विमानांचे ‘डॉक्टर’ Aircraft Maintenance Engineering नेमकं कसं व्हायचं? किती असतो पगार? जाणून घ्या सविस्तर

सध्या मोठ्या प्रमाणावर विकसित होणाऱ्या क्षेत्रांमध्ये विमानन क्षेत्र म्हणजेच Aviation Sector वेगाने वाढत आहे आणि त्यासोबतच, 'एअरक्राफ्ट मेंटेनन्स इंजिनिअरिंग' म्हणजे AME व्यावसायिकांची मागणीही सातत्याने वाढत आहे.

• विमानन क्षेत्र म्हणजेच Aviation Sector वेगाने वाढत आहे
• या नोकरीमध्ये नक्की काम काय असतं?
• सॅलरी किती मिळते?

Aircraft Maintenance Engineering Course : आजच्या काळात जॉब मिळवणं कठीण झालंय असं आपल्याला वाटतं पण जरा नजर फिरवली तर बरीच अशी क्षेत्र आहेत जिथे संधी आजही उपलब्ध आहेत. आपण फक्त लक्ष दिला आणि मेहनत घेतली की आपल्याला सहज चांगल्या पगाराचा जॉब मिळू शकतो. पण आपली आवड कशात आहे हे देखील तितकंच महत्त्वाचं आहे. सध्या मोठ्या प्रमाणावर विकसित होणाऱ्या क्षेत्रांमध्ये विमानन क्षेत्र म्हणजेच Aviation Sector वेगाने वाढत आहे आणि त्यासोबतच, ‘एअरक्राफ्ट मेंटेनन्स इंजिनिअरिंग’ म्हणजे AME व्यावसायिकांची मागणीही सातत्याने वाढत आहे. विमानांच्या उड्डाणांमध्ये दररोज होणारी वाढ आणि नवीन विमानतळांची उभारणी यामुळे, विमानांची सुरक्षा आणि दुरुस्तीची जबाबदारी पेलण्यास सक्षम असलेल्या व्यावसायिकांची गरज पूर्वीपेक्षा कितीतरी अधिक वाढली आहे. नेमक्या याच कारणामुळे, मोठ्या संख्येने तरुण आता या क्षेत्राकडे आकर्षित होत आहेत. स्पर्धात्मक वेतन, तांत्रिक कौशल्ये आत्मसात करण्याची संधी आणि आंतरराष्ट्रीय स्तरावर करिअर घडवण्याच्या उज्ज्वल शक्यता यामुळे, हा एक वेगाने विकसित होणारा आणि अत्यंत आकर्षक करिअर मार्ग बनला आहे. पण या क्षेत्राशी संबंधित विशिष्ट अभ्यासक्रम किंवा प्रशिक्षण कार्यक्रमांबद्दल तरुण उमेदवारांकडे अनेकदा पुरेशी माहिती नसते. त्यामुळे, जर तुम्हाला या क्षेत्रात तुमचे करिअर घडवायचे असेल, तर तुम्हाला आवश्यक असलेली या लेखात मिळेल.

संसदेत नोकरीची सुवर्णसंधी! ‘या’ पदांसाठी निघते भरती; जाणून घ्या कशी असते निवड प्रक्रिया?

नेमका अभ्यासक्रम काय ?

या क्षेत्रात प्रवेश करण्यासाठी, ‘एअरक्राफ्ट मेंटेनन्स इंजिनिअरिंग’ (AME) हा सर्वात महत्त्वाचा अभ्यासक्रम आहे. हा अभ्यासक्रम २ ते ३ वर्षांच्या कालावधीचा असतो आणि त्यामध्ये कोर्स आणि प्रत्यक्ष प्रात्यक्षिक प्रशिक्षणाचा समावेश असतो. हे प्रशिक्षण भारत सरकारच्या ‘नागरी विमानन महासंचालनालया’च्या (DGCA) देखरेखीखाली आणि त्यांच्या नियमावलीनुसार दिले जाते.

या नोकरीमध्ये नक्की काम काय असतं?

‘एअरक्राफ्ट मेंटेनन्स इंजिनिअरिंग’ (AME) ही विमानांची दुरुस्ती आणि देखभाल करण्यासाठी असलेली एक विशेष शाखा आहे. या क्षेत्रातील व्यावसायिक विमानाचे इंजिन, एव्हिऑनिक्स, संरचनात्मक भाग आणि इतर प्रणालींची तपासणी करतात; जेणेकरून विमान उड्डाण करण्यापूर्वी ते सुरक्षित आणि उड्डाणास योग्य असल्याची खात्री केली जाते.. विमानाची आणि त्यातील प्रवाशांची सुरक्षा ही AME व्यावसायिकांच्याच हाती असते; पण AME व्यावसायिकाचे प्रमाणपत्र म्हणजेच Certification असल्याशिवाय कोणत्याही नागरी विमानाला उड्डाण करण्याची परवानगी दिली जात नाही.

कोण करु शकतं हा कोर्स?

‘एअरक्राफ्ट मेंटेनन्स इंजिनिअरिंग’ (AME) करण्यासाठी, उमेदवारांनी १२ वीची परीक्षा उत्तीर्ण असणं आवश्यक आहे. पण त्यासोबतच भौतिकशास्त्र म्हणजे Physics, रसायनशास्त्र म्हणजे Chemistry आणि गणित म्हणजे  Mathematics हे मुख्य विषय घेऊन उत्तीर्ण केलेली असणे बंधनकारक आहे. पण काही असे पदविका अभ्यासक्रम म्हणजेच Diploma courses उपलब्ध आहेत, जे १० वीची परीक्षा उत्तीर्ण झाल्यानंतरही करता येतात. शिवाय, या क्षेत्रात करिअर घडवण्यासाठी, उमेदवार Medically fit असणे अत्यंत आवश्यक आहे.

सॅलरी किती मिळते?

वेतनाबाबत बोलायचे झाल्यास, या क्षेत्रात सुरुवातीचे वेतन साधारणपणे दरमहा ₹२५,००० ते ₹५०,००० च्या दरम्यान असू शकते. ३ ते ५ वर्षांच्या व्यावसायिक अनुभवासह, ही रक्कमनंतर वाढू शकते. जी दरमहा साधारणपणे ₹६०,००० ते ₹१.५ लाखांच्या दरम्यान असू शकते. त्यामुळे चांगलं करिअर घडवायचं असेल तर हे क्षेत्र तुमची वाट बघत आहे.

केंद्रीय शिक्षक पात्रता परीक्षेचा निकाल जाहीर! निकालात काहीशी सुधारणा परंतु आव्हाने कायम