MPKV Rahuri Bharti 2026: महात्मा फुले कृषी विद्यापीठात कंत्राटी पदांसाठी भरती; जाणून घ्या पात्रता आणि अर्ज प्रक्रिया

MPKV Rahuri bharti 2026: महात्मा फुले कृषी विद्यापीठ राहूरी येथे सिनिअर रिसर्च फेलो आणि तांत्रिक सहाय्यक पदांसाठी भरती जाहीर करण्यात आली आहे. इच्छुक उमेदवार या तारखेपर्यंत अर्ज करू शकतात.

• संशोधन प्रकल्पासाठी विविध पदांची कंत्राटी तत्त्वावर भरती जाहीर
• सिनिअर रिसर्च फेलो (SRF) आणि तांत्रिक सहाय्यक पदावर भरती 
• अर्ज प्रक्रिया ऑनलाईन आणि ऑफलाईन स्वरूपात असेल

MPKV Rahuri Bharti 2026: महात्मा फुले कृषी विद्यापीठ, राहूरी येथील मृद व जलसंधारण अभियांत्रिकी विभागांतर्गत चालवल्या जाणाऱ्या “डिव्हलपमेंट ऑफ इनोव्हेटिव्ह फ्रेमवर्क फॉर कार्बन-न्यूट्रल मल्टीफंक्शनल लँडस्केप युजिंग ॲडव्हान्स डेटा ड्रिव्हन टूल्स” या संशोधन प्रकल्पासाठी विविध पदांची कंत्राटी तत्त्वावर भरती जाहीर करण्यात आली आहे. यामध्ये ‘सिनिअर रिसर्च फेलो’ (SRF) आणि ‘तांत्रिक सहाय्यक’ या पदांचा समावेश असून पात्र उमेदवारांकडून अर्ज मागवण्यात येत आहेत.

पात्रता आणि वयोमर्यादा

या भरती प्रक्रियेत सिनिअर रिसर्च फेलो (SRF) च्या एका पदासाठी मृद व जलसंधारण अभियांत्रिकी, जलसंसाधन किंवा सिंचन अभियांत्रिकी विषयातील एम.टेक किंवा एम.ई. पदवीधारक उमेदवार पात्र असतील. या पदासाठी दरमहा ३७,००० रुपये अधिक १० टक्के घरभाडे भत्ता (HRA) दिले जाईल. तसेच तांत्रिक सहाय्यक पदासाठी बी.एससी. ॲग्री किंवा बी.ई./बी.टेक (कृषी अभियांत्रिकी) आणि संगणकाचे ज्ञान आवश्यक असून यासाठी दरमहा १६,००० रुपये मानधन निश्चित करण्यात आले आहे. दोन्ही पदांसाठी वयोमर्यादा पुरुषांसाठी ४० वर्षे आणि महिलांसाठी ४५ वर्षे ठेवण्यात आली आहे.

UPSC 2027 चे कॅलेंडर जाहीर! IAS/IPS होण्यासाठी किती महिन्यांचे करेंट अफेयर्स वाचावे? जाणून घ्या

अधिक माहितीसाठी उमेदवारांनी ‘या’ संकेतस्थळाला भेट द्यावी

इच्छुक व पात्र उमेदवारांनी आपले अर्ज विहीत नमुन्यात सर्व आवश्यक कागदपत्रांच्या साक्षांकित प्रतींसह १९ ऑक्टोबर २०२६ रोजी सायंकाळी ६:०० वाजेपर्यंत टपाल, कूरियर किंवा प्रत्यक्ष विद्यापीठाच्या कार्यालयात सादर करायचे आहेत. याव्यतिरिक्त उमेदवार csws.mpkv@gmail.com या ईमेल आयडीवरही अर्ज पाठवू शकतात. अर्जांची छाननी केल्यानंतर पात्र उमेदवारांना मुलाखतीसाठी ईमेल किंवा संदेशाद्वारे कळवले जाईल. अधिक माहितीसाठी उमेदवारांनी विद्यापीठाच्या www.mpkv.ac.in या अधिकृत संकेतस्थळाला भेट द्यावी, असे आवाहन प्रकल्प प्रमुखांकडून करण्यात आले आहे.

CBSE Exam : एक लहानशी चूक अन् मार्कशीट अडकणार! १०वी आणि १२वीच्या विद्यार्थ्यांनी फॉर्म भरण्यापूर्वी ‘हे’ महत्त्वाचे अपडेट वाचाच