मुंबई : बदलापूरमध्ये दोन अल्पवयीन मुलींवर झालेल्या अत्याचार प्रकरणातील अक्षय शिंदेचा पोलिसांसोबत झालेल्या चकमकीत मृत्यू झाला. या घटनेनंतर राज्यात एकच खळबळ उडाली आहे. राजकीय आरोप प्रत्यारोपांच्या फैरी झडत आहेत. या सर्वात ठाकरे गटाचे खासदार संजय राऊत यांनी अक्षय शिंदेचा व्हिडीओ शेअर करत काही प्रश्न उपस्थित केले आहेत.
संजय राऊत यांनी त्यांच्या एक्स अकाऊंटवरून एक व्हिडीओ ट्विट केला आहे. य़ा व्हिडीओत पोलीस अधिकारी अक्षय शिंदे याला पोलिस घेऊन जाताना दिसत आहेत. यावेळी अक्षयच्या हातात बेड्या होत्या, चेहरा मास्कने पूर्णपणे झाकलेला दिसत आहेत. हा व्हिडीओ दाखवत त्यांनी , “याने पोलिसांवर हल्ला केला? अक्षय शिंदे याला पोलिस घेऊन जात होते तेव्हा त्याचे हात बांधलेले व तोंडावर बुरखा होता. त्यामुळे नक्की काय घडले? कुणाला वाचविण्यासाठी शिंदे फडणवीस हा बनाव करत आहेत? महाराष्ट्राला सत्य कळायलाच हवे,” असा आरोप संजय राऊत यांनी केली आहे.
याने पोलिसांवर हल्ला केला?
अक्षय शिंदे याला पोलिस घेऊन जात होतेतेव्हा त्याचे हात बांधलेले व तोंडावर बुरखा होता.
त्यामुळे नक्की काय घडले?
कुणाला वाचविण्यासाठी शिंदे फडणवीस हा बनाव करत आहेत?
महाराष्ट्राला सत्य कळायलाच हवे।
@Dev_Fadnavis pic.twitter.com/wo2dvqoBBs — Sanjay Raut (@rautsanjay61) September 24, 2024
हेही वाचा: अक्षय शिंदे एन्काऊंटर प्रकरण: मुंब्रा बायपासवर नेमकं काय घडलं?, वाचा सविस्तर
महाराष्ट्रातील बदलापूरमध्ये अल्पवयीन मुलींवर बलात्कार करणाऱ्या आरोपी अक्षय शिंदेचा पोलिस चकमकीत मृत्यू झाल्याने लोकांमध्ये खळबळ उडाली आहे. पण मुंब्रा बायपासवर नेमकं काय झालं, याबाबत प्रश्नचिन्ह उपस्थित होत आहेत. याबाबत मिळालेल्या माहितीनुसार, सोमवारी सायंकाळी साडेसहाच्या सुमारास पोलीस अधिकारी अक्षय शिंदेला तळोजा तुरूंगातून बदलापूर गुन्हे शाखेला घेऊन जात होते.
पोलिसांची कार मुंब्रा बायपासवर पोहचली असता अक्षय शिंदेने पोलिसांची बंदूक हिसकवून त्यांच्यावर गोळीबार केला. या झटापटीत एपीआय निलेश मोरे यांच्यापायाला गोळी लागली. अक्षय पळून जाण्याच्या तयारीत असताना त्याने इतर पोलीस अधिकाऱ्यांवरही गोळीबार कऱण्याचा प्रयत्न केला पण पोलीस निरीक्ष संजय शिंदे यांनी अक्षयवर गोळीबार केला. यात त्याला तीन गोळ्या लागल्या. तो गंभीर जखमीही झाला. त्याला उपचारासाठ रुग्णालयात दाखल करण्याता आले असता, डॉक्टरांनी त्याला मृत घोषित केले.
हेही वाचा:अक्षय शिंदेच्या आई वडिलांचा टाहो; मृतदेह ताब्यात न घेण्याचा निर्णय
.png "Videos"){kind=small}
