SSC Paper Leak : 10 वीचा गणिताचा पेपर फुटला! हा पेपर पुन्हा होणार का?

राज्यभरात दहावीची परीक्षा सुरु आहे. अशामध्ये पुन्हा एकदा पेपरफुटी संबंधित बातमी समोर आली आहे. दहावीचा पेपर पुन्हा लीक झाला आहे. अमरावती जिल्ह्यातील जिजामाता कनिष्ठ महाविद्यालय परिसरात हे प्रकरण घडले आहे.

फोटो सौजन्य - Social Media

Follow Us:

Follow Us:

जालना आणि यवतमाळ जिल्ह्यानंतर आता अमरावती जिह्यात पेपरफुटीचे परकरण समोर आले आहे. राज्यात बोर्डाचे पेपर सुरु आहेत. अशामध्ये कॉपीमुक्त परीक्षा बनवण्यासाठी शासनाकडून फार प्रयत्न केले जात आहेत. ७ मार्च रोजी दहावीची गणिताची परीक्षा आयोजित करण्यात आली होती. अशात पेपर फुटल्याची बातमी समोर आली आहे. अमरावती जिल्ह्यातील चांदूरबाजार येथील जिजामाता कनिष्ठ महाविद्यालय परिसरात ही घटना घडली आहे. या महाविद्यालयाच्या १०० मीटरवर असणाऱ्या परिसरातील झेरॉक्स सेंटरमध्ये हे प्रकरण रंगे हात पकडण्यात आले आहे. त्यामुळे राज्यभरात खळबळ उडाली आहे.

नागपूरमध्ये पतंजली मेगा फूड पार्क सुरू; १० हजारांहून अधिक युवकांना रोजगाराच्या संधी

दहावी गणिताचा पेपर फुटला आहे. परीक्षा निमित्ताने जिजामाता कनिष्ठ महाविद्यालय परिसरातील शाळा आणि महाविद्यालयांमध्ये पोलीस तपासणी सुरु होती. या दरम्यान जिजामाता विद्यालयासमोर विचित्र प्रकार घडलेला दिसून आला आहे. तेथील झेरॉक्स सेंटरमधून शाळेची मुले चक्क उत्तरपत्रिकेच्या झेरॉक्स काढून नेताना दिसून आले. पोलीस त्या स्थळी पोहचताच विद्यार्थी पळून गेले तर झेरॉक्स सेंटरमधील व्यक्ती झेरॉक्स काढताना दिसून आला. तो व्यक्ती दहावीच्या गणिताच्या पेपरची कॉपी काढून विद्यार्थ्यांना पुरवत होता. त्यामुळे पोलीस या सर्व गोष्टींची शहनिशा करून पुढील कारवाई करणार आहेत. दुकानदार विद्यार्थ्यांना फुटलेल्या पेपरची कॉपी पुरवून मदत करत असल्याने त्यावरदेखील कारवाई करण्यात येणार असल्याचे सांगण्यात येत आहे.

या अगोदरही पेपरफुटीचे प्रकरण घडून आले होते. हे प्रकरण जालना तसेच यवतमाळ जिल्ह्यात घडले होते. . यवतमाळमधील आदर्श विद्यालय कोठारी या केंद्रावर २२५ प्रश्नपत्रिका पुरवण्यात आल्या होत्या. यामध्ये ४ प्रश्नपत्रिका एक्सट्रा पाठवण्यात आल्या होत्या. पण यातील एक प्रश्नपत्रिका चोळमेळा अवस्थेत आढळून आली होती. परीक्षा सुरु होण्याअगोदर दहावीची मराठी परीक्षेची प्रश्नपात्रिका व्हायरल करण्यात आल्याने केंद्र संचालक श्याम तासके आणि इतर एका कर्मचाऱ्यावर गुन्हा दाखल करण्यात आला होता.

DU मध्ये नॉन-टीचिंग पदांसाठी भरती; अर्ज प्रक्रिया सुरू

राज्यात परीक्षेचे वातावरण आहे. अशामध्ये वाढत्या पेपरफुटींच्या प्रकरणांमुळे चिंताजनक वातावरण तयार झाले आहे. विद्यार्थ्यांमध्ये तीच परीक्षा पुन्हा एकदा द्यावी लागणार की काय? या प्रश्नाने भीती तयार झाली आहे. या वाढत्या प्रकरणांवर कठोर निर्णय घेणे गरजेचे झाले आहे.

Web Title: Ssc paper leak 10th class maths paper leaked

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com