दहावीच्या विद्यार्थ्यांसाठी महत्वाची बातमी! 2 दिवसांत मिळणार हॉल तिकीट, SSC बोर्डाने केली तारीख जाहीर

ssc hall ticket 2025 : फेब्रुवारी आणि मार्च महिन्यात १० आणि १२ वीच्या परीक्षा होणार आहेत. या परीक्षांचे हॉलतिकिट कधी मिळणार या बाबत पालक व विद्यार्थ्यांना प्रतीक्षा होती. अखेर ही प्रतीक्षा संपली आहे.

ssc hall ticket 2025 News Marathi: दहावीच्या विद्यार्थ्यांसाठी एक महत्त्वाची बातमी असून महाराष्ट्र राज्य माध्यमिक शिक्षण आणि उच्च माध्यमिक शिक्षण मंडळाकडून फेब्रुवारी-मार्च २०२५ च्या माध्यमिक परीक्षेसाठी ऑनलाइन पद्धतीने प्रवेशपत्र जारी करण्याची तारीख जाहीर केली आहे. दहावी बोर्ड परीक्षेचे हॉल तिकीट येत्या सोमवारपासून म्हणजेज 20 फेब्रुवारीला उपलब्ध होणार आहेत. सर्व माध्यमिक शाळांना फेब्रुवारी मार्च 2025च्या माध्यमिक शालान्त प्रमाणपत्र (इ.10 वी) परीक्षेची प्रवेशपत्रे (Hall Ticket) ऑनलाईन (Online) पध्दतीने मंडळाच्या www.mahahsscboard.in या संकेतस्थळावर सोमवार दि. 20 जानेवारी 2025 पासून अॅडमिट कार्ड (Admit Card) या लिंकव्दारे डाऊनलोड (Download) करण्याकरिता उपलब्ध होतील.या संदर्भात काही तांत्रिक अडचण उद्भवल्यास माध्यमिक शाळांनी विभागीय मंडळाकडे संपर्क साधनेच्या सूचना करण्यात आल्या आहेत.

भारतीय पोस्ट भरती २०२५: इच्छुक उमेदवारांना करता येणार अर्ज, जाणून घ्या संपूर्ण भरती प्रक्रिया

फेब्रुवारी आणि मार्च महिन्यात १० आणि १२ वी च्या परीक्षा होणार आहेत. या परीक्षांचे हॉलतिकिट कधी मिळणार या बाबत पालक व विद्यार्थ्यांना प्रतीक्षा होती. अखेर ही प्रतीक्षा संपली आहे. पुढील दोन दिवसांत मुलांना हॉलतिकिट मिळणार आहे. दहावी बोर्ड परीक्षेचे हॉल तिकीट येत्या सोमवारपासून म्हणजेच २० फेब्रुवारीला ऑनलाइन दिली जाणार आहे.

महाराष्ट्र राज्य माध्यमिक आणि उच्च माध्यमिक शिक्षण मंडळातर्फे फेब्रुवारी-मार्चमध्ये घेतल्या जाणाऱ्या परीक्षेचे हॉल तिकीट सोमवारपासून उपलब्ध होतील. शाळेला हे हॉल तिकीट प्रिंट करून विद्यार्थ्यांना द्यावे लागणार आहे. यासाठी कोणत्याही प्रकारचं शुल्क लागणार नाही असे राज्य शिक्षण मंडळानं स्पष्ट केलं आहे.

राज्य मंडळातर्फे दहावीची लेखी परीक्षा २१ फेब्रुवारी ते १७ मार्च दरम्यान होणार आहे. या परीक्षेसाठी, विद्यार्थ्यांना www.mahahsscboard.in या संकेतस्थळावर ऑनलाईन पद्धतीने विद्यार्थ्यांचे हॉल तिकिटे उपलब्ध करून दिली जात आहेत. या संदर्भात काही तांत्रिक अडचण उद्भवल्यास माध्यमिक शाळांनी विभागीय मंडळाकडे संपर्क साधनेच्या सूचना करण्यात आल्या आहेत.

प्रवेशपत्र ऑनलाइन प्रिंटींग करुन त्यावर मुख्याध्यापकांनी यांचा शिक्का उमटून स्वाक्षरी करून ते मुलांना द्यावे लागणार आहेत. ज्या आवेदनपत्रांना पेड असे स्टेटस आहे त्यांचीच प्रवेशपत्रे पेड स्टेटस अॅडमिट कार्ड या पर्यायद्वारे उपलब्ध होणार आहे. उशिरा आवेदनपत्रे भरलेल्या व एक्स्ट्रा सीट नंबर विभागीय मंडळामार्फत दिलेल्या विद्यार्थ्यांची प्रवेशपत्रे ही एक्स्ट्रा सीट नंबर अॅडमिट कार्ड या या पर्यायाद्वारे उपलब्ध करून दिले जाणार आहेत. ज्या मुलांचे प्रवेश पत्र गहाळ झाले तर त्या माध्यमिक शाळांनी प्रवेश पत्राची पुन्हा प्रिंट काढून त्यावर लाल शाईने डुप्लीकेट प्रवेश पत्र असा शेरा देऊन ते विद्यार्थ्याना द्यावे लागणार आहे.

बारावीची परीक्षा ११ फेब्रुवारी

बारावीची परीक्षा ११ फेब्रुवारीपासून सुरू होणार आहे. या परीक्षेचे ऑनलाइन प्रवेशपत्र उपलब्ध करून देण्यात आले आहे, १० जानेवारीपासून मुलांना देण्यात येत आहे. बारावीची प्रवेशपत्रं www.mahahsscboard.in या संकेतस्थळावर अ‍ॅडमिट कार्ड या लिंकवरुन डाऊनलोड करता येणार आहे.

JEE Main 2025 Admit Card: 22 जानेवारीला सुरु होणार परिक्षा