RITES Recruitment 2026: रेल्वे मंत्रालयांतर्गत सरकारी नोकरीची सुवर्णसंधी! ‘राईट्स’मध्ये ‘या’ पदांसाठी भरती जाहीर

RITES Recruitment 2026: रेल्वे मंत्रालयांतर्गत कार्यरत असलेल्या 'राईट्स लिमिटेड' (RITES) कंपनीने असिस्टंट मॅनेजर (मेकॅनिकल) च्या २७ रिक्त पदांसाठी भरती काढली असून, इच्छुक उमेदवार २० नोव्हेंबर २०२६ पर्यंत अधिकृत संकेतस्थळावरून ऑनलाइन अर्ज करू शकतात.

• RITES भरती २०२६ अंतर्गत एकूण किती जागांसाठी अर्ज मागवण्यात आले आहेत?
• अर्ज करण्याची शेवटची तारीख काय आहे?
• या पदांसाठी शैक्षणिक पात्रता काय आहे?

RITES Recruitment 2026: सरकारी नोकरीची तयारी करणाऱ्या उमेदवारांसाठी एक मोठी बातमी समोर आली आहे. रेल्वे मंत्रालयांतर्गत कार्यरत असलेली सार्वजनिक कंपनी ‘राईट्स लिमिटेड’ (RITES) ने नवीन प्रकल्पांसाठी असिस्टंट मॅनेजर (सहाय्यक व्यवस्थापक) पदांच्या भरतीची घोषणा केली आहे. रेल इंडिया टेक्निकल अँड इकॉनॉमिक सर्व्हिस (RITES) ने असिस्टंट मॅनेजर मेकॅनिकल पदांसाठी एकूण २७ जागांवर भरती काढली आहे. इंजिनिअरिंगचे शिक्षण पूर्ण केलेल्या उमेदवारांसाठी ही भरती अत्यंत महत्त्वाची मानली जात आहे. यासाठी इच्छुक उमेदवार राईट्सच्या अधिकृत संकेतस्थळावर जाऊन अर्ज करू शकतात. या भरतीसाठी ३० ऑक्टोबर २०२६ पासून अर्ज प्रक्रिया सुरू झाली असून, अर्ज करण्याची शेवटची तारीख २० नोव्हेंबर २०२६ आहे.

या भरती अंतर्गत २७ जागा विविध पदांसाठी रिक्त आहेत. यामध्ये सहाय्यक व्यवस्थापक मेकॅनिकल-१ साठी १४ पदे आरक्षित आहेत. तसेच सहाय्यक व्यवस्थापक मेकॅनिकल-२ साठी १० पदे आणि सहाय्यक व्यवस्थापक मेकॅनिकल-३ साठी ३ पदे आरक्षित ठेवण्यात आली आहेत.

अर्जासाठी आवश्यक पात्रता:

या भरतीसाठी अर्ज करणाऱ्या उमेदवारांनी अधिकृत संकेतस्थळावरून आवश्यक पात्रतेची सविस्तर माहिती तपासून घ्यावी. अधिसूचनेनुसार, सहाय्यक व्यवस्थापक मेकॅनिकल-१ साठी ८ वर्षांच्या अनुभवासह मेकॅनिकल इंजिनिअरिंगमधील डिप्लोमा किंवा २ वर्षांच्या अनुभवासह बी.ई./बी.टेक (BE/B.Tech) पदवी असणे आवश्यक आहे. तसेच, असिस्टंट मॅनेजर मेकॅनिकल-२ आणि ३ साठी देखील समान पात्रता (८ वर्षांच्या अनुभवासह डिप्लोमा किंवा २ वर्षांच्या अनुभवासह पदवी) मागितली आहे. याशिवाय, स्टील प्लांट तसेच रोलिंग, फोर्जिंग किंवा कास्टिंग उद्योगात काम करण्याचा अनुभव असलेल्या उमेदवारांना अधिक प्राधान्य दिले जाईल.

वयोमर्यादा किती आहे?

या भरतीसाठी जनरल प्रवर्गातील उमेदवारांची वयोमर्यादा १८ ते ४० वर्षे निश्चित करण्यात आली आहे. एससी/एसटी प्रवर्गातील उमेदवारांना वयोमर्यादेत कमाल ५ वर्षे आणि ओबीसी (नॉन-क्रिमी लेयर) प्रवर्गाला ३ वर्षांची सूट दिली जाईल. याशिवाय, पीडब्ल्यूबीडी (PwBD) प्रवर्गातील उमेदवारांना १० वर्षांपर्यंत सवलत मिळू शकते. वयाची गणना २० नोव्हेंबर २०२६ च्या आधारावर केली जाईल.

अर्जामध्ये कितनी फी भरावी लागेल?

अर्ज शुल्क प्रवर्गामानुसार वेगवेगळे ठरवण्यात आले आहे. जनरल आणि ओबीसी प्रवर्गातील उमेदवारांसाठी ६०० रुपये, एससी/एसटीसाठी ३०० रुपये, ईडब्ल्यूएससाठी ३०० रुपये आणि महिला उमेदवारांसाठी देखील ६०० रुपये फी आकारण्यात आली आहे.

CBSE Marksheet Issue: सीबीएसई बोर्डाच्या अजब कारभारामुळे विद्यार्थ्याच्या भविष्यावर संकट; नेमका प्रकार काय?

भरतीसाठी अर्ज कसा करावा?

१. यासाठी सर्वप्रथम राईट्सच्या rites.com या अधिकृत संकेतस्थळाला भेट द्या.

२. त्यानंतर करिअर सेक्शनमध्ये जाऊन असिस्टंट मॅनेजर पदाच्या ऑनलाइन अर्जाच्या लिंकवर क्लिक करा.

३. आता आपले नाव, ईमेल आणि मोबाईल नंबर टाकून नोंदणी (Register) करा.

४. त्यानंतर शैक्षणिक पात्रता आणि कामाचा अनुभव यासह अर्जाची माहिती भरा.

५. आता तुमचा फोटो, स्वाक्षरी आणि अनुभवाचे प्रमाणपत्र यांसर्भातील आवश्यक कागदपत्रे अपलोड करा.

६. डेबिट कार्ड, क्रेडिट कार्ड किंवा नेट बँकिंगद्वारे ऑनलाइन अर्ज शुल्क भरा.

७. शेवटी अर्ज पुन्हा एकदा तपासून सबमिट करा आणि कन्फर्मेशन पेज डाऊनलोड करून जतन करा.

Major Rishabh Singh Sambyal: देशसेवेनंतर ग्लॅमरस वर्ल्डमध्ये पाऊल! ‘या’ प्रसिद्ध नॅशनल क्रशने ब्रँडसोबत केले कोलॅबोरेशन