UPSC Answer Key 2026: यूपीएससी एनडीए आणि सीडीएस २ परीक्षेची आन्सर की जाहीर; ‘या’ दिवशी येणार निकाल!

UPSC Answer Key 2026: UPSC ने NDA 2 आणि CDS 2 ची आन्सर की upsc.gov.in वर जाहीर केली आहे. उत्तरतालिका कशी डाऊनलोड करावी अन् निकालाची नेमकी तारीख कोणती आहे? जाणून घेण्यासाठी वाचा सविस्तर..

• नॅशनल डिफेन्स अकादमी आणि नेव्हल अकादमी तसेच कंबाइंड डिफेन्स सर्व्हिसच्या परीक्षांची प्रोव्हिजनल आन्सर की जाहीर
• आन्सर की डाऊनलोड करण्याची सोपी पद्धत
• निकाल केव्हा जाहीर होणार?

UPSC Answer Key 2026: केंद्रीय लोकसेवा आयोगाने (UPSC) नॅशनल डिफेन्स अकादमी आणि नेव्हल अकादमी (NDA & NA 2) 2026 तसेच कंबाइंड डिफेन्स सर्व्हिस (CDS 2) या दोन्ही परीक्षांची प्रोव्हिजनल आन्सर की अधिकृत संकेतस्थळावर प्रसिद्ध केली आहे. १३ सप्टेंबर २०२६ रोजी देशभरातील विविध केंद्रांवर या परीक्षा पार पडल्या होत्या.

परीक्षा दिलेले उमेदवार upsc.gov.in या अधिकृत वेबसाईटला भेट देऊन किंवा खाली दिलेल्या सोप्या स्टेप्स फॉलो करून आपली उत्तरतालिका (Answer Key) डाऊनलोड करू शकतात.

निकालाचा अंदाज कसा लावावा?

परीक्षेत सहभागी झालेले उमेदवार आन्सर की डाऊनलोड करून आपल्या प्रश्नांची उत्तरे तपासून पाहू शकतात आणि संभाव्य गुणांचा अंदाज लावू शकतात. जर उमेदवारांना एखाद्या उत्तरावर आक्षेप असेल, तर ते ठरवून दिलेल्या मुदतीत ऑनलाइन आक्षेप नोंदवू शकतात.

High Salary Trap: महिन्याला २ लाखांपेक्षा जास्त पगार म्हणजे ‘ट्रॅप’? MBA ग्रॅज्युएटच्या सल्ल्याने सोशल मीडियावर चर्चा!

आन्सर की डाऊनलोड करण्याची सोपी पद्धत:

१. सर्वप्रथम यूपीएससीच्या upsc.gov.in या अधिकृत वेबसाईटला भेट द्या.

२. होमपेजवर “What’s New” या सेक्शनमध्ये जाऊन संबंधित परीक्षेच्या (NDA 2 किंवा CDS 2) आन्सर की लिंकवर क्लिक करा.

३. आता नवीन पेजवर आपल्या विषयानुसार (Subject/Set) PDF लिंकवर क्लिक करा.

४. उत्तरतालिका स्क्रीनवर ओपन होईल, ती डाऊनलोड करून आपल्या उत्तरांची पडताळणी करा.

NTA Exam Calendar 2026-27: एनटीएकडून मोठ्या परीक्षांचे कॅलेंडर प्रसिद्ध; ‘या’ दिवशी होणार परीक्षा!

अंतिम आन्सर की नंतर जाहीर होणार निकाल!

उमेदवारांनी नोंदवलेल्या आक्षेपांचे निवारण केल्यानंतर यूपीएससीद्वारे ‘अंतिम उत्तरतालिका’ (Final Answer Key) तयार केली जाईल. याच अंतिम आन्सर कीच्या आधारे उमेदवारांचा निकाल तयार केला जाईल. निकाल पुढील महिन्याच्या सुरुवातीला (ऑक्टोबरमध्ये) जाहीर केला जाण्याची शक्यता आहे.

या भरती प्रक्रियेद्वारे एनडीए-एनए (NDA-NA) च्या ३९४ जागा आणि सीडीएस २ (CDS 2) च्या ४५१ जागांवर नियुक्ती केली जाणार आहे.