सरपंच देशमुखांना मारण्यासाठी 4 जीवघेण्या हत्यारांचा वापर, अंगावर 150 जखमा; रिपोर्टमधून धक्कादायक माहिती समोर

संतोष देशमुखांचे अपहरण केल्यानंतर त्यांना मारण्यासाठी चार जीवघेण्या शस्त्रांचा वापर करण्यात आला असा उल्लेख परीक्षण अहवालात करण्यात आला आहे.

बीड : बीडमधील मस्साजोग गावाचे सरपंच संतोष देशमुख यांची निर्घृणपणे हत्या करण्यात आली. 9 डिसेंबर रोजी त्यांचे अपहरण करुन हत्या करण्यात आली. या प्रकरणामुळे राज्याभरातून रोष व्यक्त करण्यात आला होता. 9 डिसेंबर 2024 रोजी अपहरण करण्यात आले होते. यानंतर त्यांना अमानुष मारहाण करुन त्यांची हत्या करण्यात आली होती. यानंतर पोलिसांनी या प्रकरणात आठ आरोपींना अटक केली. त्यांच्यावर मकोका लावण्यात आला. आता हे सर्व आरोपी कोठडीत आहेत. यातील एक आरोपी कृष्णा आंधळे मात्र अजूनही फरार आहे. आता याप्रकरणी मोठी अपडेट समोर आली आहे.

देशमुखांचे अपहरण केल्यानंतर त्यांना मारण्यासाठी चार जीवघेण्या शस्त्रांचा वापर करण्यात आला असा उल्लेख परीक्षण अहवालात करण्यात आला आहे. गॅसचा पाइप, पाईपाचा चाबूक, लाकडी बांबूची काठी आणि लोखंडी पाइपाचा यात समावेश होता. या हत्यारांच्या सहाय्याने संतोष देशमुख यांना आरोपींनी अमानुष मारहाण केली. दरम्यान, हा अहवाल न्यायालयात सादर करण्यात आला आहे. चारही हत्यारे कराड गँगने तयार केली आहेत असा उल्लेख या अहवालात करण्यात आला आहे. या हत्यारांच्या मदतीने संतोष देशमुख यांना बेदम मारहाण करण्यात आली. संतोष देशमुख यांच्या शरीरावर 150 जखमा आढळल्या होत्या. इतकी अमानुष मारहाण त्यांना झाली होती. आरोपींनी याआधीही याच हत्यारांने अन्य व्यक्तींना देखील मारहाण केली होती.

मिळालेल्या माहितीनुसार सरपंच संतोष देशमुख् यांना मारण्यासाठी वापरण्यात आलेल्या चार हत्यारांचा परीक्षण अहवाल समोर आला आहे. यामध्ये गॅस पाइप, पाइपाचा चाबूक, बांबूची काठी, लोखंडी पाइप या हत्याराने देखील देशमुख यांना मारहाण केली होती. त्यानंतर त्यांचा मृत्यू झाला होता. देशमुख यांच्या हत्या प्रकरणी आणि त्या संबंधी दोन प्रकरणांत सीआयडीने मागील महिन्यात बीड येथील न्यायालयात 1200 पानांचे आरोपपत्र दाखल केले होते.