Rehan Vadra Exhibition Controversy: प्रियांका गांधींच्या मुलाच्या फोटोंवरून दिल्लीत मोठा वाद! नेमकं किती शिकलेत रेहान वाड्रा?

Rehan Vadra Exhibition Controversy: प्रियांका गांधींचे सुपुत्र रेहान वाड्रा यांच्या फोटो प्रदर्शनातील छायाचित्रे बिकानेर हाऊस प्रशासनाने हटवली. जाणून घ्या कोण आहेत रेहान वाड्रा आणि किती शिकलेत?

• रेहान वाड्रा हे जोरदार चर्चेत
• कोण आहेत रेहान वाड्रा आणि किती शिकलेत 
• पेशाने फोटोग्राफर आहेत रेहान वाड्रा

Rehan Vadra Exhibition Controversy: प्रियांका गांधी यांचे पुत्र आणि राहूल गांधी यांचे भाचे रेहान वाड्रा हे सध्या जोरदार चर्चेत आहेत. नुकतेच रेहान वाड्रा यांनी इन्टाग्रामवर एक पोस्ट करून बिकानेर हाऊस प्रशासनावर प्रश्न उपस्थित केले. या पोस्टमध्ये त्यांनी सांगितले की, प्रदर्शनात लावलेले त्यांचे फोटो जबरदस्तीने प्रदर्शनातून काढून टाकण्यास सांगण्यात आले. असे सांगितले जाते की रेहान यांनी नुकत्याच दिल्लीच्या रस्त्यांवर झालेल्या आंदोलनाचे फोटो आपल्या कॅमेऱ्यात टिपले होते आणि ते प्रदर्शनात दाखवू इच्छित होते. यानंतर बिकानेर प्रशासनाने त्यांच्या फोटोंवर आक्षेप घेतला. या वादावर बिकानेर प्रशासनाने स्पष्ट करत म्हटले आहे की, रेहान वाड्रा यांनी ‘नो आयडिया इज फायनल’ अंतर्गत प्रदर्शित केलेले काही फोटो प्रशासनाच्या धोरणानुसार योग्य आढळले नाहीत. त्यामुळे त्यांना ते फोटो काढून टाकण्याची विनंती करण्यात आली, तर उर्वरित फोटो अजूनही प्रदर्शनात लावले आहेत.

कोण आहेत रेहान वाड्रा आणि किती शिकलेत

रेहान वाड्रा हे भारतातील एका प्रचलित राजकिय कुटुंबातून येतात. ते प्रियांका गांधी आणि रॉबर्ट वाड्रा यांचे सुपुत्र असून माजी पंतप्रधान राजीव गांधी आणि सोनिया गांधी यांचे नातू आहेत. त्यांचा जन्म २९ ऑगस्ट २००० रोजी झाला असून त्यांना एक लहान बहीन मिराया वाड्रा देखील आहे.

How to Save Job from AI: एआय तुमची नोकरी खाणार नाही! ‘या’ ४ कौशल्यांमुळे तुमची नोकरी राहील १००% सुरक्षित

रेहान वाड्रा यांनी आपले शालेय शिक्षण दिल्लीत पूर्ण केले यानंतर त्यांनी त्यांचे पुढील शालेय शिक्षण देहरादूनच्या प्रसिद्ध ‘दून स्कूल’ मधून पूर्ण केले. शालेय शिक्षण पूर्ण केल्यानंतर त्यांनी लंडनच्या  ‘SOAS युनिव्हर्सिटी ऑफ लंडन’ मध्ये प्रवेश घेतला जिथे त्यांनी राजकारणाचे (पॉलिटिक्सचे) शिक्षण घेतले.

पेशाने फोटोग्राफर आहेत रेहान वाड्रा

रेहान व्यवसायाने फोटो ग्राफर आणि व्हिज्युअल आर्टिस्ट आहेत. रेहान वाड्रा यांना वाइल्डलाइफ स्ट्रीट फोटोग्राफी आणि आर्टमध्ये रुची आहे. २०२१ मध्ये त्यांनी आपले पहिले सोलो आर्ट एक्झिबिशन देखील आयोजित केले होते, कॉलेजपूर्वी रेहान वाड्रा यांनी फोटोग्राफीपासून ब्रेकही घेतला. परंतु, सुमारे १ वर्षानंतर त्यांनी पुन्हा फोटोग्राफीमध्ये पुनरागमन केले .

Higher Education Fee Hike: इंजिनिअरिंग-मेडिकलच्या फीवाढीवर ब्रेक लागणार? मंत्री चंद्रकांत पाटलांचे महत्त्वाचे विधान