माता न तू वैरिणी ! ट्रॅव्हल्समधून महिलेने अर्भकाला फेकले रस्त्यावर; वाटेत प्रसूती होताच केलं कृत्य
दौंड : पुणे जिल्ह्यातील दौंड शहरात कचऱ्याच्या ढिगाऱ्यामध्ये सहा ते सात अर्भकांचे अवयव आढळून आल्याने एकच खळबळ उडाली आहे. प्लास्टिकच्या बरण्यांमध्ये भरून अर्भक कचऱ्याच्या ढिगाऱ्यामध्ये फेकण्यात आल्याची माहिती समोर आली. या कचऱ्यामध्ये सहा ते सात बरण्यांमध्ये भरून हे अर्भक उघड्यावर फेकल्याचे समोर आले आहे.
कचऱ्याच्या ढिगाऱ्याखाली अशाप्रकारे अर्भक आढळल्याची माहिती मिळताच पोलिस तात्काळ घटनास्थळी दाखल झाले. पोलिसांकडून पंचनामा करण्यात आला असून, याबाबत महिला आयोगाने सोशल मीडियावर पोस्ट लिहून माहिती दिली आहे. हे मानवी अवशेष रुग्णालयाकडे अभ्यासासाठी 2020 पासून आहेत आणि नजरचुकीने कचऱ्यात गेले, अशी प्राथमिक माहिती असल्याचे आयोगाने म्हटले आहे. राज्य महिला आयोग तातडीने तपास पूर्ण करण्याच्या सूचना देत वस्तुस्थितीदर्शक अहवाल आयोगास सादर करण्याचे निर्देश पोलिसांना दिले आहेत.
पुणे जिल्ह्यात दौंड तालुक्यात बोरावकेनगर मध्ये कचऱ्याच्या ढिगाऱ्यात अर्भक व मानवी अवशेष सापडल्याची बातमी माध्यमातून समोर आली आहे. सद्यस्थितीत दौंड पोलिसांनी घटनास्थळी पंचनामा करून डॉक्टरांच्या पथकामार्फत तपासणी केली आहे. पोलिसांनी याचा तपास व रुग्णालयाची चौकशी सुरू केली आहे. १/२
— Maharashtra State Commission for Women (@Maha_MahilaAyog) March 25, 2025
दौंड शहरालगत असणाऱ्या बोरावके नगरमध्ये प्राईम टाऊनच्या पाठीमागे कचऱ्याच्या ढिगाऱ्यात सात ते आठ अर्भक आणि मानवी शरीराचे काही अवशेष आढळून आले आहेत. यामुळे परिसरामध्ये खळबळ उडाली. प्रथमदर्शनी ही अर्भक आणि मानवी शरीराचे अवशेष हे प्रयोगशाळेतील नमुने असल्याची माहिती मिळत असली तरी हा गर्भपाताचा प्रकार आहे का? या दृष्टीने देखील पोलीस तपास करत आहेत.
स्थानिक नागरिकांच्या निदर्शनास ही बाब आल्यानंतर त्यांनी पोलिसांना फोन करून या संदर्भातील माहिती दिली. यानंतर तातडीने दौंड पोलीस घटनास्थळी दाखल झाले. अर्भकाचे हे अवयव कोणी टाकले? हा गर्भपाताचा प्रकार आहे का? याचा शोध आता घेतला जात आहे. वैद्यकीय तज्ञांच्या अहवालानुसार यानंतर पोलीस पुढील कारवाई केली जाणार आहेत.
सीलबंद बरणीत भरले अवयव
मिळालेल्या माहितीनुसार, हे अर्भक आणि काही मानवी शरीराचे अवशेष सीलबंद भरणीत भरलेले असून, त्यावर त्या संदर्भातील माहिती देखील आहे आणि ते 2020 मधील आहेत, अशी माहिती आता दिली जात आहे.
.png "Videos"){kind=small}
