SCI Mumbai Recruitment 2026: शिपिंग कॉर्पोरेशन ऑफ इंडियामध्ये ‘या’ पदांसाठी भरती सुरू

SCI Mumbai Recruitment 2026: शिपिंग कॉर्पोरेशन ऑफ इंडिया लिमिटेड, मुंबई अंतर्गत मुख्य व्यवस्थापक कायदेशीर (Chief Manager Legal) या पदासाठी नवीन भरती जाहीर करण्यात आली आहे. या भरतीमध्ये एक जागा असून नोकरीचे ठिकाण मुंबई आहे.

Shipping Corporation of India Recruitment 2026: सरकारी नोकरीच्या शोधत असाल तर ही बातमी तुमच्यासाठी आहे. शिपिंग कॉर्पोरेशन ऑफ इंडिया मुंबई म्हणजेच SCI मुंबईने नवीन भरती काढली आहे. यात मुख्य व्यवस्थापक कायदेशीर या पदासाठी जागा आहे.ही भरती सप्टेंबर 2026 च्या जाहिरातीमध्ये आली आहे. एकूण जागा एक असून पगार चांगला दिला जाईल. मुंबईत नोकरी करायची संधी हातातून जाऊ देऊ नका. अर्ज करण्याची शेवटची तारीख 13 ऑक्टोबर 2026 आहे. SCI Mumbai Recruitment 2026:

पदाची माहिती

• संस्थेचं नाव – शिपिंग कॉर्पोरेशन ऑफ इंडिया लिमिटेड, मुंबई
• पदाचं नाव – मुख्य व्यवस्थापक कायदेशीर
• एकूण जागा – 01
• नोकरीचं ठिकाण – मुंबई
• अर्ज कसा करायचा – ऑनलाईन आणि ऑफलाईन दोन्ही
• अधिकृत वेबसाईट – www.shipindia.com

पगार किती मिळणार?

या पदासाठी दरमहा 80,000 रुपये ते 2,20,000 रुपयापर्यंत पगार मिळेल. सरकारी कंपनी असल्यामुळे इतर भत्ते सुद्धा दिले जाईल.

शिक्षण काय लागेल?

उमेदवाराकडे कायद्याची पदवी असणं गरजेचं आहे. LLB किंवा LLM पूर्णवेळ कोर्स झालेला असावा आणि त्यात कमीत कमी 60 टक्के मार्क्स असावेत. त्याबरोबरच अनुभवपण लागणार आहे. ज्यांनी मोठ्या कंपनीत कायदेशीर विभागात काम केलं आहे त्यांना पहिले प्राधान्य मिळेल.

UPSC 100 Years Completed: दिल्लीत UPSCचा शताब्दी सोहळा संपन्न, पंतप्रधान मोदी म्हणाले, ‘आता प्रशासनात ‘नेशन फर्स्ट’ आणि….’

वयाची अट काय आहे?

1 ऑगस्ट 2026 रोजी तुमचं वय 45 वर्षांपेक्षा जास्त नसावं. SC, ST, दिव्यांग आणि माजी सैनिकांना सरकारी नियमानुसार वयात सूट मिळेल. परंतू सगळ्या सूट मिळून पण वय 50 वर्षांपेक्षा जास्त होता कामा नये.

अर्ज फी किती?

• जनरल, OBC आणि EWS उमेदवारांसाठी 1000 रुपये फी आहे.
• SC, ST, दिव्यांग आणि माजी सैनिकांसाठी 500 रुपये फी आहे.

अर्ज कसा करायचा?

यात दोन स्टेप आहेत. आधी तुम्हाला ऑनलाईन अर्ज करावा लागेल. www.shipindia.com या वेबसाईटवर जा आणि फॉर्म भरा. ऑनलाईन फॉर्म भरल्यानंतर त्याची प्रिंट काढून आणि कागदपत्रांसोबत उप महाव्यवस्थापक SP-1, द शिपिंग कॉर्पोरेशन ऑफ इंडिया लि. 18 वा मजला, शिपिंग हाऊस, 245, मादाम कामा रोड, नरिमन पॉईंट, मुंबई 400021 या पत्त्यावर पाठवा. शेवटची तारीख 13 ऑक्टोबर 2026 आहे. त्यामुळे लवकर अर्ज करा. उशिरा आलेले अर्ज घेतले जाणार नाहीत.

Pune Recruitment 2026: पुण्यात एअर फोर्स स्कूलमध्ये नोकरीची संधी; ‘या’ तारखेला थेट मुलाखत

महत्वाच्या तारखा

• अर्ज सुरू झाला – सप्टेंबर 2026
• अर्जाची शेवटची तारीख – 13 ऑक्टोबर 2026

ज्यांना कायद्याची चांगली माहिती आहे आणि मुंबईत मोठ्या पगाराची सरकारी नोकरी हवी आहे त्यांच्यासाठी ही एकदम बेस्ट संधी आहे. एकच जागा असल्यामुळे कॉम्पिटिशन असेल, पण पात्र असाल तर नक्की ट्राय करा. अधिक माहितीसाठी SCI ची अधिकृत वेबसाईट बघा.