SSC Exam 2026: मोठी बातमी! SSC च्या ३ प्रमुख परीक्षांचे सुधारित वेळापत्रक घोषित; पाहा महत्त्वाच्या तारखा

SSC Exam 2026: कर्मचारी निवड आयोगाने (SSC) नोव्हेंबर आणि डिसेंबर २०२६ मध्ये होणाऱ्या ज्युनिअर इंजिनिअर, सीपीओ आणि सीएचएसएल परीक्षांचे प्रस्तावित वेळापत्रक जाहीर केले आहे.

SSC Exam 2026: सरकारी नोकरीची तयारी करणाऱ्या तरुणांसाठी एक आनंदाची बातमी समोर आली आहे.  कर्मचारी निवड आयोगाने (SSC) नोव्हेंबर आणि डिसेंबर २०२६ मध्ये होणाऱ्या तीन प्रमुख भरती परीक्षांचे प्रस्तावित वेळापत्रक जाहीर केले आहे. त्यामुळे या वेळापत्रकात बदल होण्याची शक्यता आहे. यामध्ये ज्युनिअर इंजिनिअर (JE), दिल्ली पोलीस व सीएपीएफ (CPO) सब-इन्स्पेक्टर आणि सीएचएसएल (CHSL – 10+2) या परीक्षांचा समावेश आहे. सध्या या तिन्ही परीक्षा मिळून एकूण ६,१५५ रिक्त जागा जाहीर करण्यात आल्या आहेत.

तीन प्रमुख परीक्षांचे प्रस्तावित वेळापत्रक

१. एसएससी ज्युनिअर इंजिनिअर परीक्षा २०२६ (SSC JE Paper-I):

परीक्षा तारीख: २ नोव्हेंबर ते ६ नोव्हेंबर २०२६

एकूण जागा: १,७४८ जागा (विविध केंद्रीय सरकारी संस्था आणि हवामान विभागातील सायंटिफिक असिस्टंट पदे).

Internship vs Apprenticeship: शिक्षण पूर्ण झाल्यावर पुढे काय? जाणूुन घ्या इंटर्नशिप आणि अप्रेंटिसशिपमध्ये नेमका फरक…

२. एसएससी सीपीओ परीक्षा २०२६ (SSC CPO – SI in Delhi Police & CAPFs):

परीक्षा तारीख: २० नोव्हेंबर ते २८ नोव्हेंबर २०२६

एकूण जागा: १,८७१ जागा (दिल्ली पोलीस, सीएपीएफ आणि सीआयएसएफमधील सब-इन्स्पेक्टर पदे).

३. एसएससी सीएचएसएल परीक्षा २०२६ (SSC CHSL Tier-I):

परीक्षा तारीख: ३० नोव्हेंबर ते ३१ डिसेंबर २०२६

एकूण जागा: २,५३६ जागा (लोअर डिव्हिजनल क्लर्क/ज्युनिअर सेक्रेटेरिएट असिस्टंट आणि डेटा एंट्री ऑपरेटर पदे).

NEET UG 5th Largest Exam: जगातील सर्वात कठीण परीक्षांमध्ये भारतातील ‘या’ परीक्षेला स्थान; SBI रिसर्च अहवालातील मोठे खुलासे

महत्त्वाची टीप (उमेदवारांसाठी सूचना)

आयोगाने स्पष्ट केले आहे की, जाहीर करण्यात आलेल्या परीक्षांच्या तारखा आणि रिक्त जागांचे प्रमाण प्रस्तावित (Tentative) आहे. भविष्यात परिस्थितीनुसार यामध्ये बदल केला जाऊ शकतो. त्यामुळे उमेदवारांनी या तारखांना लक्षात घेऊन आपली तयारी जोमाने सुरू ठेवावी आणि अधिकृत वेबसाईटवरील नवीन सूचनांवर सतत लक्ष ठेवावे.

SSC CGL Exam च्या पहिल्याच दिवशी असे काय घडले? १०,००० जागा असूनही ६०% हून अधिक विद्यार्थ्यांनी परीक्षा सोडली