MMRISMC Recruitment 2026: सेवानिवृत्त कर्मचाऱ्यांसाठी कंत्राटी नोकरीची सुवर्णसंधी, जाणून घ्या अर्ज प्रक्रिया

MMRISMC Recruitment 2026: मुंबई महानगर प्रदेश लोखंड व पोलाद बाजार समितीत सेवानिवृत्तांसाठी कंत्राटी भरती जाहीर करण्यात आली आहे अर्ज करण्याची अंतिम तारीख १६ नोव्हेंबर २०२६ आहे.

• मुंबई लोखंड व पोलाद बाजार समितीत सेवानिवृत्तांसाठी भरती
• या भरतीमध्ये एकूण किती जागांसाठी अर्ज मागवण्यात आले आहेत?
• अर्ज कुठे पाठवावा लागेल?

MMRISMC Recruitment 2026: मुंबई महानगर प्रदेश लोखंड व पोलाद बाजार समितीच्या वतीने विविध पदांच्या भरतीसाठी एक फेरजाहिरात प्रसिद्ध करण्यात आली आहे. शासन निर्णयानुसार केंद्र शासन, राज्य शासन, निमशासकीय सेवा, मंडळे, महामंडळे, सार्वजनिक संस्था, नगरपालिका, महानगरपालिका तसेच स्थानिक प्राधिकरणांमधून सेवानिवृत्त झालेल अधिकारी आणि कर्मचाऱ्यांकडून “विवक्षित कामांसाठी” करार पद्धतीने ही पदे भरली जाणार आहेत. सदर करार हा प्रथमतः ११ महिन्यांच्या कालावधीसाठी असणार आहे.

एकूण ५ रिक्त जागा भरण्यात येणार

या भरती मोहिमेत एकूण ५ रिक्त पदांसाठी अर्ज मागवण्यात आले आहेत. यामध्ये नियंत्रक अतिक्रमण अधिकारी, सह. नियंत्रक अतिक्रमण, कार्यकारी अभियंता (स्थापत्य), सहाय्यक लेखा अधिकारी आणि लघु टंकलेखक (मराठी व इंग्रजी) या पदांचा समावेश आहे. या सर्व पदांसाठी सेवानिवृत्त अधिकारी आणि कर्मचाऱ्यांना प्राधान्य देण्यात आले असून, ऑक्टोबर २०२६ पर्यंत सेवानिवृत्त होणारे कर्मचारी देखील या पदांसाठी अर्ज करू शकतील. उमेदवारांसाठी कमाल वयोमर्यादा ६२ वर्षे निश्चित करण्यात आली आहे.

Highest Paying Jobs: प्रायव्हेट की सरकारी? कोणत्या नोकरीत मिळतो सर्वात जास्त पगार आणि सोयी-सुविधा?

अर्ज करण्याची पद्धत आणि अंतिम मुदत:

इच्छुक व पात्र उमेदवारांनी आपला अर्ज करताना लिफाफ्यावर “करार पद्धतीने मानधन तत्त्वावर विवक्षित कामांसाठी अर्ज” असे नमूद करून डाव्या बाजूला ठळक अक्षरांमध्ये पदाचे नाव लिहिणे आवश्यक आहे. अर्ज सादर करण्याची अंतिम तारीख १६ नोव्हेंबर २०२६ ही आहे. उमेदवार आपले अर्ज mmrismc@gmail.com या अधिकृत ईमेलवर किंवा मुख्य कार्यकारी अधिकारी, मुंबई महानगर प्रदेश लोखंड व पोलाद बाजार समिती, डिस्मा बिल्डिंग, ऑफिस नं. ६३०, स्टील मार्केट, मुख्य रस्ता, कळंबोली, ता. पनवेल, जि. रायगड, नवी मुंबई – ४१०२१८ या पत्त्यावर पाठवू शकतात. भरती प्रक्रियेबाबतचे नियम आणि अटी बाजार समितीच्या निर्देशानुसार लागू राहतील.

JEE Main 2027 Free Preparation: कोचिंगशिवाय घरबसल्या करा जेईई मेनची तयारी; ‘हे’ आहेत सर्वोत्तम मोफत प्लॅटफॉर्म्स!