Palghar Kotwal Bharti 2026 : सरकारी नोकरीची मोठी संधी! महसूल विभागात 122 जागांसाठी कोतवाल भरती; अर्ज कसा करायचा? पाहा सविस्तर

Palghar Kotwal Bharti 2026 : पालघर जिल्हा प्रशासनाने महसूल विभागातील वर्ग-४ संवर्गातील महसूल सेवक कोतवाल पदांच्या १२२ रिक्त जागांसाठी सरळसेवा भरती प्रक्रिया सुरू केली आहे. या भरतीसाठी उमेदवारांना या तारखेपर्यंत संबंधित तहसीलदार कार्यालयात प्रत्यक्ष अर्ज सादर करता येणार आहेत.

• पालघर जिल्ह्यात १२२ जागांवर कोतवाल भरती
• कामकाजाला मिळणार गती
• १७ ऑक्टोबरपर्यंत ऑफलाइन अर्जाची मुदत

Palghar Kotwal Bharti 2026 : पालघर जिल्हा प्रशासनाकडून महसूल विभागातील वर्ग-४ संवर्गातील महसूल सेवक म्हणजे कोतवाल पदांच्या सरळसेवा भरतीची प्रक्रिया सुरू करण्यात आली आहे. जिल्ह्यातील आठही तालुक्यांत मिळून एकूण १२२ रिक्त जागा भरल्या जाणार असून, इच्छुकांना १७ऑक्टोबर २०२६ पर्यंत अर्ज करता येणार आहेत. तालुकानिहाय जागांचा विचार करता वसई तालुक्यात सर्वाधिक ३१ जागा भरल्या जातील. त्यापाठोपाठ पालघर तालुक्यात २१, वाडा १७, डहाणू १६, जव्हार ११, विक्रमगड १०, तलासरी ९ आणि मोखाडा तालुक्यात ७ जागांसाठी ही भरती प्रक्रिया राबवली जात आहे. स्थानिक प्रशासनाच्या तळागाळातील कामकाजाला गती देण्यासाठी ही पदे अत्यंत महत्त्वाची मानली जातात. ( Palghar Kotwal Bharti 2026 )

Vadhavan Port Protest : भर उन्हात ५०० हून अधिक पोलीस अन् हजारो भूमिपुत्र आमनेसामने! वाढवण बंदरविरोधात वरोरमध्ये आंदोलन पेटले

अर्जाची पद्धत व वेळापत्रक असे

या भरतीसाठी उमेदवारांना संबंधित तहसीलदार कार्यालयात जाऊन विहित नमुन्यातील अर्ज सर्व आवश्यक कागदपत्रांसह प्रत्यक्ष ऑफलाइन सादर करावा लागेल, टपाल अथवा ई-मेलद्वारे आलेले अर्ज ग्राह्य धरले जाणार नाहीत. १७ऑक्टोबर रोजी सायंकाळी ६:१५ वाजेपर्यंत शासकीय सुट्टया वगळून अर्ज स्वीकारले जातील, त्यानंतर पात्र उमेदवारांची लेखी परीक्षा १५ नोव्हेंबर २०२६ रोजी घेतली जाणार आहे. सविस्तर जाहिरात व अर्जाचा नमुना मिळवण्यासाठी इच्छुकांनी palghar.gov.in या अधिकृत संकेतस्थळाला भेट द्यावी.

पदासाठी पात्रता आणि वयोमर्यादा

या पदासाठी अर्ज करणारा उमेदवार किमान चौथी ४थी उत्तीर्ण असावा. त्याला मराठी भाषा व्यवस्थित लिहिता-वाचता येणे बंधनकारक आहे. २ ऑक्टोबर २०२६ रोजी उमेदवाराचे वय किमान १८ ते कमाल ४० वर्षे असणे आवश्यक आहे. शासकीय नियमांनुसार प्रवर्गांना वयोमर्यादेत सवलत लागू राहील. महत्त्वाचे म्हणजे, उमेदवार संबंधित गावातील किंवा सजातील स्थानिक रहिवासी असणे अनिवार्य आहे. निवड झालेल्या उमेदवारास दरमहा १६ हजार ५०० रुपये निश्चित मानधन दिले जाईल.

तालुकानिहाय जागा

पालघर २१
वाडा १७,
डहाणू १६
जव्हार ११
विक्रमगड १०
तलासरी ०९
मोखाडा ०७

Leopard Attack : मध्यरात्री दबा धरून बसला अन् थेट…! सफाळ्यात बिबट्याच्या हल्ल्याने खळबळ; ग्रामस्थांमध्ये भीतीचं वातावरण