Science Centre Inauguration: मीरा-भाईंदरसहित संपूर्ण मुंबई विभागासाठी फायद्याचे! आता मनोरंजातून शिका विज्ञान

मीरा भाईंदर येथे स्थित असलेल्या कलादालनात आता विज्ञानच प्रत्यक्ष अनुभव मिळणार आहे. या Science centre चे उदघाटन मंत्री प्रताप सरनाईकांच्या हस्ते झाले आहे.

• मीरा-भाईंदरमध्ये विज्ञान शिक्षणाचे नवे युग सुरू.
• डिजिटल युगातील विद्यार्थ्यांना अत्याधुनिक तंत्रज्ञानाचा प्रत्यक्ष अनुभव.
• विज्ञान, तंत्रज्ञान आणि शिक्षण क्षेत्रातील ऐतिहासिक पाऊल.

मीरा भाईंदर येथे स्थित असणारे हिंदुहृदयसम्राट बाळासाहेब ठाकरे कलादालन नुकतेच खुले करण्यात आले होते. त्यात नवल म्हणजे आता नव्या उपक्रमाची सुरुवात येथे होत आहे. या भव्य कलादालनात विज्ञान विषयात जिज्ञासू असणाऱ्या विद्यार्थ्यांसाठी Science Centre ची स्थापना करण्यात आली आहे. मंत्री प्रताप सरनाईक यांच्या हस्ते या Science Centre चे उदघाटन करण्यात आले आहे. यावेळी मराठी सिनेसृष्टीतील प्रसिद्ध अभिनेता तसेच दिग्दर्शक मंगेश देसाईही उपस्थित होते. या भव्य सायन्स सेंटरच्या उदघाटनावेळी स्थानिक भागातील अनेक विद्यार्थी, शिक्षकवर्ग तसेच पालकही उपस्थित होते. अशा शेकडो जणांच्या उपस्थित या भव्य सायन्स सेंटरचा उदघाटन सोहळा पार पडला. (Science Centre Inauguration)

गणित गुरुवार उपक्रम… सुस्साट ! ७५ हजारांहून अधिक विद्यार्थ्यांची उत्साहपूर्ण सहभाग

उदघाटनानंतर भाष्य करताना अभिनेता व दिग्दर्शक मनिष देसाई म्हणतात की “सायन्स सेंटर हा कल्पकता, मनोरंजन आणि ज्ञानाचा सुंदर मिलाफ आहे. तसेच भविष्यात हे सेंटर ‘मिनी इस्त्रो’ म्हणून ओळखण्यात येईल.” यांनतर राज्याचे परिवहन मंत्री प्रताप सरनाईक यांनी भाष्य केले. त्यांचे म्हणणे होते की,”या भव्य सायन्स सेंटरमुळे विद्यार्थ्यांमध्ये विज्ञानाची आवड नक्कीच वाढवणार आहे. भविष्यातील अनेक वैज्ञानिक, अभियंते, संशोधक येथे घडतील.” अशी ग्वाही त्यांनी दिली आहे. (Mira Bhayandar)

या सायन्स सेंटरचे वैशिष्ट्ये

मंत्री सरनाईकांच्या हस्ते उदघाटन सोहळा पार पडलेल्या या सायन्स सेंटरची विशेष गोष्ट म्हणजे येथे मनोरंजनाच्या माध्यमातून विज्ञान शिकवले जाणार आहे. विज्ञानांतील अनेक गुंतागुंतीचे प्रयोग अत्याधुनिक तंत्रज्ञान वापरून कल्पकतेचा आधार घेऊन ते सोप्या पद्धतीने सादर करण्यात येणार आहे जेणेकरून अतिशय कठीण असणारी गोष्टही विद्यार्थी अगदी सोप्या पद्धतीने समजू शकेल आणि भविष्यात इतरांनाही समजावू शकेल. (Director Mangesh Desai)

देशात बेरोजगारीचा टक्का घसरला? मोठमोठ्या कंपन्यांमध्ये कर्मचाऱ्यांची वाढ, भरतीचा आला तुफान

केंद्रातील प्रमुख आकर्षण:

• ISRO Timeline Zone तयार करण्यात आले आहे. चांद्रयान ते आदित्य L1 पर्यंत असा भारताच्या अंतराळ मोहिमांचा डिजिटल इतिहास येथे सादर करण्यात आला आहे.
• Gravity Installation Zone तयार करण्यात आले आहे. विविध ग्रहांवर आपण किती वजनाचे असू याचा प्रत्यक्ष अनुभव येथे विद्यार्थ्यांना मिळणार आहे.
• तसेच डिजिटल, इंटरएक्टिव आणि एआय आधारित प्रयोग विद्यार्थ्यांसाठी खुले करण्यात आले आहे. हे विज्ञान, तंत्रज्ञान तसेच शिक्षण क्षेत्रातील ऐतिहासिक पाऊल आहे. (Minister Pratap Sarnaik)