Meta salary: IIT च्या विद्यार्थ्याला चक्क ८०० कोटींचे पॅकेज! कोण आहेत त्रपित बंसल, ज्यांना मेटाने केले आपल्या टीममध्ये दाखल?

Trapit Bansal Meta salary: 'मेटा' कंपनीकडून ८०० कोटी रुपयांचे विक्रमी सॅलरी पॅकेज मिळवणारे भारतीय AI संशोधक त्रपित बंसल यांचा प्रेरणादायी प्रवास आहे. हे यश त्यांच्या गेल्या दहा वर्षांच्या कष्टाचे फळ आहे.

Trapit Bansal Meta salary: आर्टिफिशियल इंटेलिजन्सचे जग आता ग्लोबल टेक दिग्गजांमधील युद्धाचे मैदान बनले आहे. या रेसमध्ये टेक कंपन्या केवळ उत्तम टूल्सच बनवत नाहीयेत, तर AI मधील सर्वात वेगवान बुद्धिमत्तांना आपल्या टीममध्ये सामावून घेण्यासाठी पाण्यासारखा पैसा वाहत आहेत. भारतीय वंशाच्या एका युवा AI संशोधकाचे नाव सध्या टेक जगतात गाजत आहे. मार्क झुकरबर्गच्या ‘मेटा’ या कंपनीने IIT कानपूरचे माजी विद्यार्थी त्रपित बंसल यांना सुमारे ८०० कोटी रुपयांचे सॅलरी पॅकेज ऑफर केले आहे.

मेटाने त्रपित बंसल यांना त्यांच्या नवीन AI रिसर्च डिव्हिजनमध्ये सामील केले आहे. त्यांचे हे घसघशीत पॅकेज ऐकून प्रत्येकजण थक्क झाला आहे. या अवाढव्य पॅकेजमागे त्रपित बंसल यांच्या एका दशकाहून अधिक मेहनत, सखोल संशोधन आणि समर्पणाची कथा दडलेली आहे. त्यांनी शॉर्टकटचा मार्ग निवडण्याऐवजी AI च्या मूळ पायाला बळकट करण्यावर लक्ष केंद्रित केले. त्रपित बंसल कोण आहेत, त्यांचा प्रवास कसा राहिला आणि आज जगातील सर्वात मोठ्या कंपन्या त्यांना कोणत्याही किंमतीत आपल्या टीममध्ये का सामावून घेऊ इच्छित आहेत, ते आज आपण जाणून घेऊया

IIT कानपूरपासून सुरू झाला गणित आणि आकडेवारीचा प्रवास

त्रपित बंसल यांनी २००७ ते २०१२ या कालावधीत IIT कानपूरमधून मॅथ्स अँड स्टॅटिस्टिक्समध्ये इंटीग्रेटेड एमएससीची पदवी घेतली होती. टेक फील्डमध्ये जाणारे विद्यार्थी सहसा कॉम्प्युटर सायन्स निवडतात, परंतु त्रपित यांनी गणित आणि आकडेवारीला आपला पाया बनवले. AI आणि मशीन लर्निंगची संपूर्ण इमारत या दोन विषयांच्या सिद्धांतांवर उभी आहे. यानंतर त्यांनी बंगळुरूच्या IISc च्या मशीन लर्निंग लॅबमध्ये २ वर्षे रिसर्च असिस्टंट म्हणून काम केले आणि मशीन लर्निंगच्या प्रगत संकल्पना खोलवर समजून घेतल्या.

उमेदवारांची प्रतीक्षा संपली! UGC NET जून २०२६ ची प्रोविजनल आन्सर की जाहीर; तुमचे संभाव्य गुण कसे तपासायचे? जाणून घ्या

पुढील शिक्षणासाठी त्रपित बंसल अमेरिकेत गेले. त्यांनी युनिव्हर्सिटी ऑफ मॅसॅच्युसेट्स एमहर्स्ट (UMass Amherst) मधून कॉम्प्युटर सायन्समध्ये मास्टर्स आणि पीएचडी पूर्ण केली. त्यांच्या डॉक्टरेट संशोधनादरम्यान त्यांनी नॅचरल लँग्वेज प्रोसेसिंग, डीप लर्निंग आणि मेटा-लर्निंग यांसारख्या विषयांवर प्राविण्य मिळवले. आपल्या अभ्यास आणि संशोधनादरम्यानच त्रपित यांनी जगातील सर्वात मोठ्या टेक कंपन्यांमध्ये रिसर्च इन्टर्नशिप केली:

• फेसबुक (मेटा): नॅचरल लँग्वेज प्रोसेसिंगसाठी डीप लर्निंगवर काम.
• गुगल (Google): डीप लर्निंग आणि नॉलेज ग्राफवर संशोधन.
• मायक्रोसॉफ्ट (Microsoft): NLP आणि मेटा-लर्निंग तंत्रज्ञानावर काम.
• OpenAI: मल्टी-एजेंट रीइन्फोर्समेंट लर्निंग प्रकल्पांमध्ये योगदान.

OpenAI मध्ये बजावली महत्त्वाची भूमिका, मग झाली Meta मध्ये एंट्री

२०२२ मध्ये त्रपित बंसल OpenAI च्या तांत्रिक टीमशी जोडले गेले. त्यांनी AI जगताचे दिग्गज संशोधक इल्या सुतस्केवर यांच्यासोबत रीइन्फोर्समेंट लर्निंग आणि रिझनिंगवर आधारित AI मॉडेल विकसित करण्यात मुख्य भूमिका बजावली. OpenAI च्या चर्चित o1 रिझनिंग मॉडेल फॅमिलीला विकसित करण्यात त्रपित बंसल यांचे योगदान सर्वात महत्त्वाचे मानले जाते. २०२५ मध्ये मेटाने आपल्या नवीन AI रिसर्च डिव्हिजनसाठी त्यांना फाउंडिंग रिसर्चर म्हणून आपल्या टीममध्ये समाविष्ट केले.

World Largest State: जगातले सर्वात मोठे राज्य कोणते? भारताएवढे क्षेत्रफळ पण लोकसंख्या का एवढी कमी? जाणून घ्या

तरुणांसाठी मोठा धडा

आजच्या काळात जिथे अनेक तरुण शॉर्ट-टर्म कोर्सेस करून लगेच मोठी नोकरी मिळवू पाहतात, तिथे त्रपित बंसल यांचा प्रवास हा एक खूप मोठा धडा आहे. ८०० कोटींच्या सॅलरी पॅकेज हे एका रात्रीचे मिळालेले यश नाही, तर १० ते १२ वर्षांची अखंड अभ्यास, इन्टर्नशिप, अपयश आणि सखोल संशोधन समाविष्ट आहे. त्रपित बंसल यांच्या यशोगाथेवरून सिद्ध होते की, जर तुम्ही तुमच्या विषयात एवढे प्राविण्य आणि कौशल्य मिळवलेत तर जग तुमच्या पात्रतेला कधीही दुर्लक्षित करू शकत नाही.