महाराष्ट्रातील दोन शिक्षकांना ‘राष्ट्रीय शिक्षक पुरस्कार’! जाणून घ्या ‘या’ शिक्षकांविषयी

केंद्रीय शिक्षण मंत्रालयाने ‘राष्ट्रीय शिक्षक पुरस्कार २०२४’ साठी देशातील ५० शिक्षकांची निवड केली आहे. यामध्ये महाराष्ट्रातील दोन शिक्षकांचा समावेश आहे. राष्ट्रपती द्रौपदी मुर्मू यांच्या हस्ते या शिक्षकांना राष्ट्रीय शिक्षक पुरस्काराने गौरविण्यात येणार आहे. महाराष्ट्रातील शिक्षक हे गडचिरोली आणि कोल्हापूरमध्ये कार्यरत आहेत.

शालेय, उच्च, आणि कौशल्य शिक्षणाच्या क्षेत्रात माहिती व तंत्रज्ञानाचा प्रभावी वापर करणाऱ्या महाराष्ट्रातील दोन शिक्षकांना राष्ट्रपती द्रौपदी मुर्मू यांच्या हस्ते राष्ट्रीय शिक्षक पुरस्काराने गौरविण्यात येणार आहे. केंद्रीय शिक्षण मंत्रालयाने ‘राष्ट्रीय शिक्षक पुरस्कार २०२४’ साठी देशातील ५० शिक्षकांची निवड केली आहे.  महाराष्ट्रातील गडचिरोली जिल्ह्यातील जाजावंडी येथील जिल्हा परिषद उच्च प्राथमिक शाळेचे शिक्षक मंतैय्या बेडके आणि कोल्हापूरच्या एस.एम. लोहिया हायस्कूल अँड ज्युनिअर कॉलेजमधील चित्रकला शिक्षक सागर बागडे यांचा समावेश आहे. या दोन्ही शिक्षकांच्या शैक्षणिक कार्याचा गौरव केला जाणार आहे.

राष्ट्रपती द्रौपदी मुर्मू  या देशातील ५०  शिक्षकांना राष्ट्रीय शिक्षकदिनी  (५ सप्टेंबर)  नवी दिल्लीतील विज्ञान भवन येथे आयोजित समारंभात राष्ट्रीय शिक्षक पुरस्कार प्रदान करतील. या राष्ट्रीय शिक्षक पुरस्कारामध्ये प्रशस्ती पत्र,  रु.५०,००० रोख बक्षीस रक्कम  आणि एक रौप्यपदक देण्यात येते.

हे देखील वाचा- मुंबई विद्यापीठाकडून परीक्षांच्या तारखा जाहीर ! जाणून तुमची परीक्षा कधी सुरु होणार

See more

महाराष्ट्र के दो शिक्षकों को #राष्ट्रीयशिक्षकपुरस्कार2024 से सम्मानित किया जाएगा! गडचिरोली के मंतैय्या बेडके और कोल्हापूर के सागर बगाडे को यह पुरस्कार दिल्ली में 5 सितंबर को राष्ट्रपति के हाथों से प्रदान किया जाएगा। #NationalTeacherAward #MaharashtraTeachers #ProudMoment pic.twitter.com/lcHffMEcu9 — महाराष्ट्र सूचना केंद्र (@MahaMicHindi) August 31, 2024

शिक्षक मंतैय्या बेडके 

मंतैय्या बेडके हे गडचिरोली जिल्ह्यातील जाजावंडी गावातील जिल्हा परिषदेच्या प्राथमिक शाळेत कार्यरत आहेत. त्यांनी गडचिरोलीच्या या नक्षलग्रस्त आणि दुर्गम भागातील शाळेत उत्कृष्ट कार्य करत विद्यार्थ्यांची पटसंख्या ८ वरून १३८ पर्यंत वाढवली आहे. त्यांनी लोकसहभागातून शाळेत स्मार्ट टीव्ही आणि इन्व्हर्टरसारख्या सुविधा उभारल्या आहेत. त्यांच्या अथक मेहनतीने आणि समर्पणाने गुणवत्तापूर्ण शिक्षणाचा आदर्श निर्माण केला आहे. ते या दुर्गम नक्षलग्रस्त भागात गेली १४ वर्षे शिक्षणाचे कार्य करत आहेत.  राष्ट्रीय पुरस्कारामुळे त्यांच्या शिक्षण कार्याचा गौरव केला जाणार आहे.

हे देखील वाचा- पुण्यात आंतरराष्ट्रीय कौशल्य विकास केंद्राचे उद्घाटन ! युवकांना परदेशात रोजगार संधी प्राप्त होणार

शिक्षक  सागर बागडे 

श्री. सागर बागडे गेल्या ३० वर्षांपासून कोल्हापूरच्या एस.एम. लोहिया हायस्कूलमध्ये चित्रकला शिक्षक म्हणून कार्यरत आहेत. निवृत्तीच्या उंबरठ्यावर असताना त्यांना मिळालेला हा राष्ट्रीय पुरस्कार त्यांच्या शैक्षणिक आणि सांस्कृतिक क्षेत्रातील उत्कृष्ट योगदानाचा गौरव आहे. विशेष म्हणजे बागडे यांनी विद्यार्थ्यांसोबत देश-विदेशात कार्यक्रम करून दोन विश्वविक्रमही नोंदवले आहेत. दुर्गम भागातील मुले, शरीरविक्रय करणाऱ्या महिलांची मुले यांच्या शिक्षणासाठी बागडे यांनी प्रयत्न केले आहेत.