Guwahati Crime: हे सगळ्यांच्या भल्यासाठी आहे…, लग्नाला अवघे 12 दिवस बाकी आणि…; महिला अँकरची ऑफिसमध्ये गळफास

गुवाहाटीतील महिला न्यूज अँकर रितुमोनी रॉय हिने ऑफिसमध्ये गळफास घेऊन आत्महत्या केली. सुसाईड नोटमध्ये “हे सगळ्यांच्या भल्यासाठी आहे, मला माफ करा” असे लिहिले. तिचे लग्न अवघ्या 12 दिवसांवर होते. पोलिस तपास सुरू आहे.

• रितुमोनी रॉय ऑफिसमध्ये मृत अवस्थेत सापडली; सुसाईड नोट सापडली.
• लग्न 5 डिसेंबरला होणार होते; कार्डेही वाटली होती.
• आर्थिक समस्येमुळे आत्महत्या केली असावी, असा कुटुंबाचा अंदाज.

मुंबई: गुवाहाटी येथून एक धक्कादायक घटना समोर आली आहे. एका स्थानिक न्यूज पोर्टलच्या महिला अँकरने ऑफिसमध्ये गळफास घेतल्याचे समोर आले आहे.ती सोमवारी पहाटे डिजिटल न्यूज पोर्टलच्या ऑफिसमध्ये मृत अवस्थेत आढळली. अवघ्या १२ दिवसात तिचं लग्न होत. रितुमोनी रॉय असं मृत महिलेचं नाव आहे. ती ज्या न्यूज पोर्टल मध्ये काम करायची तो ऑफिस गुवाहाटीच्या एका वस्तीत आहे. याच ऑफिसमध्ये रितुमोनी मृत अवस्थेत आढळली आहे. या घटनेचा व्हिडीओ इंटरनेटवर व्हायरल झाला आहे. तिने आत्महत्या करण्यापूर्वी हृदय पिळवटून टाकणारी सुसाईड नोट लिहून ठेवली होती. पोलिसांकडून याप्रकरणाचा तपास सुरु आहे.

Nagpur Crime: उसणे घेतलेल्या पैशांच्या वादातून गुंडाचा बलात्काराचा प्रयत्न; आरडाओरड केल्याने बचावली महिला

सुसाईड नोटमध्ये काय?

महिला अँकरने आत्महत्या करण्यापूर्वी हृदय पिळवटून टाकणारी एक सुसाईड नोट लिहून ठेवली होती. पोलिसांना घटनास्थळी एक सुसाईड नोट सापडली. या सुसाईड नोटमध्ये तिने असं लिहिलं आहे. हे सगळ्यांच्या भल्यासाठी आहे, मला माफ करा… .

ऑफिसला गेली पण परत आलीच नाही

प्राथमिक रिपोर्टनुसार, रितुमोनी २३ नोव्हेंबरला ऑफिसला गेली होती. पण शिफ्ट संपल्यावर रात्री घरी परत आलीच नाही. सोमवारी सकाळी तिचे सहकारी ऑफिसमध्ये पोहोचले तेव्हा रितुमोनिचा मृतदेह पाहून ते थक्क झाले. रितुमोनीच्या आत्महत्येमागील कारण आर्थिक असू शकते असं तिच्या कुटुंबीयांचं म्हणणं आहे. पोलिसांनी गुन्हा दाखल करून तपास सुरु केला आहे. पोलीस सर्व पैलूंचा बारकाईने तपास करत आहेत.

लग्नाला अवघे १२ दिवस बाकी…

आत्महत्या करणाऱ्या महिला अँकरचं पुढच्या महिन्यात ५ डिसेंबरला लग्न होणार होतं. लग्नाचे कार्डही वाटले गेले होते. घटनेच्या पहिल्या रात्री ती एका मित्राच्या घरी प्री-वेडिंग समारंभात सहभागी झाली होती, त्यानंतर ती ऑफिसला आली आणि नंतर तिने गळफास घेऊन आत्महत्या केली. दरम्यान, पोलिसांकडून या घटनेचा सखोल तपास सुरु आहे. रितुमोनीने याआधी अनेक डिजिटल मीडिया संस्थांमध्ये काम केले आहे.

Chhattisgarh Crime: मुख्याध्यापकाकडून होणाऱ्या लैंगिक आणि मानसिक छळाला कंटाळली, अल्पवयीन लायब्ररीत गेली आणि..