RRB Station Master Recruitment 2026: रेल्वे विभागात स्टेशन मास्टर पदावर बंपर भरती; ‘या’ तारखेपर्यंत अर्ज करा

RRB Station Master Recruitment 2026: रेल्वे भरती बोर्डातर्फे (RRB) स्टेशन मास्टरच्या १,२१५ पदांसाठी भरती जाहीर करण्यात आली आहे. इच्छुक उमेदवार २५ नोव्हेंबर २०२६ पर्यंत ऑनलाईन अर्ज करू शकतात.

• रेल्वे विभागात स्टेशन मास्टर पदावर बंपर भरती
• अर्ज करण्याची अंतिम तारीख काय आहे?
• या पदासाठी शैक्षणिक पात्रता काय मागितली आहे?

RRB Station Master Recruitment 2026: रेल्वे भरती बोर्डाकडून (RRB) देशातील तरुणांसाठी एक मोठी आनंदाची बातमी आहे. भारतीय रेल्वेच्या विविध झोनमधील स्टेशन मास्टर पदांसाठी अधिकृत अधिसूचना जारी करण्यात आली आहे. या माध्यामातून एकूण १,२१५ रिक्त पदांवर भरती केली जाणार असून जे उमेदवार रेल्वेमध्ये नोकरीसाठी तयारी करत आहेत, त्यांच्यासाठी ही एक सुवर्णसंधी आहे. या भरतीसाठी ऑनलाईन अर्ज करण्याची प्रक्रिया सुरू झाली असून इच्छुक उमेदवार २५ नोव्हेंबर २०२६ पर्यंत अधिकृत वेबसाइटद्वारे आपले अर्ज सादर करू शकतात.

पात्रता आणि वयोमर्यादा

या भरती प्रक्रियेत सहभागी होण्यासाठी उमेदवारांकडे मान्यताप्राप्त विद्यापीठीची पदवी असणे आवश्यक आहे. तसेच अर्ज करणाऱ्या उमेदवाराचे वय हे २० ते ३३ वर्षादरम्यान असणे बंधनकारक आहे, तर सरकारी नियमानुसार एससी, एसटी, ओबीसी आणि इतर आरक्षित प्रवर्गातील उमेदवारांना उच्च वयोमर्यादेमध्ये नियमानुसार सवलत दिली जाणार आहे. या पदासाठी अर्ज करणाऱ्या उमेदवारांना ७ व्या वेतन आयोगाच्या लेव्हल-६ नुसार ३५,४०० रुपये मूळ वेतन दिले जाणार आहे. स्टेशन मास्टर पदासाठी अर्ज करणाऱ्या उमेदवारांचे वैद्यकीय प्रमाणकिरण ‘ए-२’ (A-2) श्रेणीचे असणे अत्यंत आवश्यक असून, यामध्ये चष्म्याविना दूरची व जवळील दृष्टी तसेच रंग ओळखण्याची क्षमता  तपासली जाते.

Nalanda Medical College: नालंदा मेडिकल कॉलेजच्या १४६ विद्यार्थ्यांना ३ महिन्यांसाठी केले सस्पेंड; पण नेमकं प्रकरण काय?

परीक्षा पूर्णपणे कॉम्प्युटर बेस असेल

या भरतीसाठी अर्ज शुल्क सर्वसाधारण आणि इतर प्रवर्गातील उमेदवारांसाठी ५०० रुपये ठेवण्यात आले आहे, ज्यापैकी सीबीटी (CBT) परीक्षेला उपस्थित राहिल्यानंतर बँक चार्जेस वजा करून ४०० रुपये परत केले जातील. तसेच महिला, ट्रान्सजेंडर, माजी सैनिक, एससी, एसटी, अल्पसंख्याक आणि आर्थिकदृष्ट्या मागास वर्ग (EBC) यांमधील उमेदवारांसाठी २५० रुपये शुल्क आहे, जे परीक्षा दिल्यानंतर पूर्णपणे परत केले जाईल. या परीक्षेची निवड प्रक्रिया प्रामुख्याने सिंगल स्टेज कॉम्प्युटर बेस टेस्ट (CBT), कॉम्प्युटर बेस्ड ॲपिट्यूड टेस्ट (CBAT), दस्तऐवज पडताळणी आणि वैद्यकीय चाचणी या टप्प्यांवर आधारित असेल. उमेदवारांनी अर्ज भरण्यापूर्वी अधिकृत वेबसाइटवरून सविस्तर जाहिरात काळजीपूर्वक वाचून घ्यावी, जेणेकरून अर्जात कोणतीही चुकीची माहिती भरली जाणार नाही.

MIT-WPU 8th Convocation: १७ पीएचडी संशोधकांसह ७,८०६ विद्यार्थ्यांना पदवी प्रदान; राज्यपाल आर्लेकर यांच्या हस्ते गुणवंतांचा गौरव!