OICL असिस्टंट भरती 2025: 500 पदांसाठी भरती, पदवीधरांसाठी सुवर्णसंधी

OICL ने असिस्टंट पदांसाठी 500 जागांची भरती जाहीर केली असून, पदवीधर उमेदवारांसाठी ही एक उत्तम सरकारी नोकरीची संधी आहे. ऑनलाईन अर्ज 2 ऑगस्ट 2025 पासून सुरू होणार असून अंतिम तारीख 17 ऑगस्ट आहे.

सरकारी नोकरीसाठी तयारी करणाऱ्या पदवीधर उमेदवारांसाठी ओरिएंटल इन्शुरन्स कंपनी लिमिटेड (OICL) कडून एक उत्तम संधी उपलब्ध झाली आहे. कंपनीने असिस्टंट पदांसाठी 500 रिक्त जागा जाहीर केल्या आहेत. या भरतीसाठी शॉर्ट नोटिफिकेशन जाहीर करण्यात आले आहे आणि त्यानुसार 2 ऑगस्ट 2025 पासून ऑनलाईन अर्ज प्रक्रिया सुरू होणार आहे. अर्ज करण्याची शेवटची तारीख 17 ऑगस्ट 2025 आहे. याच तारखेपर्यंत अर्ज शुल्क भरणे आवश्यक आहे.

थॅलेसेमियामुक्त महाराष्ट्रासाठी ११ वी प्रवेशावेळी तपासणी सक्तीची! प्रस्ताव तयार करण्याचे निर्देश जाहीर

या भरतीसाठी अर्ज करण्यासाठी उमेदवारांकडे खालील पात्रता असणे आवश्यक आहे:

• मान्यताप्राप्त विद्यापीठातून पदवी (Graduation), किंवा १२वी (HSC) उत्तीर्ण किमान 60% गुणांसह (SC/ST, PwD आणि माजी सैनिकांसाठी किमान 50%)
• SSC, HSC किंवा पदवी स्तरावर इंग्रजी विषयाचा अभ्यास आवश्यक
• अर्ज करणाऱ्या उमेदवाराला संबंधित प्रादेशिक/स्थानिक भाषेचे ज्ञान असणे आवश्यक आहे

भरतीसंबंधी सविस्तर माहिती जसे की वयोमर्यादा, निवड प्रक्रिया, वेतनश्रेणी इ. 1 ऑगस्ट 2025 रोजी प्रकाशित होणाऱ्या तपशीलवार अधिसूचनेत दिली जाईल.

अर्ज कसा कराल? (How to Apply)

उमेदवार OICL ची अधिकृत वेबसाईट orientalinsurance.org.in वर जाऊन ऑनलाईन अर्ज करू शकतात. अर्ज करण्याची पद्धत खालीलप्रमाणे आहे:

• वेबसाइटवर “Careers” विभागात जाऊन “Apply Online” लिंकवर क्लिक करा
• “New Registration” वर क्लिक करून रजिस्ट्रेशन करा
• मिळालेल्या रजिस्ट्रेशन नंबर आणि पासवर्डने लॉगिन करा
• शैक्षणिक, वैयक्तिक व इतर आवश्यक माहिती भरा
• पासपोर्ट साइज फोटो व स्वाक्षरी योग्य फॉरमॅटमध्ये अपलोड करा
• ऑनलाईन अर्ज शुल्क भरा
• अर्ज पूर्ण झाल्यावर फायनल सबमिट करा आणि प्रिंटआउट काढून ठेवा

‘विकसित महाराष्ट्र 2047’साठी आयआयएम मुंबईकडून नवीन सॅटेलाइट कॅम्पसचा प्रस्ताव

महत्वाच्या तारखा (Important Dates)

• अधिसूचना प्रसिद्धी: 1 ऑगस्ट 2025
• ऑनलाइन अर्ज सुरू: 2 ऑगस्ट 2025
• अर्जाची अंतिम तारीख: 17 ऑगस्ट 2025

OICL असिस्टंट भरती 2025 ही एक प्रतिष्ठित आणि स्थिर सरकारी नोकरी मिळवण्यासाठी उत्तम संधी आहे. पदवीधर उमेदवारांनी सर्व आवश्यक कागदपत्रे तयार ठेवून अर्ज प्रक्रियेची सुरुवात वेळेत करावी. ही नोकरी केवळ आर्थिक स्थिरता नाही तर विमा क्षेत्रातील करिअर घडवण्यास मदत करणारी ठरू शकते.