बदलापूर अत्याचार प्रकरणी मुंबई कोर्टात सुनावणी, सरकारला अहवाल सादर करण्याचे निर्देश

बदलापुरातील नामांकित शाळेतील दोन चिमुकल्यावर झालेल्या लैंगिक अत्याचार प्रकरणी मोठा जनक्षोभ उसळला होता. बदलापूर प्रकरणाची मुंबई हाय कोर्टाकडून दखल घेण्यात आली आहे. याप्रकरणी कोर्टाने सुमोटो याचिका करून घेतली दाखल आहे. पुढील सुनावणी मंगळवारपर्यंत तहकूब करण्यात आली.

बदलापूरच्या घटनेनंतर संपूर्ण राज्यभरात संतापाची लाट उसळली असून आरोपीला कठोरात कठोर शिक्षा व्हावी, यासाठी बदलापूरकर रस्त्यावर उतरलं होतं. याप्रकरणी नॅशनल कमिशन फॉर प्रोटेक्शन ऑफ चाइल्ड राइट्स (NCPCR) ने म्हटले आहे की, या दोन मुलींवर अत्याचार प्रकरणाची चौकशी करणार आहेत.

तर दुसरीकडे राज्य सरकार अॅक्शन मोडमध्ये आले असून हा खटला फास्ट ट्रॅक कोर्टात चालवण्याचे निर्देश देण्यात आले आहेत. तसेच आता या प्रकरणाची दखल मुंबई उच्च न्यायालयाने घेतली आहे. बदलापूर प्रकरणी मुंबई उच्च न्यायालयात सुमोटो याचिका दाखल करण्यात आली असून आज गुरुवारी (ता. 22 ऑगस्ट) सकाळी मुंबई उच्च न्यायालयात तातडीची सुनावणी घेण्यात येणार आहे. या प्रकरणी मंगळवारच्या सुनावणीआधी सरकारला अहवाल सादर करण्याचे कोर्टाकडून निर्देश देण्यात आले.

हे सुद्धा वाचा: बदलापूरच्या घटनेनंतर नाना पटोले आक्रमक; केली ‘ही’ मोठी मागणी

एजन्सीच्या म्हणण्यानुसार, महाराष्ट्रातील बदलापूर, ठाणे येथे शाळेच्या सफाई कामगाराने तीन आणि चार वर्षांच्या दोन मुलींवर लैंगिक अत्याचार केले. या घटनेमुळे शहरात तणाव वाढल्यानंतर इंटरनेट बंद करण्यात आले होते, ते पूर्ववत करण्यात आले आहे. या प्रकरणी राष्ट्रीय बाल हक्क संरक्षण आयोगाने (NCPCR) या प्रकरणाची चौकशी करण्यासाठी एक पथक बदलापूरला जाणार असल्याचे सांगितले आहे.

बदलापूर अत्याचार प्रकरणातील मुख्य आरोपी अक्षय शिंदे याला फशीची शिक्षा देण्यात यावी, अशी मागणी राज्यातील जनतेकडू करण्यात येत आहे. मात्र आपल्या देशाच्या कायद्यात अशी कोणतीही तरतूद नाही आणि आरोपीला कायदेशीर मार्गाने कठोर शिक्षा दिली जाईल. त्यामुळे मुंबई उच्च न्यायालयात स्वत:हून याचिका दाखल करण्यात आली असून गुरुवारी सकाळी न्यायमूर्ती भारती डांगरे आणि न्यायमूर्ती मंजुषा देशपांडे यांच्या खंडपीठासमोर सुनावणी होणार आहे.

हे सुद्धा वाचा: बदलापूरमध्ये झालेल्या घृणास्पद घटनेवर नागरिक संतप्त! मीरारोडमध्ये छेडलं तीव्र आंदोलन  

बदलापूर प्रकरणी ज्येष्ठ आयपीएस अधिकारी आरती सिंह यांच्या नेतृत्वाखाली ही SIT स्थापन करण्यात आली आहे. परंतु, घडलेल्या प्रकरणाची एसआयटीमार्फत मुंबई उच्च न्यायालयाच्या देखरेखीखाली चौकशी व्हावी, अशी मागणी करण्यात आली आहे. त्यामुळे या प्रकरणात आता मुंबई उच्च न्यायालयाकडूनपुढील सुनावणी मंगळवारपर्यंत तहकूब करण्यात आली. तसेच पुढील सुनावणीच्या आधी सरकारला अहवाल सादर करण्याचे निर्देश देण्यात आले.

या प्रकरणातील प्रमुख आरोपी अक्षय शिंदे याला 26 ऑगस्टपर्यंत कल्याण न्यायालयाकडून पोलीस कोठडी सुनावण्यात आली आहे. त्यामुळे आता या प्रकरणाच्या सुनावणीसाठी आरोपी अक्षयला न्यायालयात प्रत्यक्ष हजर करण्यात येते की ऑनलाइनच्या माध्यमातून त्याला हजर करण्यात येते, हेही पाहणे महत्त्वाचे ठरणार आहे.

बदलापूरमध्ये आतापर्यंत काय- काय घडलं

1. ही घटना मंगळवारी उघडकीस आल्यानंतर हजारोंच्या संख्येने बदलापूर रेल्वे स्थानकावर जमा होऊन निषेध करण्यात आला. त्यामुळे 12 एक्सप्रेस आणि मेल गाड्यांचे मार्ग बदलावे लागले. ३० लोकल गाड्या अंशत: रद्द कराव्या लागल्या आणि काही लांब पल्ल्याच्या गाड्यांचे मार्गही बदलण्यात आले.
2. बदलापूर येथील आंदोलनाला हिंसक वळण लागले आणि संतप्त लोकांनी दगडफेक करून शाळेची तोडफोड केली. बदलापूर रेल्वे स्थानकाजवळ बसचेही नुकसान झाले. पोलिसांनी नऊ तासांनी लाठीचार्ज करून आणि रेल्वे रुळ साफ करून आंदोलन संपवले.
3. पीडित मुलींच्या पालकांनी आरोप केला आहे की पोलिसांनी १२ तासांनंतर त्यांची तक्रार नोंदवली. सूत्रांनी दिलेल्या माहितीनुसार, तपासादरम्यान पोलिसांना शाळेत लावण्यात आलेले सीसीटीव्ही काम करत नसल्याचे आढळून आले. मुलींचे स्वच्छतागृह स्वच्छ करण्यासाठी महिला कर्मचाऱ्याची नियुक्ती का करण्यात आली नाही, अशी चिंताही पालकांनी व्यक्त केली.
4. पीडित मुलींचे नातेवाईक शाळेत गेले आणि मुलींचे जबाब घेण्यासाठी पोलिस येण्यापूर्वी तीन तास थांबले. याप्रकरणी शाळेच्या व्यवस्थापनाने मुख्याध्यापक, वर्गशिक्षिका आणि महिला परिचर यांना निलंबित केले आहे. आरोपी स्वच्छता कर्मचारी अक्षय शिंदे याची 1 ऑगस्ट रोजी कंत्राटी पद्धतीने नियुक्ती करण्यात आली होती.
5. या प्रकरणाच्या तपासात निष्काळजीपणा केल्याच्या आरोपाखाली महाराष्ट्र सरकारने एका वरिष्ठ पोलिस निरीक्षकासह तीन पोलिस अधिकाऱ्यांना निलंबित करण्याचे आदेश दिले. या प्रकरणाच्या तपासासाठी विशेष तपास पथक (एसआयटी) स्थापन करण्यात आले होते.
6. महाराष्ट्राचे उपमुख्यमंत्री देवेंद्र फडणवीस यांनी सांगितले की, त्यांनी ठाणे पोलीस आयुक्तांना या प्रकरणाची जलदगती न्यायालयात सुनावणी करण्याचा प्रस्ताव तयार करण्याचे निर्देश दिले आहेत. दरम्यान, आरोपीला न्यायालयाने तीन दिवसांची पोलीस कोठडी सुनावली आहे.
7. मुख्यमंत्री एकनाथ शिंदे यांनी शाळेवर कारवाईचे आश्वासन देत या प्रकरणाची त्वरीत चौकशी केली जाईल आणि दोषींना सोडले जाणार नाही, असे सांगितले.
8. या प्रकरणाची चौकशी करण्यासाठी महाराष्ट्र सरकारने वरिष्ठ आयपीएस अधिकारी आरती सिंह यांच्या अध्यक्षतेखाली एसआयटी स्थापन करण्याचे आदेश दिले आहेत.
9. या घटनेची माहिती संपूर्ण परिसरातील लोकांना समजताच ते रस्त्यावर उतरले आणि हजारो आंदोलकांनी बदलापूर स्थानकावर रेल्वे ट्रॅक अडवला. त्यामुळे लोकल ट्रेन सेवा ठप्प झाली. लांब पल्ल्याच्या गाड्यांचे मार्ग बदलावे लागले. बदलापूर रेल्वे स्थानकावर आंदोलकांनी पोलिसांवर दगडफेक करून शाळेच्या इमारतीची तोडफोड केली. पोलिसांनी नऊ तासांनंतर रेल्वे स्थानकावर आंदोलकांवर लाठीचार्ज करून आंदोलन संपवले.
10. या संपूर्ण प्रकरणाबाबत विरोधी पक्षांनी आरोप केला की, पीडित मुलींच्या पालकांना बदलापूर पोलिस ठाण्यात 11 तास थांबावे लागले, त्यानंतर अधिकाऱ्यांनी त्यांची तक्रार नोंदवली.