत्त्यावर जमा करणे आवश्यक आहे. अर्ज प्रक्रिया सुरू झाली असून ६ ऑक्टोबरपर्यंत अर्ज भरणे अनिवार्य आहे. अर्जाची छाननी केल्यानंतर मुलाखतीची तारीख पात्र उमेदवारांना कळविण्यात येईल. सरकारी हॉस्पिटलमध्ये काम करू इच्छिणाऱ्या आणि १० वी पास असलेल्या महिलांसाठी हा एक चांगला संधीचा काळ आहे.