अरे बाप्परे! २४ कॅरेटचे ५२३ ग्रॅम सोने चक्क कुकवेअरच्या झाकणातून लपवून नेले..

डिजिटल युगात चोरी आणि तस्करीसाठी नवनवीन क्लुप्त्या वापरल्या जात असल्याचे समोर येत आहे. दिल्लीच्या IGI विमानतळावर कस्टम अधिकाऱ्यांनी अशाच एका अनोख्या पद्धतीने करण्यात आलेली सोन्याची तस्करी उघडकीस आणली. रियाधहून मुंबईमार्गे दिल्लीला आलेल्या प्रवाशाकडून २४ कॅरेटचे ५२३ ग्रॅम सोने जप्त करण्यात आले.

• दिल्लीच्या IGI विमानतळावर कस्टम अधिकाऱ्यांची मोठी कारवाई.
• २४ कॅरेटचे ५२३ ग्रॅम सोने जप्त.
• जप्त केलेल्या सोन्याची किंमत सुमारे ३.७ कोटी रुपये.
• कुकवेअरच्या झाकणाच्या घन भागात सोन्याचे १५ तुकडे लपवले होते.
• प्रवासी रियाधहून मुंबईमार्गे दिल्लीला आला होता.
• कस्टम अधिकाऱ्यांनी संशयावरून प्रवाशाला विमानतळावर अडवले.
• सोन्याची तस्करी करण्याचा प्रयत्न उघडकीस.
• प्रकरणाचा पुढील तपास सुरू आहे.

असं म्हणतात की चोरी करण्यासाठी फार मेहनत लागत नाही, पण कष्ट करण्यासाठी लागतात. सध्या आपण डिजिटल युगात असल्यामुळे कुठल्याही गोष्टीचं निवारण आपल्याला सहज मिळतं. मग त्याचा वापर काही महाशय चांगल्या गोष्टींसाठी करतात, तर काही वाईट गोष्टींसाठी करतात. मग चित्रपटाचा काही वापर आपल्या रिअल लाईफमध्ये सुद्धा करतात. ९० किंवा ८० च्या दशकात आपण काही चित्रपटात पाहिलं असेल, कसे सोन्याचं म्हणा, हिऱ्याचं म्हणा, स्मगलिंग करताना नायिकेला ब्लॅकमेल करत, तसेच पोलिसांच्या गाडीत चोरीचा माल टाकत व्हिलन स्वतःला वाचवत असे, नाहीतर सायकलच्या टायरमध्ये हिऱ्यांची चोरी करणारे दृश्य दाखवले जात होते. त्यावेळी आपण बघताना फारसं सीरियस न होता मनोरंजन म्हणून पाहत होतो, पण आता त्याचा वापर हे चोरी करणारे त्या टेक्निकचा फायदा घेताना दिसत आहे.

Mumbai Crime: मुंबई विमानतळावर डीआरआयची मोठी कारवाई! ५ कोटी रुपयांचे सोने जप्त, ७ जणांना अटक

लोक काय काय करतील याचा नेम नाही. हेच बघा, एका महाशयाने २४ कॅरेटचे ५२३ ग्रॅम सोने कशातून आणलं असेल, तर कुकवेअरच्या झाकणाच्या घन भागामध्ये लपवून ठेवले होते. कोणी विचार सुद्धा करणार नाही, यातून कोणी सोन्याची चोरी करेल. पण कस्टम अधिकाऱ्यांनी दिल्लीच्या IGI विमानतळावर एकूण ३.७ कोटी रुपयांचं सोनं पकडलं, ते पण कुकवेअरच्या झाकणात लपवून ठेवलं होतं.

Customs officials at Delhi’s IGI Airport seized 523 grams of 24-carat gold, valued at around ₹3.7 crore, after finding 15 cut pieces concealed inside the solid core of a cookware lid. The passenger, travelling from Riyadh via Mumbai, was intercepted on August 17. Further… pic.twitter.com/8kiU9rjQZr — NDTV Profit News (@NDTVProfit) August 20, 2026

हा प्रवासी रियाधहून मुंबईमार्गे दिल्लीला आला होता. त्याला वाटलं असेल की आपण आरामात यातून बाहेर पडू आणि सोनं बाहेर घेऊन जाता येईल, पण आपले कस्टम अधिकारी फारच हुशार होते. त्यांना आधीच या गोष्टीची टीप होती की कोणीतरी सोन्याची स्मगलिंग करत आहे. चोरी करणाऱ्या माणसाला IGI विमानतळावर पकडण्यात आलं आहे. त्याच्यावर आता पुढची कारवाई होईलच. त्याचा पुढचा तपास सुरू आहे.

Mumbai Airport Customs Raid: मुंबई विमानतळावर कस्टम्सची मोठी कारवाई! ३ दिवसांत अडीच किलो सोनं आणि ८ किलो ‘ड्रग्ज’ जप्त