मुंबई महापालिका लिपीक पदभरती: 1846 जागांच्या भरतीसाठी सुधारित जाहिरात, ‘या’ अटी केल्या रद्द

मुंबई महानगरपालिकेकडून लिपिक पदासाठी भरतीप्रक्रिया राबविण्यात येत आहे. या पदाच्या तब्बल 1846 जागांसाठी भरतीप्रकिया राबिवली जात आहे. या संबंधी मुंबई महापालिकेनेअटी रद्द केल्या आहेत. त्याचा इच्छुक उमेदवारांना फायदा होणार आहे. सुधारित जाहिरातीनुसार उमेदवारांना 11 ऑक्टोंबर 2024 पर्यंत अर्ज करता येणार आहे. जाणून घ्या याबाबत 

फोटो सौजन्य- iStock

Follow Us:

Follow Us:

मुंबई महानगरपालिकेकडून कार्यकारी सहायक ( लिपिक) पदाकरिता 1846 जागांसाठी भरतीप्रकिया राबिवली जात आहे. या भरतीप्रक्रियेसंबंधी काही अटी रद्द करण्यात आल्या आहेत. त्यामुळे अनेक इच्छुक उमेदवारांना याचा फायदा होणार आहे. नवीन जाहिरातीनुसार आता उमेदवारांना 11 ऑक्टोंबर 2024 पर्यंत अर्ज करता येणार आहे.

या अटी रद्द करण्यात आल्या 

• महापालिकेच्या भरतीप्रक्रियेत सहभागी होणाऱ्या उमेदवारांसाठी दहावी आणि पदवी परीक्षा ही पहिल्या प्रयत्नात उतीर्ण होण्याची अट ठेवण्यात आली होती. प्रथम प्रयत्नात उतीर्ण होण्याची अट रद्द करण्याची मागीण सर्व स्तरातून केली जात होती. त्यावर पालिकेने निर्णय घेत ही अट रद्द केली आहे.
• या अटीसोबतच पदवी परीक्षेत 45 टक्के गुणांसह उत्तीर्ण होण्याची अट ठेवली होती. ती अटही रद्द करण्यात आली आहे.

महापालिकेकडून सुधारित अर्हतेनुसार अर्ज मागविण्यात आले आहे. त्यामुळे इच्छुक उमेदवारांना आता 11 ऑक्टोबरपर्यंत अर्ज करता येणार आहे. याआधी पात्र उमेदवारांनी अर्ज केले असतील तर त्यांना अर्ज करण्याची गरज नाही.

वयोमर्यादा

खुल्या प्रवर्गातील उमेदवारांसाठी- किमान 18 ते 38 वर्षे

राखीव प्रवर्गातील उमेदवारांसाठी- किमान 18 ते 43 वर्षे

अर्ज शुल्क (वस्तू व सेवाकरासह)

खुला प्रवर्ग – 1000 रुपये

राखीव प्रवर्ग- 900 रुपये

वेतन

निवड झालेल्या उमेदवारांना 25500 रुपये ते 81100 रुपये दरमहा वेतन असणार आहे.

शैक्षणिक पात्रता

• इच्छुक  उमेदवार हा मान्यताप्राप्त मंडळाची माध्यमिक शालांत प्रमाणपत्र परीक्षा किंवा तत्सम परीक्षा  उत्तीर्ण असावा.
• उमेदवार मान्यताप्राप्त विद्यापीठाचा वाणिज्य, विज्ञान, कला, विधी किंवा तत्सम शाखांचा पदवीधर असावा.
• सहभागी होणार उमेदवार माध्यमिक शालांत प्रमाणपत्र वा तत्सम किंवा उच्च परीक्षा 100 गुणांचे मराठी व 100 गुणांचे इंग्रजी विषय घेऊन उत्तीर्ण झालेला असावा.
• उमेदवाराकडे शासनाचे इंग्रजी व मराठी टंकलेखनाचे प्रत्येकी किमान 30 शब्द प्रति मिनिट वेगाची परीक्षा उत्तीर्ण केल्याचे प्रमाणपत्र असावे.
• उमेदवाराजवळ ‘एम.एस.सी.आय.टी’ परीक्षा उत्तीर्ण असल्याचे प्रमाणपत्र किंवा शासन निर्णय केलेल्या संगणक /माहिती तंत्रज्ञान विषयक परीक्षा उत्तीर्ण केल्याचे प्रमाणपत्र असणे आवश्यक आहे. महाराष्ट्र शासनाच्या माहिती व तंत्रज्ञान संचानलयाने यासंदर्भात यापुढे वेळोवेळी निर्गमित केलेल्या व बृहन्मुंबई महानगरपालिकेने अंमलात आणलेल्या परिपत्रकातील तरतुदी लागू होतील.
• उमेदवाराला संगणकातील ऑपरेटिंग सिस्टीम, वर्ड प्रोसेसिंग, खेडशिट, प्रेझेंटेशन, डेटाबेस सॉफ्टवेअर, ई-मेल आणि इंटरनेट इत्यादीविषयी उत्तम ज्ञान असावे.

अर्जप्रक्रिया

बृहन्मुंबई महानगरपालिकेच्या कार्यकारी सहायक (लिपिक) पदाच्या भरतीसाठी इच्छुक उमेदवारांनी खाली दिलेल्या लिंकवरुन ऑनलाईन पद्धतीने अर्ज करायचा आहे. अर्ज सादर करण्याच्या सविस्तर सूचना पालिकेच्या संकेतस्थळावर उपलब्ध आहेत. अर्जामध्ये सर्व आवश्यक पात्रता अटींबाबत संपूर्ण माहिती भरा. अर्ज करण्याची शेवटची तारीख 11 ऑक्टोंबर 2024 पर्यंत असणार आहे. अर्ज करण्यापूर्वी खाली दिलेली जाहिरातीची पीडीएफ काळजीपूर्वक वाचावी.

अर्जासंबंधी सुधारित जाहिरातीकरिता इथे क्लिक करा 

ऑनलाईन अर्ज करण्यासाठी येथे क्लिक करा – https://cdn3.digialm.com//EForms/configuredHtml/32839/90687/Index.html

अधिक माहितीसाठी अधिकृत वेबसाईट https://www.mcgm.gov.in/ ला भेट द्या.

Web Title: Mumbai municipal clerk recruitment revised advertisement for recruitment of 1846 vacancies

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com