कोकण रेल्वेमध्ये 190 जागांसाठी भरती; महाराष्ट्रातील उमेदवारांना प्राधान्य, आजपासून करता येणार अर्ज

कोकण रेल्वेमध्ये नोकरी करण्याची सुवर्णसंधी उपलब्ध झाली आहे. तब्बल 190 जागांसाठी भरतीप्रक्रिया सुरु झाली असून इच्छुक उमेदवार आजपासून अर्ज करु शकतात. जाणून घ्या या भरतीच्या अर्जप्रक्रियेविषयी

कोकण रेल्वे कॉरपोरेशन लिमिटेडमधील विविध पदांसाठी असणाऱ्या भरतीची आजपासून अर्जप्रक्रिया सुरु करण्यात येत आहे. त्यामुळे सरकारी नोकरीसाठी इच्छुक असलेल्या उमेदवारांना ही भरतीप्रक्रिया सुवर्णसंधी आहे.  ज्या इच्छुक उमेदवारांना भरतीप्रक्रियेमध्ये सहभागी व्हायचे आहे ते  6 ऑक्टोबरपर्यंत अर्ज  करता येऊ शकतो. जाणून घेऊया या भरतीविषयी

पदे आणि जागा

एकूण जागा- या भरती प्रक्रियेमध्ये विविध पदांसाठी तब्बल  190 जागा उपलब्ध आहेत.

पदे –

• सीनियर सेक्शन इंजीनियर, टेक्नीशियन, स्टेशन मास्टर, असिस्टेंट लोको पायलट, गुड्स ट्रेन मॅनेजर, कमर्शियल सुपरवाइजर, ट्रॅक मेंटेनर आणि पॉइंट मॅन या पदांसाठी भरतीप्रक्रिया राबविण्यात आली आहे.
• विविध प्रवर्गानुसार रिक्त जागा उपलब्ध केल्या गेल्या आहेत. प्रवर्गानुसार असलेल्या रिक्त पदांची माहिती नोटिफिकेशनमध्ये देण्यात आली आहे.

वेतन- विविध पदानुसार 18 हजार ते 44 हजार 900 रुपयांपर्यंत वेतन दिले जाणार आहे.

हे देखील वाचा- भारतीय स्टेट बँकेत १,५११ पदांसाठी भरती सुरु; आजपासून करता येणार अर्ज

पात्रता निकष

• सीनियर सेक्शन इंजीनियरसाठी मॅकेनिकल इंजीनयरची पदवी असणारे उमेदवार अर्ज करु शकतात. काही पदांसाठी आयटीआय डिप्लोमा असणे आवश्यक आहे. या भरतीप्रक्रियेमध्ये असणाऱ्या विविध पदांनुसार शैक्षणिक पात्रता आवश्यक आहे. यासाठी तुम्ही खाली देण्यात आलेल्या नोटीफिकेशन लिंकवर लिंकवर क्लिक करु शकता आणि त्यासंबंधी माहिती घेऊ शकता.
• या भरतीप्रक्रियेमध्ये केवळ महाराष्ट्र, गोवा, कर्नाटक येथील मूळ रहिवासीच अर्ज करु शकतात.

वयोमर्यादा

या भरतीसाठीची उमेदवाराचे वय हे 18 ते 36 वर्षामध्ये असावे. 1 ऑगस्ट 2024 पासून वयाची गणना केली जाईल. इतर प्रवर्गांना शासनाच्या नियमांनुसार वयात सवलत दिली गेली आहे.

अर्ज प्रक्रिया 

• उमेदवाराने अर्जासाठी नोटीफिकेशन पाहावे.
• उमेदवाराने खाली दिलेल्या नोटीफिकेशनमध्ये कागदपत्रे देण्यात आली आहेत ती आवश्यक ती कागदपत्रे अर्जासोबत जोडावी.
• ऑनलाईन अर्ज भरल्यानंतर उमेदवाराने स्वत:कडे अर्जाची प्रिंट प्रत ठेवावी.

हे देखील वाचा- RRBची बंपर भरती; ११,५५८ रिक्त पदांसाठी ऑनलाईन अर्ज सुरु, त्वरित करा अर्ज

अर्ज करण्याची शेवटची तारीख 

आज दि. 16 सप्टेंबरपासून उमेदवार अर्ज भरु शकतात. या अर्ज भरण्याची अंतिम तारीख ही 6 ऑक्टोबर आहे. 6 ऑक्टोबर रोजी रात्री 11.59 पर्यंत अर्ज करु शकता. त्यानंतर अर्ज करता येणार नाही. उमेदवाराने शक्य तितक्या लवकर अर्ज करावा.

अधिक माहितीसाठी उमेदवाराने नोटिफिकेशन पाहावे.

नोटिफिकेशन करिता इथे क्लिक करा.