crime (फोटो सौजन्य: social media)
16 वर्षीय विद्यार्थिनीची गळफास घेऊन आत्महत्या
हिंगोली : पिंपळदरी येथील आदिवासी आश्रमशाळेच्या वसतिगृहात दहावीच्या विद्यार्थिनीने आत्महत्या केली. या विद्यार्थिनीने बुधवारी दुपारी ओढणीने गळफास घेऊन जीवन संपवल्याची घटना घडली. तिने टोकाचे पाऊल का उचलले हे अद्याप स्पष्ट झाले नाही. या घटनेमुळे जिल्हाभरात खळबळ उडाली आहे.
औंढा नागनाथ तालुक्यातील भोसी येथील स्वाती सुखदेव झाटे (वय १६) ही विद्यार्थिनी पिंपळदरी येथील आदिवासी विद्यार्थ्यांच्या निवासी आश्रमशाळेत शिक्षण घेते. या शाळेतच तिचा भाऊदेखील पाचवी वर्गात शिक्षण घेतो. मंगळवारी (दि.२४) स्वाती हिला तिच्या वडिलांनी शाळेत आणून सोडले होते. त्यानंतर बुधवारी सकाळीदेखील तिचे वडील तिला भेटण्यासाठी आले होते. दोघेही सुमारे पंधरा ते वीस मिनिटं बोलले.
दरम्यान, दुपारी स्वाती तिच्या मैत्रिणीसह भोजनासाठी खोलीमधून खाली आली होती. त्यानंतर अचानक तिने खोलीत जाऊन येते असे कारण सांगत ओढणीने पंख्याला गळफास घेऊन आत्महत्या केली. यावेळी मोठा आवाज झाल्याने तेथील विद्यार्थिनी व वसतिगृहाच्या अधिक्षिका घटनास्थळी धावल्या. त्यांनी खोलीत पाहिले असता स्वाती पंख्याला लटकलेल्या अवस्थेत दिसून आली.
कुत्रा चिरडल्याच्या रागातून रुग्णवाहिकेला अडवून चालकाला मारहाण; विलंबामुळे रुग्णाचा मृत्यू
.png "Videos"){kind=small}
