Tata Memorial Centre Recruitment 2026: पदवीधारकांसाठी सुवर्णसंधी! टाटा मेमोरियल सेंटरमध्ये ‘या’ पदासाठी अर्ज सुरू

Tata Memorial Centre Recruitment 2026: टाटा मेमोरियल सेंटरने (TMC) 'रिसर्च प्रोजेक्ट मॅनेजर' पदाच्या १ रिक्त जागेसाठी अर्ज मागवले असून, पात्र उमेदवारांना १२ नोव्हेंबर २०२६ पर्यंत ऑनलाइन अर्ज करता येणार आहे.

• टाटा मेमोरियल सेंटरमध्ये संशोधन प्रकल्पाच्या व्यवस्थापक पदासाठी अर्ज सुरू
• इच्छुक उमेदवारांनी ऑनलाइन अर्ज करावा जाणून घ्या
• ‘या’ लिंकवरून त्वरित करा ऑनलाइन अर्ज
• उमेदवारांना आपला वैध ईमेल आयडी देण्याचे आवाहन

Tata Memorial Centre Recruitment 2026: टाटा मेमोरियल सेंटर (TMC) अंतर्गत ‘रिसर्च प्रोजेक्ट मॅनेजर’ पदासाठी भरतीची जाहिरात प्रसिद्ध करण्यात आली आहे. टाटा मेमोरियल हॉस्पिटलच्या (TMH) मानवी संसाधन विभागाने ‘MK3475-593’ प्रकल्पांतर्गत संशोधन प्रकल्पाच्या व्यवस्थापक पदासाठी ऑनलाइन अर्ज मागवले आहेत. ही भरती पूर्णपणे तात्पुरत्या स्वरुपाची असून, सुरुवातीला सहा महिन्यांच्या कालावधीसाठी असणार आहे.

या पदासाठी अर्ज करू इच्छिणाऱ्या उमेदवारांकडे लाइफ सायन्स किंवा एम. फार्म पदवीसह क्लिनिकल रिसर्चमधील पीजी डिप्लोमा, अथवा एम.एस्सी. इन क्लिनिकल रिसर्च किंवा फार्म.डी. (Pharm. D.) पदवी असणे आवश्यक आहे. तसेच उमेदवाराकडे किमान ३ वर्षांचा अनुभवे असणे अनिवार्य आहे. या पदासाठी अर्ज करणाऱ्या उमेदवारांचे कमाल वय ३० वर्षे निश्चित करण्यात आले असून, निवड झालेल्या उमेदवारास दरमहा ५५,००० रुपये मानधन दिले जाईल.

इच्छुक उमेदवारांनी ऑनलाइन अर्ज करावा

या पदासाठी इच्छुक उमेदवारांना १२ नोव्हेंबर २०२६ रोजी संध्याकाळी ५:३० वाजेपर्यंत टाटा मेमोरियल सेंटरच्या [https://tmc.gov.in/fta/frm_Registration.aspx](https://tmc.gov.in/fta/frm_Registration.aspx) या अधिकृत लिंकवरून फक्त ऑनलाइन पद्धतीने अर्ज करावा लागेल. मुदतीनंतर आलेले किंवा अपूर्ण अर्ज स्वयंचलितपणे फेटाळले जातील. उमेदवारांनी ऑनलाइन अर्जात भरलेल्या माहितीच्या आधारे त्यांची प्राथमिक छाननी करून मुलाखतीसाठी बोलावले जाईल.

Agniveer Marriage Rules 2026: अग्निवीरांना ६ वर्षे राहावे लागणार अविवाहित? २ वर्षांच्या एक्स्टेंशननंतर लग्नाबाबत बदलले नियम?

उमेदवारांना आपला वैध ईमेल आयडी देण्याचे आवाहन

मुलाखतीच्या वेळी उमेदवारांना जन्मतारीख, शैक्षणिक पात्रता आणि अनुभवाशी संबंधित सर्व मूळ कागदपत्रे सोबत ठेवावी लागतील. भरती प्रक्रियेबाबतची पुढील सर्व पत्रव्यवहार आणि मुलाखतीची तारीख केवळ ईमेलद्वारे कळवली जाणार असल्याने उमेदवारांनी आपला वैध ईमेल आयडी देण्याचे आवाहन करण्यात आले आहे.

RRB recruitment 2026: रेल्वेत बंपर भरती! ‘या’ अधिकृत वेबसाईटवर ४ डिसेंबरपर्यंत करा अर्ज