स्वरा ही केवळ उत्कृष्ट क्रिकेटपटूच नाही, तर अभ्यासातही तितकीच चमकदार आहे. इयत्ता दहावीच्या परीक्षेत 95 टक्के गुण मिळवत प्रथम क्रमांक पटकावणारी स्वरा सध्या नवी मुंबईच्या नेरुळ येथील डॉ. डी. वाय. पाटील कॉलेजमध्ये उच्च शिक्षण घेत आहे. शिक्षणासोबत क्रीडा क्षेत्रातही आपली वाटचाल ती तितक्याच आत्मविश्वासाने करत असून, येथील भव्य स्टेडियममध्ये भारतरत्न ‘मास्टर ब्लास्टर’ सचिन तेंडुलकर क्रिकेट अकॅडमीत ती नियमित सराव करत आहे.
स्वरा बामगुडे हिच्या या उल्लेखनीय निवडीबद्दल खासदार सुनील तटकरे, मंत्री आदिती तटकरे, माजी आमदार – अनिकेत तटकरे, संस्थेचे अध्यक्ष अॅड. राजीव साबळे, सर्व संचालक, चेअरमन अरुण पवार, मुख्याध्यापिका मनिषा मोरे, शिक्षकवृंद तसेच क्रीडाप्रेमींनी तिचे मनापासून अभिनंदन केले आहे. आज स्वरा बामगुडेचे यश हे माणगावमधील अनेक मुलींसाठी आशेचा किरण ठरत आहे. कष्ट, शिस्त आणि सकारात्मक दृष्टिकोन ठेवला तर ग्रामीण भागातील मुलीही राष्ट्रीय-आंतरराष्ट्रीय स्तरावर झेप घेऊ शकतात, याचा जिवंत दाखला म्हणजेच स्वरा बामगुडे होय.
माणगाव येथील शिपुरकर व वाघरे शाळेत शिक्षण घेत असतानाच स्वराने क्रिकेटची स्वप्ने पाहायला सुरुवात केली. पहाटे सकाळी सहा वाजता धनसे मैदानावर घाम गाळत घेतलेले क्रिकेटचे प्राथमिक धडे आज तिच्या यशाचा मजबूत पाया ठरले आहेत. या प्रवासात शाळेच्या व्यवस्थापनाने, शिक्षकांनी आणि क्रीडा प्रशिक्षकांनी तसेच आई नंदिनी व वडील नितीन बामगुडे यांनी तिला वेळोवेळी प्रोत्साहन देत तिच्या स्वप्नांच्या पंखांना बळ दिले.’
दररोज तीन सत्रांत कठोर सराव करत स्वरा ही यष्टिरक्षक आणि आघाडीची फलंदाज असल्याने ती दुहेरी मेहनत घेत आहे. तिच्या खेळातील सातत्य, पाहून महाराष्ट्र राज्य क्रिकेट निवड समितीने तिला रायगड जिल्हा क्रिकेट संघात महत्त्वाचे स्थान देत माणगावच्या या उदयोन्मुख प्रतिभेचा गौरव केला आहे. लवकरच ती महाराष्ट्रातील विविध शहरांमध्ये होणाऱ्या स्पर्धांमध्ये रायगड जिल्ह्याचे प्रतिनिधित्व करणार आहे.
Ans: शाळेत शिक्षण घेत असतानाच स्वराने क्रिकेटची सुरुवात केली. पहाटे सहा वाजता धनसे मैदान, माणगाव येथे तिने प्राथमिक सराव केला.
Ans: खासदार सुनील तटकरे, मंत्री आदिती तटकरे, माजी आमदार अनिकेत तटकरे, संस्थेचे अध्यक्ष अॅड. राजीव साबळे, चेअरमन अरुण पवार, शाळेचे शिक्षकवृंद व क्रीडाप्रेमींनी तिचे अभिनंदन केले आहे.
Ans: स्वराचे यश हे ग्रामीण भागातील मुलींसाठी प्रेरणादायी असून शिक्षण आणि क्रीडा क्षेत्रात उत्कृष्ट कामगिरी करता येते, याचा जिवंत दाखला आहे.
