नथिंग युजर्ससाठी खूशखबर! Nothing OS 5.0 लाँच; काय आहेत नवीन फीचर्स जाणून घ्या एका क्लिकवर..

Nothing OS 5.0 Launched: नथिंगने Android 17 वर आधारित Nothing OS 5.0 लाँच केले आहे. यामध्ये ८० हून अधिक नवीन फीचर्स, AI अपग्रेड्स आणि नवीन डिझाइन दिले आहे. कोणत्या फोनला अपडेट मिळणार ते जाणून घ्या.

Nothing OS 5.0 Launched: आजकाल स्मार्टफोनमध्ये कॅमेरा, प्रोसेसर किंवा बॅटरीसोबतच फोनचा सॉफ्टवेअर एक्सपिरियन्स देखील तितकाच महत्त्वाचा बनला आहे. हे लक्षात घेऊन UK-बेस्ड टेक कंपनी ‘नथिंग’ने आपल्या स्मार्टफोनसाठी Nothing OS 5.0 लाँच केले आहे. हे नवीन ऑपरेटिंग सिस्टीम अँड्रॉइड १७ (Android 17) वर आधारित असून, कंपनीच्या दाव्यानुसार यामध्ये ८० हून अधिक नवीन फीचर्स आणि सुधारणा करण्यात आल्या आहेत. यामध्ये डिझाइनमधील बदलांपासून ते पर्सनलायझेशन, परफॉर्मन्स आणि AI शी संबंधित अनेक अपग्रेड्सचा समावेश आहे. याचा ओपन बीटा सर्वात आधी Nothing Phone (3) साठी २६ ऑगस्ट रोजी दुपारी ३:३० वाजता सुरू झाला आहे. चला तर मग जाणून घेऊया, Nothing OS 5.0 मध्ये काय बदलले आहेत आणि कोणत्या फोनला हे अपडेट मिळणार आहे.

Nothing OS 5.0 मध्ये युजर्सना नवीन होम स्क्रीन डिझाइन पाहायला मिळेल. यामध्ये ट्रान्सपरंट विजेट्स (Transparent Widgets) आणि सर्च बार दिले गेले आहेत, जे स्क्रीनला एक वेगळाच लेयर्ड लूक देतात. गॅलरीसह अनेक अ‍ॅप्सच्या डिझाइनमध्येही बदल करण्यात आले आहेत. नवीन Adaptive Color System वॉलपेपरच्या रंगानुसार अ‍ॅप आयकॉन, विजेट्स आणि क्विक सेटिंगमध्ये कलर टिंट जोडू शकते. याशिवाय स्टेटस बार, सेटिंग, कॅमेरा आणि गॅलरीचे आयकॉन्स, अ‍ॅनिमेशन आणि स्पेसिंग देखील अपडेट करण्यात आले आहेत. संपूर्ण सिस्टीममध्ये Geist Typeface चा वापर करण्यात आला आहे.

नवीन विजेट्स आणि ग्लाइफ (Glyph) मध्ये बदल

Nothing OS 5.0 मध्ये Collector आणि Away Time नावाचे दोन नवीन विजेट्स जोडले गेले आहेत.

Collector: याच्या मदतीने युजर्स फोटोंचे व्हिज्युअल कलेक्शन तयार करू शकतात.

Away Time: हे विजेट स्क्रीनपासून दूर घालवलेला वेळ आणि डिजिटल वेलबीइंग ट्रेंड्स दाखवते.

लॉक स्क्रीनसाठी Gooey आणि Micrographics नावाचे दोन नवीन क्लॉक स्टाईल्सही मिळतील.

युजर्स आता होम स्क्रीन एडिट करताना अनेक अ‍ॅप्स आणि विजेट्स एकाच वेळी मूव्ह करू शकतील. कंपनीच्या खास Glyph Interface साठी स्वतंत्र अ‍ॅप देण्यात आला आहे, तर नवीन Glyph Timer विजेट होम स्क्रीनवरूनच टायमर सुरू करण्याची सुविधा देतो.

NITI Aayog Report: पदवी घेतल्यानंतरही नोकरी मिळणे कठीण का? नीती आयोगाच्या अहवालात झालेला खुलासा एकदा वाचाच

कोणत्या फोनमध्ये मिळणार अपडेट?

Nothing Phone (3): या फोनला २६ ऑगस्टपासून ओपन बीटा मिळण्यास सुरुवात झाली असून याचे स्टेबल अपडेट ऑक्टोबरच्या मधल्या कालावधीत येईल.

यानंतर Phone (4a) Pro, Phone (4a), Phone (3a) Pro, Phone (3a), Phone (2a) आणि Phone (2a) Plus यांसारख्या इतर उपकरणांना टप्प्याटप्प्याने अपडेट मिळेल.

Nothing Phone (3a) Lite आणि CMF Phone 2 Pro यांना डिसेंबर २०२६ आणि जानेवारी २०२७ मध्ये स्टेबल अपडेट मिळण्याचे नियोजन आहे.

Credit Card : भारतीयांचा क्रेडिट कार्डवरील खर्च २ लाख कोटींच्या पार! जाणून घ्या कोणत्या बँकेचे कार्ड आघाडीवर?

AI आणि परफॉर्मन्समध्येही अपग्रेड

नथिंगच्या मते, नवीन OS मध्ये टच रिस्पॉन्स, बॅकग्राउंड अ‍ॅप रिटेन्शन आणि सिस्टीम रिसोर्स मॅनेजमेंट सुधारण्यात आले आहेत. ‘एसेंशियल व्हॉइस’ मध्ये जलद ट्रान्सक्रिप्शन आणि सुधारित फॉर्मेटिंग देण्यात आली आहे. तसेच ‘एसेंशियल’ मध्ये स्मार्ट कलेक्शन फीचर कंटेंट व्यवस्थित ठेवते. याशिवाय Essential Apps Builder च्या मदतीने युजर्स कोणतेही कोडिंग न करता साधे AI-पावर्ड अ‍ॅप्स तयार आणि वापरू शकतील.