nta
NTA Big Changes Supreme Court : पेपर लिकचे गंभीर आरोप आणि नीट यूजी परीक्षेवरून झालेल्या वादानंतर नॅशनल टेस्टिंग एजन्सीच्या (NTA) परीक्षा प्रणाली, सुरक्षा व्यवस्था आणि कारभारावर प्रश्नचिन्ह उपस्थित झाले होते. या पार्श्वभूमीवर, आता एनटीएने आपल्या प्रशासकीय रचनेपासून ते कर्मचाऱ्यांच्या नियुक्त्या, परीक्षांचे संचालन आणि सुरक्षा व्यवस्थेपर्यंत अनेक आमूलाग्र बदल करण्यास सुरुवात केली आहे. सर्वोच्च न्यायालयात दाखल केलेल्या ताज्या प्रतिज्ञापत्रात एनटीएने या सुधारणांच्या सद्यस्थितीची सविस्तर माहिती दिली आहे.
या बदलांचा एक भाग म्हणून एनटीए ‘एग्झाम स्पेसिफिक युनिट्स’ऐवजी ‘फंक्शनल व्हर्टिकल स्ट्रक्चर’कडे वाटचाल करत आहे. याशिवाय, दिल्लीतील मिंटो रोड येथील नवीन सरकारी इमारतीमध्ये गुप्त कामकाजाची जागा हलवण्यात आली असून, ३९ सीआयएसएफ (CISF) जवानांवर सुरक्षेची जबाबदारी सोपवण्यात आली आहे. तसेच परीक्षा केंद्रांवर एआय (AI) आधारित देखरेखीसह अनेक तांत्रिक उपायांचा अवलंब केला जात आहे. प्रवेश आणि बाहेर पडण्याच्या ठिकाणी एक्स-रे बॅगेज स्क्रिनिंग आणि डोअर फ्रेम मेटल डिटेक्टर्सद्वारे कसून तपासणी केली जाईल.
एनटीएमध्ये आधी कर्मचारी आणि अधिकाऱ्यांना वेगवेगळ्या परीक्षांच्या हिशोबाने वेगवेगळ्या युनिट्समध्ये विभागले जात होते. आता ही व्यवस्था बदलून काम आणि कौशल्याच्या आधारे ‘फंक्शनल व्हर्टिकल’ तयार केले जात आहेत.
एनटीएच्या वरिष्ठ नेतृत्वातही मोठे बदल केले जात आहेत. डायरेक्टर जनरल या पदाचा दर्जा जॉइंट सेक्रेटरी स्तरावरून वाढवून ॲडिशिनल सेक्रेटरी स्तरापर्यंत करण्याचा प्रस्ताव केंद्र सरकारच्या विचाराधीन आहे. याशिवाय जॉइंट सेक्रेटरी स्तराची ५ नवीन पदे निर्माण करण्याचा प्रस्तावही मांडण्यात आला आहे.
Devendra Fadnavis on MPSC : एमपीएससीत होणार विक्रमी महाभरती; मुख्यमंत्री फडणवीसांची मोठी घोषणा!
मे २०२६ मध्ये सेंट्रल स्टाफिंग स्कीमअंतर्गत दोन जॉइंट डायरेक्टर एनटीएमध्ये तैनात करण्यात आले होते. ऑगस्टमध्ये आणखी १४ अधिकारी एजन्सीत सामील झाले. यात आयएएस (IAS), आयपीएस (IPS), आयआरएस (IRS) आणि इंडियन स्टॅटिस्टिकल सर्व्हिस (ISS) यांसारख्या विविध नागरी सेवांमधील अधिकाऱ्यांचा समावेश आहे.
तज्ज्ञांची भरती: सुरक्षा, एचआर (HR), असेसमेंट आर अँड डी, टेस्ट सेंटर, कॅन्डिडेट एक्सपिरियन्स, माहिती सुरक्षा आणि व्हिजिलन्स यांसारख्या क्षेत्रांतील तज्ज्ञांची भरती केली जात आहे.
Sports Quota: क्रीडापटूंसाठी खूशखबर! CRPF मध्ये ५२१ जागांवर भरती; कोणतीही लेखी परीक्षा नाही
एनटीएने परीक्षेच्या प्रत्येक टप्प्यासाठी नवीन स्टँडर्ड ऑपरेटिंग प्रोसिजर (SOP) तयार केली आहे. यात प्रश्नपत्रिका तयार करणे, भाषांतर (Translation), छपाई, पॅकिंग, ट्रॅकिंग, परीक्षा केंद्राची सुरक्षा, परीक्षेच्या दिवशी ट्रंक उघडणे आणि निकाल तयार करण्यापर्यंतच्या सर्व प्रक्रियांचा समावेश आहे. तसेच आधार आधारित बायोमेट्रिक पडताळणी, फेस ऑथेंटिकेशन (Face Authentication), मल्टी-लेयर रिस्कींग, मोबाईल जॅमर, सीसीटीव्ही मॉनिटरिंग आणि एआय आधारित उपकरणांचा वापर केला जात आहे. परीक्षेदरम्यान देखरेखीसाठी ‘पाच पदरी ओव्हरसाईट व्यवस्था’ लागू करण्यात आली आहे.
.png "Videos"){kind=small}
