UPSC Notification: यूपीएससीची मोठी भरती! EPFO मध्ये ८० पदांसाठी भरती; ‘या’ तारखेपासून अर्ज प्रक्रिया सुरू!

Government Job News : तुम्हाला सरकारी अधिकारी व्हायचे आहे का? यूपीएससी (UPSC)ने EPFO मधील ८० पदांसाठी भरती जाहीर केली असून, त्यासाठी अर्ज कसा करायचा आणि पात्रता काय आहे, याची संपूर्ण माहिती येथे जाणून घ्या.

Government Job News : सरकारी नोकरीची तयारी करणाऱ्या तरुणांसाठी संघ लोक सेवा आयोग (UPSC) एक सुवर्णसंधी घेऊन आले आहे. आयोगाने कर्मचारी भविष्य निर्वाह निधी संघटनेत (EPFO) ‘असिस्टंट प्रॉव्हिडंट फंड कमिशनर’ (APFC) या पदांच्या भरतीसाठी अधिसूचना जारी केली आहे. या भरती प्रक्रियेद्वारे एकूण ८० पदे भरली जाणार आहेत. ज्या तरुणांचे सरकारी अधिकारी बनण्याचे स्वप्न आहे आणि ज्यांनी मान्यताप्राप्त विद्यापीठातून पदवी पूर्ण केली आहे, त्यांच्यासाठी ही एक उत्तम संधी आहे.

यूपीएससी ईपीएफओ एपीएफसी भरती २०२६ साठी ऑनलाइन नोंदणी २२ ऑगस्ट २०२६ पासून सुरू होत आहे. इच्छुक उमेदवार संघ लोक सेवा आयोगाच्या अधिकृत वेबसाइट upsconline.nic.in वर जाऊन अर्ज करू शकतात. जर तुम्हालाही या सरकारी नोकरीसाठी अर्ज करायचा असेल, तर फॉर्म भरण्यापूर्वी पात्रता, वयोमर्यादा, निवड प्रक्रिया आणि महत्त्वाच्या तारखांची संपूर्ण माहिती असणे आवश्यक आहे. यामुळे फॉर्म भरताना कोणतीही चूक होणार नाही.

UPSC EPFO APFC भरती २०२६:

यूपीएससी ईपीएफओ एपीएफसी भरती २०२६ साठी ऑनलाइन अर्ज प्रक्रिया २२ ऑगस्ट २०२६ पासून सुरू होईल. इच्छुक उमेदवार ११ सप्टेंबर २०२६ पर्यंत अर्ज सबमिट करू शकतात. शेवटच्या दिवसांतील गर्दी आणि सर्व्हरच्या समस्या टाळण्यासाठी वेळेत फॉर्म भरण्याचा सल्ला आयोगाने दिला आहे.

शैक्षणिक पात्रता आणि वयोमर्यादा:

शैक्षणिक पात्रता: या पदासाठी अर्ज करणाऱ्या उमेदवाराकडे कोणत्याही मान्यताप्राप्त विद्यापीठाची कोणत्याही शाखेतील पदवी असणे आवश्यक आहे.

Cyber Security Course : मोबाईल, यूपीआय आणि सोशल मीडियावरील फ्रॉडपासून कसे राहाल सुरक्षित? जाणून घ्या

वयोमर्यादा: उमेदवाराचे कमाल वय ३५ वर्षे निश्चित करण्यात आले आहे. तथापि, आरक्षित वर्गातील (SC, ST, OBC आणि PwD) उमेदवारांना सरकारी नियमांनुसार वयोमर्यादेत सवलत दिली जाईल.

निवड प्रक्रिया:

यूपीएससी ईपीएफओ एपीएफसी पदांसाठी निवड प्रामुख्याने दोन टप्प्यांत होईल:

१. पेन-अँड-पेपर रिक्रूटमेंट टेस्ट (RT): उमेदवारांना प्रथम वस्तुनिष्ठ स्वरूपाची लेखी परीक्षा द्यावी लागेल.
२. मुलाखत : लेखी परीक्षेत यशस्वी होणाऱ्या उमेदवारांना मुलाखतीसाठी बोलावले जाईल.
लेखी परीक्षा आणि मुलाखतीतील एकूण गुणांच्या आधारे अंतिम गुणवत्ता यादी तयार केली जाईल.

अर्ज शुल्क:

जनरल, ओबीसी आणि ईडब्ल्यूएस (EWS) प्रवर्गातील पुरुष उमेदवारांना केवळ २५ रुपये अर्ज शुल्क भरावे लागेल. तर, महिला उमेदवार, एससी, एसटी आणि दिव्यांग प्रवर्गातील उमेदवारांसाठी अर्ज पूर्णपणे मोफत आहे. अर्जाचे शुल्क ऑनलाइन माध्यमातून किंवा एसबीआय (SBI) शाखेत रोख स्वरूपात भरता येईल.

Liechtenstein Country: विमानतळ नाही, स्वतःची आर्मी नाही…तरीही ‘हा’ देश जगातील सर्वात श्रीमंत कसा काय?

ऑनलाईन अर्ज कसा करावा?

१. संघ लोक सेवा आयोगाच्या अधिकृत वेबसाइट upsconline.nic.in वर जा.
२. जर तुम्ही ‘वन टाइम रजिस्ट्रेशन’ (OTR) केलेले नसेल, तर स्वतःची नोंदणी करा.
३. ओटीआर (OTR) प्रोफाइलमध्ये लॉग-इन केल्यानंतर ‘Latest Notifications’ या सेक्शनवर क्लिक करा.
४. ‘EPFO APFC Recruitment 2026’ ही लिंक निवडा आणि सर्व माहिती अचूक भरा.
५. फोटो, स्वाक्षरी आणि आवश्यक कागदपत्रे अपलोड केल्यानंतर शुल्क भरा आणि फॉर्म सबमिट करून त्याची प्रिंटआउट घ्या.