Dhule Crime: वृद्धेचा अमानुष खून आणि घटनास्थळी राहिलेलं घड्याळ; 24 तासांत उलगडलं खुनाचं कोडं

धुळे जिल्ह्यातील मोहाडी येथील दंडवाले बाबा नगर परिसरातील वाल्मिकी आंबेडकर वसाहतीत मृत महिला राहत होती. मृत महिलेचं नाव लीलाबाई हिरामण सूर्यवंशी (वय ७५) असे आहे. या आजी घरात एकट्याच राहत होत्या. त्यांची परिस्थिती हालाकीची होती. पहाटे त्यांच्या घरातून रक्त बाहेर आल्याची माहिती शेजाऱ्यांना दिसले. तेव्हा त्यांनी तात्काळ पोलिसांना कळवले. पोलिसांनी घटनास्थळी धाव घेतली. लीलाबाई यांचा मृतदेह घरातच आढळून आला. पोलिसांनी मृतदेह शवविच्छेदनासाठी पाठवला. घटनास्थळाची पाहणी करत पंचनामा केला.

प्राथमिक तपासात अज्ञात व्यक्तीने चोरीच्या उद्देशाने घरात प्रवेश करून वृद्धेवर अमानुष हल्ला केल्याचे स्पष्ट झाले. घरातील काही साहित्य, स्वयंपाकघरातील डबे आणि गॅस सिलेंडर गायब असल्याचेही निदर्शनास आले. याप्रकरणी मोहाडी नगर पोलीस ठाण्यात हत्येचा गुन्हा दाखल केला. पोलिसांना तपासादरम्यान घटनास्थळी एक मनगटी घड्याळ सापडले. या घडाळ्याच्या आधारे तपासाला गती मिळाली. पोलिसांनी या घड्याळीचे फोटो परिसरातील गोपनीय बातमीदारांच्या व्हॉट्सॲप ग्रुपवर पाठवण्यात आला.

एका बातमीदाराने याच घड्याळाच्या आधारे पोलिसांना महत्वाची माहिती दिली. या माहितीच्या आधारे पोलिसांनी सागर राजू कोळी (वय 25, रा. वाल्मिकी आंबेडकर वसाहत, मोहाडी) याच्यावर संशय बळावला. पोलीस त्याला अटक करण्यासाठी गेले असता तो आपल्या घरी किंवा ओळखीच्या ठिकाणी सापडत नव्हता. पोलिसांनी त्याच्या तपासाची सुरुवात केली. तेव्हा तो महेबूब सुबानी दर्याजवळील सुरत बायपास परिसरात असल्याची माहिती मिळाली. पोलिसांनी तात्काळ पथक पाठवून त्याला तेथून ताब्यात घेतले

सुरुवातीला दिशाभूल करण्याचा प्रयत्न

सागर राजू कोळी याला अटक केल्यानंतर सुरुवातीला आरोपीने पोलिसांची दिशाभूल करण्याचा प्रयत्न केला. मात्र कसून चौकशीत त्याने अखेर गुन्ह्याची कबुली दिली. त्याने सांगितले की, चोरीच्या उद्देशाने तो रात्री लीलाबाई सूर्यवंशी यांच्या घरात शिरला होता. गॅस सिलेंडरचे रेग्युलेटर काढताना आवाज झाला आणि या आवाजाने त्या जाग्या झाल्या. त्यांनी प्रतिकार केल्याने आरोपींची त्यांच्यावर हल्ला केला. स्टीलच्या खुरपीसारख्या कठोर वस्तूने गुप्तांगावर वार करून त्याने त्यांची हत्या केल्याचे त्याने मान्य केल्याची कबुली दिली. या संपूर्ण कारवाईत अवघ्या २४ तासात गुन्ह्याचा उलगडा झाल्याने स्थानिक गुन्हे शाखेच्या कार्यक्षमतेचे सर्वत्र कौतुक होत आहे.

Sangali Crime: 8 वीच्या मुलीसोबत ऊसाच्या शेतात आळीपाळीने अत्याचार, आरोपींनी विवस्त्र केले, नंतर कपडे घेऊन फरार आणि….

संबंधित बातम्या