Software Engineer Layoffs: एका वर्षात दोनदा नोकरी गेली; सॉफ्टवेअर इंजिनिअरसमोर करिअरचं मोठं आव्हान!

Software Engineer Layoffs: AI आणि IT क्षेत्रातील नोकऱ्यांबाबत सुरू असलेल्या चर्चेच्या पार्श्वभूमीवर Redditवरील एका सॉफ्टवेअर इंजिनिअरची पोस्ट चर्चेत आली आहे. विशीच्या शेवटच्या वर्षातील या तरुणाला एका वर्षात दोन वेळा नोकरी गमवावी लागली.

• Redditवरील सॉफ्टवेअर इंजिनिअरला एका वर्षात दोनदा नोकरी गमवावी लागली.
• खर्च कपात आणि टीमच्या पुनर्रचनेमुळे दुसरी नोकरी गेल्याचे त्याने सांगितले.
• AI मुळे IT क्षेत्रातील नोकऱ्यांवर परिणाम होत असल्याची चिंता त्याने पोस्टमधून व्यक्त केली.

सॉफ्टवेअर इंजिनिअर म्हणजे भारी पगार, चांगलं आयुष्य असं सगळ्यांना वाटायचं. पण आता चित्र पूर्ण बदललं आहे. AI म्हणजेच कृत्रिम बुद्धिमत्ता आली आणि सगळ्या IT वाल्यांच्या नोकऱ्या धोक्यात आल्या आहेत. अशीच एक कहाणी सध्या रेडिटवर व्हायरल होतेय.

एका विशीच्या शेवटच्या वर्षात असणाऱ्या पोराने आपली व्यथा मांडली आहे. त्याला एकाच वर्षात दोन वेळा नोकरीवरून काढून टाकलं आहे. आणि आता त्याला प्रश्न पडलाय की सॉफ्टवेअर फिल्डमध्येच राहायचं की दुसरं काहीतरी करायचं. Software Engineer Layoffs:

काय आहे त्याची पोस्ट?

त्याने रेडिटवर पोस्ट टाकली होती, त्याचं टायटलच होतं “आज परत नोकरी गेली. एका वर्षात दुसऱ्यांदा. मी आता माझ्या भविष्याचा विचार करतोय.”

तो लिहितो की, गेल्या वर्षाच्या शेवटी त्याला पहिल्या कंपनीतून काढलं मग अनेक महिने तो नोकरी शोधत होता. 6 महिन्यानंतर कसंतरी त्याला एक चांगल्या पगाराची नोकरी मिळाली. त्याला वाटलं चला आता सगळं ठीक होतंय. नवीन कंपनीत जॉईन झाला, काम पण चांगलं करत होता. पण अडीच महिन्यातच परत त्याला काढून टाकलं. त्याच्यासोबत अजून बऱ्याच लोकांना पण काढलं.

कंपनीने कारण काय दिलं? तर काही कामात गडबड केली म्हणून नाही, तर खर्च कमी करायचा आहे आणि टीमची रचना बदलत आहे म्हणून काढलं. म्हणजे त्याची काही चूक नसताना पण नोकरी गेली.या दोन वेळच्या धक्क्याने तो पूर्ण खचून गेला आहे. त्याचा आत्मविश्वास पूर्णपणे तुटला आहे. सॉफ्टवेअर इंजिनिअरिंगमध्ये आता काही भविष्य आहे का असा प्रश्न त्याला पडला आहे.

मी खूप खचलोय

तो पुढे लिहितो, मी काही श्रीमंत घरातला नाही. मला महिनाभर घरी बसून राहणं किंवा वेगवेगळ्या करिअरमध्ये ट्राय करणं परवडणार नाही. पोटासाठी आणि करिअरसाठी मला माझं गाव सोडून जिथे नोकरी मिळेल तिथे जावं लागलं. आणि आता परत नोकरी गेल्यावर मी याच रस्त्यावर चालत राहू का असा विचार करतोय.

BPSC TRE 4.0 Recruitment 2026: शिक्षक भरतीचा बिगुल वाजला! 32,388 पदांसाठी आजपासून अर्ज सुरू

तो म्हणतो AI चा परिणाम मला खूप जवळून जाणवतोय. AI ने सगळ्या डेव्हलपरची जागा घेतली आहे असं नाही, पण कंपन्या आता फक्त AI, प्रोडक्टिव्हिटी आणि खर्च कमी करण्याचाच विचार करत आहेत. त्यामुळे आधीच नोकरी टिकवण्यासाठी धडपडणाऱ्या लोकांना तर खूपच टेन्शन आलं आहे.

शेवटी तो म्हणतो मला सहानुभूती नको आहे, मला फक्त सल्ला हवा आहे. ज्यांनी असं काही अनुभवलं आहे त्यांनी मला सांगा मी पुढे काय करू. मी सध्या पूर्णपणे खचलो आहे आणि पुढे कोणत्या दिशेला जाऊ हेच कळत नाहीये.

लोकांनी काय सल्ला दिला?

त्याच्या या पोस्टवर खूप लोकांनी कमेंट केल्या आहेत. अनेकांनी आपले पण असेच अनुभव सांगितले.एक जण म्हणाला, गेल्या 6 वर्षात मला 3 वेळा काढलं आहे. दोन वेळा मला चांगले पैसे मिळाले. आता तर नोकरीवरून काढणं हे खूप कॉमन झालं आहे. टेन्शन घेऊ नकोस.

दुसरा म्हणाला, तू विशीत आहेस, सरकारी नोकरीचा विचार कर. यात तुझ्या स्किलचा काही संबंध नाही. आता मार्केटच खराब आहे, सगळे फ्रीलान्सिंगकडे वळत आहेत.

तिसरा म्हणाला, दोन कंपन्यांच्या निर्णयामुळे तुझं करिअर ठरवू नकोस. रेझ्युमे अपडेट कर आणि परत नोकऱ्या शोधायला सुरुवात कर.

Career Skills: नोकरी हवीय? फक्त डिग्री असून चालणार नाही! पहिली नोकरी मिळवण्यापूर्वी शिका या 10 महत्त्वाच्या स्किल्स

एका माणसाने तर फक्त एवढंच लिहिलं, मी तुला काही सल्ला देणार नाही, पण तू हे आधीही केलंस आणि परत पण करशील. तुला शुभेच्छा.बघा, ही फक्त एका पोराची गोष्ट नाही. आजकाल IT मध्ये अनेकांची हीच परिस्थिती आहे. AI मुळे खरंच नोकऱ्या जात आहेत का हा मोठा प्रश्न आहे