NEET UG Result 2025: नीट युजी 2025 चा निकाल कधीही होऊ शकतो Active, अशी तपासा गुणपत्रिका

नीट यूजी परीक्षेचा निकाल कधीही जाहीर होऊ शकतो. उमेदवारांना वेळोवेळी अधिकृत वेबसाइट तपासत राहण्याचा सल्ला देण्यात येत आहे. स्कोअरकार्ड तुम्ही कसे तपासू शकता याबाबत जाणून घ्या

NEET UG परीक्षेचा निकाल आज जाहीर होणार आहे. निकाल कधीही जाहीर होऊ शकतात. उमेदवारांनी अधिकृत साईटवर लक्ष ठेवावे. आज सकाळी एजन्सीने अंतिम उत्तरपत्रिका जारी केली, ज्यामुळे आता निकाल काही तासांत जाहीर होईल असे मानले जात आहे. उमेदवार येथे नमूद केलेल्या पद्धतीने निकाल तपासू शकतात. नक्की हा निकाल कुठे आणि कसा पाहता येईल याबाबत जर तुम्हाला कल्पना नसेल तर तुम्ही हा लेख वाचायला हवा. 

ऑनलाईन तुम्ही नीट युजी परिक्षेचा निकाल पाहू शकता. याची नक्की प्रक्रिया कशी आहे याची इत्यंभूत माहिती आम्ही तुम्हाला या लेखाद्वारे देत आहोत, ज्यामुळे तुम्हाला स्कोअरकार्ड पाहण्यात अडचण येणार नाही आणि घरबसल्या तुम्ही पटकन निकाल मिळवू शकता, तेदेखील एका क्लिकवर (फोटो सौजन्य – iStock) 

निकाल कधी आणि कुठे येईल?

NEET UG 2025 चा निकाल फक्त ऑनलाइन मोडमध्येच जाहीर केला जाईल. लिंक सक्रिय होताच, विद्यार्थ्यांना neet.nta.nic.in या वेबसाइटवर लॉग इन करून त्यांचे स्कोअरकार्ड आणि रँक तपासता येईल. निकाल पाहण्यासाठी, उमेदवारांना त्यांचा अर्ज क्रमांक, जन्मतारीख आणि सुरक्षा पिन आवश्यक असेल. योग्य क्रमांक विद्यार्थ्यांनी यामध्ये भरणे आवश्यक आहे अन्यथा तुम्हाला हा निकाल दिसू शकणार नाही. 

बारावीनंतर पायलट कसे बनावे? कशी असते भरती प्रक्रिया? संपूर्ण मार्गदर्शन

NEET UG 2025 परीक्षेत किती विद्यार्थी बसले?

या वर्षी NEET UG परीक्षेत विक्रमी २१ लाख विद्यार्थ्यांनी भाग घेतला. देशभरातील वैद्यकीय महाविद्यालयांमध्ये MBBS, BDS आणि इतर पदवीपूर्व वैद्यकीय अभ्यासक्रमांच्या प्रवेशासाठी ही परीक्षा सर्वात मोठी प्रवेश परीक्षा आहे. वैद्यकीय अभ्यासक्रमाच्या प्रवेशासाठी ही परीक्षा सर्वाधिक महत्त्वाची मानली जाते आणि अनेक विद्यार्थ्यांचे भविष्य यावर अवलंबून आहे. ज्यांना डॉक्टर व्हायचे आहे त्यांच्यासाठी हा निकाल अत्यंत महत्त्वाचा आणि आयुष्याला कलाटणी देणारा ठरणार आहे. 

निकाल कसा तपासायचा?

• सर्वप्रथम अधिकृत वेबसाइट neet.nta.nic.in यावर जा
• होमपेजवरील “NEET UG 2025 Result” या लिंकवर क्लिक करा
• आता एक नवीन पेज उघडेल, ज्यामध्ये अर्ज क्रमांक, जन्मतारीख आणि कॅप्चा कोड टाकून लॉगिन करा
• तुमचा निकाल आणि स्कोअरकार्ड स्क्रीनवर दिसेल. ते डाउनलोड करा आणि भविष्यातील वापरासाठी प्रिंट काढून सुरक्षित ठेवा
• अंतिम उत्तरपत्रिका देखील जारी करण्यात येणार आहे 

NTA ने आज सकाळी अंतिम उत्तरपत्रिका देखील जारी केली होती. यापूर्वी, ३ जून रोजी तात्पुरती उत्तरपत्रिका जारी करण्यात आली होती, ज्यावर ५ जूनपर्यंत विद्यार्थ्यांकडून हरकती मागवण्यात आल्या होत्या. आता या हरकतींचा आढावा घेतल्यानंतर, अंतिम उत्तरपत्रिकाच्या आधारे निकाल तयार करण्यात आला आहे.

UPSC ची तयारी कशी करावी? जाणून घ्या योग्य मार्ग आणि यशाचे सूत्र

पुढे काय होईल?

निकालानंतर, अखिल भारतीय समुपदेशन प्रक्रिया देखील लवकरच सुरू होईल, जी MCC  (वैद्यकीय समुपदेशन समिती) आयोजित करेल. या आधारावर, विद्यार्थ्यांना त्यांच्या रँक आणि गुणांनुसार देशभरातील एम्स, जेआयपीएमईआर, राज्यस्तरीय महाविद्यालयांमध्ये प्रवेश मिळेल.