शुक्रवार, 30 ऑक्टोबर 2026
फोटो सौजन्य- सोशल मीडिया
Suicide Prevention Gatekeeper Training In Pune: मानसिक तणावाची लक्षणे वेळीच ओळखून आत्महत्येचा धोका असलेल्या व्यक्तीला योग्य वेळी मदत मिळवून देण्यासाठी महाराष्ट्र मानसिक आरोग्य संस्था (एमआयएमएच), पुणे यांच्या वतीने एकदिवसीय आत्महत्या प्रतिबंधक गेटकीपर प्रशिक्षण कार्यक्रमाचे आयोजन करण्यात आले. जागतिक आत्महत्या प्रतिबंध दिनानिमित्त आयोजित या प्रशिक्षणात महाराष्ट्राच्या विविध भागांतून सुमारे १९० जण सहभागी झाले.
कार्यक्रमाचे उद्घाटन संस्थेचे संचालक-प्राध्यापक डॉ. प्रसाद देशपांडे यांच्या हस्ते झाले. यावेळी मुख्य प्रशासकीय अधिकारी डॉ. श्रीकांत पवार, प्राध्यापकवर्ग आणि कर्मचारी उपस्थित होते. कार्यक्रमाचे आयोजक डॉ. प्रफुल्ल कापसे यांनी प्रमुख प्रशिक्षक सचिन चितांबरन यांचा परिचय करून दिला.
प्रशिक्षणामध्ये मानसिक स्वास्थ्य, भावना व संवेदना, मानसिक तणावाची लक्षणे, मानसिक आरोग्याशी संबंधित सामान्य अडचणी, सुरक्षितता योजना, उपलब्ध मदत व सेवा तसेच सामाजिक आधारव्यवस्था याबाबत मार्गदर्शन करण्यात आले. आत्महत्येशी संबंधित मूलभूत बाबी, आत्महत्येची कारणे, जोखीम व संरक्षक घटक, आत्महत्येच्या विचारांचे विविध टप्पे आणि त्याबाबतचे गैरसमज यावरही चर्चा करण्यात आली.
High paying jobs: कॉर्पोरेट जगतात धुमाकूळ घालणाऱ्या ‘या’ ५ नोकऱ्यांमध्ये मिळतो कोटींचा पगार……
डॉ. प्रफुल्ल कापसे यांनी सांगितले की, अशा उपक्रमांमुळे मानसिक तणावाची लवकर ओळख होऊन गरजू व्यक्तीला वेळेत मदत मिळण्यास हातभार लागतो. समुदायाची आत्महत्या प्रतिबंधक क्षमता वाढविण्यासाठी संस्थेचे प्रयत्न सुरू राहतील.
IAS Officer ला सस्पेंड करण्याचा अधिकार नेमका कोणाकडे असतो? राज्य की केंद्र सरकार? जाणून घ्या.
आत्महत्येचा विचार करणाऱ्या किंवा तीव्र भावनिक तणावातून जाणाऱ्या व्यक्तीशी संवेदनशीलपणे संवाद कसा साधावा, तिच्या अडचणी कशा ओळखाव्यात आणि योग्य वेळी तज्ज्ञांची मदत कशी मिळवून द्यावी, याचे प्रत्यक्ष प्रशिक्षण देण्यात आले. चर्चासत्रे, प्रश्नोत्तर आणि सहभागी उपक्रमांच्या माध्यमातून प्रशिक्षण घेण्यात आले.
IAS Officer ला सस्पेंड करण्याचा अधिकार नेमका कोणाकडे असतो? राज्य की केंद्र सरकार? जाणून घ्या.
