NTA Office Shifted: नॅशनल टेस्टिंग एजन्सीचे कार्यालय नव्या पत्त्यावर! विद्यार्थ्यांसाठी NTA ने जारी केला डिटेल्स

NTA Office Address : नॅशनल टेस्टिंग एजन्सीने आपले मुख्य कार्यालय नवीन जागेत हलवले आहे. एजन्सीने सर्वांना NTA च्या नवीन पत्त्याची नोंद घेण्याचे आणि आपापल्या रेकॉर्डमध्ये आवश्यक ते बदल करण्याचे आवाहन केले आहे.

NTA Office Shifted: नॅशनल टेस्टिंग एजन्सीने आपले मुख्य कार्यालय नवीन जागेत हलवले आहे. एजन्सीने सर्व उमेदवार, विद्यार्थी, शैक्षणिक संस्था, संबंधित भागधारक, सेवा पुरवठादार आणि सर्वसामान्य जनतेला NTA च्या नवीन पत्त्याची नोंद घेण्याचे आणि आपापल्या रेकॉर्डमध्ये आवश्यक ते बदल करण्याचे आवाहन केले आहे.

NTA ने जारी केलेल्या माहितीनुसार, आता एजन्सीचे कार्यालय नवी दिल्ली येथील मिंटो रोडवरील सरकारी संकुलात (Minto Road Government Complex) हलवण्यात आले आहे. संबंधित व्यक्तींनी भविष्यात NTA शी संबंधित कोणत्याही अधिकृत पत्रव्यवहारासाठी किंवा कामासाठी या नवीन पत्त्याचा वापर करावा.

NTA च्या नवीन कार्यालयाचा पत्ता:

नॅशनल टेस्टिंग एजन्सी (National Testing Agency – NTA), ५ वा मजला, भारत सरकार प्रेस बिल्डिंग, मिंटो रोड, नवी दिल्ली – ११०००२ (New Delhi-110002)

भविष्यात होणाऱ्या अधिकृत पत्रव्यवहारात कोणतीही अडचण येऊ नये, म्हणून सर्व विद्यार्थी आणि संस्थांनी आपल्या नोंदींमध्ये हा पत्ता अपडेट करावा, असे आवाहन NTA द्वारे करण्यात आले आहे.

NTA नक्की काय आहे आणि तिचे मुख्य काम काय?

NTA म्हणजेच National Testing Agency ही भारतातील विविध मोठ्या प्रवेश परीक्षा आणि पात्रता परीक्षा आयोजित करणारी शिक्षण मंत्रालयाअंतर्गत स्थापन झालेली सरकारी संस्था आहे.

Aditya Thackeray News: दिशा सालियान प्रकरणावरून चर्चेत आलेले आदित्य ठाकरे किती शिकलेत? जाणून घ्या शिक्षण अन् एकूण संपत्ती

NTA ची प्रमुख कामे:

JEE Main: इंजिनिअरिंग प्रवेशासाठी राष्ट्रीय स्तरावरील परीक्षा आयोजित करणे.

NEET-UG: वैद्यकीय (Medical) अभ्यासक्रमांच्या प्रवेशासाठी परीक्षा घेणे.

CUET-UG/PG: केंद्रीय आणि इतर विद्यापीठांमध्ये प्रवेशासाठी ‘कॉमन युनिव्हर्सिटी एंट्रन्स टेस्ट’ आयोजित करणे.

UGC-NET: कॉलेज आणि विद्यापीठांमध्ये असिस्टंट प्रोफेसर आणि JRF ची पात्रता ठरवणारी परीक्षा घेणे.

CMAT / GPAT: मॅनेजमेंट आणि फार्मसी क्षेत्रातील राष्ट्रीय स्तरावरील परीक्षा आयोजित करणे.

Engineers Day 2026: पुण्याच्या COEP मधून शिकलेला ‘हा’ मुलगा कसा बनला भारताचा सर्वात मोठा इंजिनिअर? जाणून घ्या

परीक्षा व्यवस्थापन:

अर्जाची प्रक्रिया, प्रवेशपत्र (Admit Card), परीक्षा केंद्र नियोजन, संगणकावर आधारित परीक्षा (CBT), उत्तरतालिका (Answer Key) आणि निकाल प्रसिद्ध करण्याची सर्व जबाबदारी NTA सांभाळते.

थोडक्यात सांगायचे तर, NTA थेट प्रवेश देत नाही, तर देशातील महत्त्वाच्या प्रवेश आणि पात्रता परीक्षा पारदर्शकपणे आयोजित करण्याचे काम करते.