crime (फोटो सौजन्य: social media)
एटीएममध्ये मदतीच्या बहाण्याने फसवणूक; तक्रारदारांना वॉचमनला बोलवायला पाठविले अन्…
काय घडलं नेमकं?
शिरूरघाट येथील रहिवासी राजेंद्र उर्फ राजाभाऊ सुभाष सांगळे आणि त्याचे चुलते भीमराव रामभाऊ सांगळे यांच्यात शेतातील विहिरीच्या हिश्यावरून जुना वाद सुरु आहे. सोमवारी सकाळी १०:३० च्या सुमारास हा वाद पुन्हा उफाळून आला. आरोपी राजेंद्र सांगळे याने त्याचे चुलते भीमराव यांना शिवीगाळ करत काठीने डोक्यात मारहाण करण्यास सुरुवात केली. दरम्यान भीमराव याना वाचवण्यासाठी त्यांचा मुलगा मोहन सांगळे आणि भाऊ अर्जुन सांगळे धावून आले असता, आरोपीने त्यांनाही काठीने बेदम मारहाण केली. यावेळी शेजारी राहणारे सुंदर धनराज सांगळे हे भांडण सोडवण्यासाठी मध्यस्थी करायला गेले. मात्र संतापलेल्या आरोपीने “तुझा काय संबंध?” असे म्हणत कमरेला असलेला चाकू काढून थेट सुंदर सांगळे यांच्या पोटात खुपसला.
या चाकू हल्लयात सुंदर सांगळे हे गंभीर जखमी झाले आणि रक्ताच्या थारोळ्यात कोसळले. या घटनेनंतर आरोपी राजेंद्र हा तिथून फरार झाला. नातेवाईकांनी तातडीने जखमींना खाजगी वाहनाने बीड येथील विवेकानंद हॉस्पिटलमध्ये उपचारासाठी दाखल केले आहे. सुंदर सांगळे यांची प्रकृती चिंताजनक असल्याचे समजते.
याप्रकरणी सुंदर सांगळे यांचे पुत्र बालाजी सांगळे यांनी केज पोलीस ठाण्यात तक्रार दाखल केली आहे. पोलिसांनी घटनेचा पंचनामा केला असून, आरोपी राजेंद्र सांगळे याच्याविरुद्ध हत्येचा प्रयत्न आणि गंभीर दुखापत केल्याप्रकरणी गुन्हा दाखल केला आहे. पोलिसांनी फरार आरोपी राजेंद्र उर्फ राजाभाऊ सुभाष सांगळे याला अटक केली आहे.
वेळीच सावध व्हा! सायबर गुन्हेगारीत AI चा वापर, नवीन तंत्रज्ञानाचा वापर करून फसवणुकीचा प्रयत्न?
Ans: शेतातील विहिरीच्या वाटणीवरून वाद झाला.
Ans: सुंदर सांगळे यांच्यावर चाकू हल्ला झाला, ते गंभीर जखमी आहेत.
Ans: आरोपीविरुद्ध खुनाच्या प्रयत्नाचा गुन्हा दाखल करून त्याला ताब्यात घेतले.
.png "Videos"){kind=small}
