राज्यातील १४ आयटीआय संस्थांचे नामकरण; समाजसुधारक, सामाजिक क्षेत्रातील योगदान देणाऱ्या व्यक्तीमत्वाची दिली नावे

आज झालेल्या राज्य मंत्रीमंडळाच्या बैठकीमध्ये महाराष्ट्र राज्यातील १४ शासकीय औद्योगिक प्रशिक्षण संस्थांना (ITI)  समाजसुधारक तसेच सामाजिक क्षेत्रात महत्वपूर्ण योगदान देणाऱ्या व्यक्तिमत्वांची नावे देण्याचा निर्णय घेण्यात आला. डॉ बाबासाहेब आंबेडकर, शाहू महाराज, बिरसा मुंडा सहित अनेक नावांचा यात समावेश आहे.

महाराष्ट्र राज्यातील १४ शासकीय औद्योगिक प्रशिक्षण संस्थांना (ITI)  समाजसुधारक तसेच सामाजिक क्षेत्रात महत्वपूर्ण योगदान देणाऱ्या व्यक्तिमत्वांची नावे देण्याचा निर्णय आज दि. 23 सप्टेंबर 2024 रोजी राज्याच्या मंत्रिमंडळ बैठकीत घेण्यात आला.  या बैठकीच्या अध्यक्षस्थानी मुख्यमंत्री एकनाथ शिंदे होते.राज्यात सध्या  ४१९ शासकीय आणि ५८५ खाजगी औद्योगिक प्रशिक्षण संस्था आहेत. यामधील १४ शासकीय औद्योगिक प्रशिक्षण संस्थांची नावे बदलण्यात येणार आहेत.

हे देखील वाचा-मुंबई महापालिका लिपीक पदभरती: 1846 जागांच्या भरतीसाठी सुधारित जाहिरात, ‘या’ अटी केल्या रद्द

या आयटीआय संस्थांचे नामकरण

या शासन निर्णयानुसार नामकरणामध्ये डॉ बाबासाहेब आंबेडकर, शाहू महाराज, आनंद दिघे, बिरसा मुंडा आदींची नावे देण्यात आली आहे.   त्यासंबंधी यादी खालीलप्रमाणे आहेत.

• औद्योगिक प्रशिक्षण संस्था बीडचे नाव कै. विनायकराव मेटे शासकीय औद्योगिक प्रशिक्षण संस्था बीड
• औ.प्र.संस्था जामखेड जि.अहमदनगरचे नाव पुण्यश्लोक अहिल्यादेवी होळकर शासकीय औद्योगिक प्रशिक्षण संस्था जामखेड जि. अहमदनगर
• औ.प्र.संस्था मुंबई शहरचे नाव भारतरत्न डॉ.बाबासाहेब आंबेडकर शासकीय औद्योगिक प्रशिक्षण संस्था
• औ.प्र.संस्था येवला जि.नाशिकचे नाव महात्मा ज्योतिबा फुले शासकीय औद्योगिक प्रशिक्षण संस्था
• औ.प्र. संस्था जव्हार जि.पालघरचे नाव भगवान बिरसा मुंडा शासकीय औद्योगिक प्रशिक्षण संस्था
• औ.प्र.संस्था कोल्हापूरचे नाव राजर्षी छत्रपती शाहू महाराज शासकीय औद्योगिक प्रशिक्षण संस्था
• औ.प्र.संस्था अमरावतीचे नाव संत गाडगेबाबा शासकीय औद्योगिक प्रशिक्षण संस्था
• औ.प्र.संस्था सांगलीचे नाव लोकशाहीर अण्णा भाऊ साठे शासकीय औद्योगिक प्रशिक्षण संस्था
• औद्योगिक प्रशिक्षण संस्था जळगावचे नाव कवयित्री बहिणाबाई चौधरी शासकीय औद्योगिक प्रशिक्षण संस्था
• औ.प्र.संस्था आर्वी जि.वर्धाचे नाव दत्तोपंतजी ठेंगडी शासकीय औद्योगिक प्रशिक्षण संस्था
• औ.प्र.संस्था बेलापूर नवी मुंबईचे नाव दि.बा.पाटील शासकीय औद्योगिक प्रशिक्षण संस्था
• औ.प्र. संस्था कुर्लाचे नाव महाराणा प्रताप शासकीय औद्योगिक प्रशिक्षण संस्था
• औ.प्र.संस्था भूम जि.धाराशिवचे नाव आचार्य विद्यासागरजी शासकीय औद्योगिक प्रशिक्षण संस्था
• औ.प्र.ठाणेचे नाव धर्मवीर आनंद दिघे शासकीय औद्योगिक प्रशिक्षण संस्था जिल्हा ठाणे

हे देखील वाचा-यवतमाळ वैद्यकीय महाविद्यालयात अत्याधुनिक मॅाड्युलर ऑपरेशन थिएटरचे उद्घाटन,शस्त्रक्रियेसाठी केला जाणार रोबो तंत्रज्ञानाचा वापर

या 14 आयटीआयना नाव देताना  सामाजिक व जातीय समीकरणांचा विचार केला गेल्याचे दिसून येते.