कशी केली कारवाई?
शिरपूर तालुक्यातील जमण्या पाणी गावाच्या हद्दीत तीन वेगवेगळ्या ठिकाणी गांजाची लागवड करण्यात आल्याची गुप्त माहिती पोलिसांना मिळाली होती. या माहितीच्या आधारे शिरपूर तालुका पोलिसांनी पाहणी केली तेव्हा वनविभागात गांजाची लागवड करण्यात आल्याचे समोर आले आहे. पोलिसांनी प्रशासनाच्या निर्देशानुसार गांजाची झाडे जाळून नष्ट केली आहे.
मला माझा नवरा परत द्या; गायब पोलीस कर्मचारी निखिल रणदिवे यांच्या पत्नीची विनंती
पोलिसांनी अज्ञात व्यक्तीविरुद्ध शिरपूर तालुका पोलीस ठाण्यात गुन्हा दाखल केला आहे. यामध्ये कोण कोण सामील आहे, तसेच आणखी कुठे अश्याप्रकारे गांजाची शेती केली जात आहे का? पोलिसांनी या प्रकरणाबाबत अधिकची चौकशी सुरु केली आहे.
नांदेडमध्ये तुरीच्या शेतात कारवाई
नांदेडच्या किनवट तालुक्यातील शिवानी व झळकवाडी दरम्यान जंगलालगतच्या शेतीत इस्लापूर पोलिसांनी धाड टाकली. तुरीच्या शेतात लपवून ठेवलेली ४० ते ४५ किलोपर्यंतची गांजाची झाडे उपटून पोलिसांनी ताब्यात घेतली आहे. याप्रकरणात एका नागरिकाला ताब्यात घेण्यात आले आहे कारवाई सुरु आहे. गुप्त माहितीनुसार झालेल्या या कारवाईत हिमायतनगरचे पोलीस निरीक्षक अमोल भगत इस्लापूरचे सहाय्यक पोलीस निरीक्षक उमेश भोसले, पोलिस कर्मचारी, महसूल विभाग आणि नांदेड येथील फॉरेन्सिक पथक सहभागी झाले.
एक ताब्यात
या प्रकरणात एकाला ताब्यात घेण्यात आले असून पोलिसांची कारवाई सुरु आहे. गोपनीय माहितीच्या आधारावर हिमायतनगर, इस्लापूर पोलिसांनी संयुक्तपणे ही कारवाई केली. शिवणी आणि झळकवाडी ही गावे तेलंगणा राज्याच्या सीमेवर आहेत. तर इथे तेलंगणातून गांजा विक्री आणि मागणी होत असते? या कारवाईत महसूल विभाग आणि नांदेड येथील फॉरेन्सिक पथक सहभागी झाले आहेत. पोलीस पुढील तपास करीत आहेत.
Ans: वनहद्दीत 122 गुंठ्यांवर उगवलेली अंदाजे 2,125 किलो गांजाची झाडे जाळून नष्ट करण्यात आली, ज्याची किंमत सुमारे 1.06 कोटी रुपये आहे.
Ans: किनवट तालुक्यातील शिवणी-झळकवाडी दरम्यान तुरीच्या शेतात लपवून ठेवलेली 40–45 किलो गांजाची झाडे पोलिसांनी जप्त केली.
Ans: धडाकेबाज मोहिमेत एक व्यक्ती ताब्यात घेतला असून, आणखी कोण सामील आहे व तेलंगणातून पुरवठा सुरू होता का याचा पोलिसांकडून तपास सुरु आहे.
