Kolkata RG Kar Doctor Case Court Verdict Live Updates: कोलकात्यातील डॉक्टर बलात्कार आणि हत्या प्रकरणी संजय रॉयला जन्मठेपेची शिक्षा

20 Jan 2025 03:05 PM (IST)

संजय रॉयला जन्मठेपेची शिक्षा

कोलकाता येथील आरजी कार मेडिकल कॉलेज आणि हॉस्पिटलमधील ३१ वर्षीय प्रशिक्षणार्थी डॉक्टरवर बलात्कार आणि खून प्रकरणातील दोषी संजय रॉय याला आज सोमवारी जन्मठेपेची शिक्षा सुनावण्यात आली. त्याला शनिवारी दोषी ठरवले होते. त्याला आज सियालदह न्यायालयाचे न्यायाधीश अनिर्बान दास यांनी जन्मठेपेची शिक्षा सुनावली.

20 Jan 2025 03:02 PM (IST)

पीडितेच्या पालकांनी न्यायालयाने दिलेल्या भरपाईला नकार दिला

डॉक्टरच्या पालकांनी न्यायालयाला सांगितले की त्यांना कोणतीही भरपाई नको आहे. “मला फक्त आमच्या मुलीसाठी न्याय हवा आहे. दुसरे काहीही नाही,” पीडितेच्या वडिलांनी म्हटले आहे.

“मला माहित आहे की या मृत्यूची भरपाई होऊ शकत नाही. ती राज्याची जबाबदारी आहे कारण ती एक ऑन ड्युटी डॉक्टर होती आणि आम्हाला ही भरपाई द्यावी लागेल कारण आम्ही कायद्याने बांधील आहोत,” न्यायाधीश म्हणतात.

20 Jan 2025 02:29 PM (IST)

सियालदह कोर्ट आज दुपारी 2.45 वाजता संजय रॉयला शिक्षा सुनावणार

सियालदह दिवाणी आणि फौजदारी न्यायालय आरजी कर अत्याचार आणि हत्या प्रकरणातील दोषीला सोमवारी दुपारी 2.45 वाजता शिक्षा सुनावणार आहे. या प्रकरणाच्या सुनावणीदरम्यान केंद्रीय अन्वेषण विभागाने आरोपी संजय रॉयला फाशीची शिक्षा देण्याची मागणी केली होती.

20 Jan 2025 12:45 PM (IST)

आज शिक्षा जाहीर होणार

५७ दिवसांनंतर सियालदह जिल्हा न्यायालयाचे न्यायाधीश अनिर्बन दास यांनी, त्याला दोषी घोषित केले. तसे, सियालदह न्यायालयाच्या न्यायाधीशांनी आपल्या निकालात म्हटले आहे. कोर्टाने फॉरेन्सिक रिपोर्टवर विश्वास ठेवला. या अंतर्गत न्यायालयाने या प्रकरणात संजय रॉय याला दोषी ठरवले. या प्रकरणी आज न्यायालय संजय रॉय याला शिक्षा सुनावणार आहे.

20 Jan 2025 11:49 AM (IST)

डॉक्टरच्या पालकांची सीबीआय तपासावर नाराजी

प्रशिक्षणार्थी डॉक्टरच्या पालकांनी सीबीआय तपासावर नाराजी व्यक्त केली. त्यांनी या प्रकरणाची देखरेख करणाऱ्या सर्वोच्च न्यायालयात आणि कलकत्ता उच्च न्यायालयातही याचिका दाखल केली आहे. या प्रकरणात सियालदाह विशेष न्यायालयाला शिक्षा सुनावण्यापासून रोखण्यात यावे आणि संपूर्ण प्रकरणाची पुन्हा एकदा नव्याने चौकशी करावी, अशी विनंती त्यांनी केली आहे. यानंतर शनिवारी (१८ जानेवारी) निकालापूर्वी, पीडितेच्या वडिलांनी सांगितले की, आरोपींना शिक्षा न्यायालय ठरवेल, परंतु आम्हाला न्याय मिळेपर्यंत आम्ही न्यायालयाचे दरवाजे ठोठावत राहू.

20 Jan 2025 11:47 AM (IST)

८ ऑगस्टला प्रशिक्षणार्थी डॉक्टरवर अत्याचार आणि हत्या

८ ऑगस्ट 2024 च्या रात्री आरजी कार रुग्णालयात एका प्रशिक्षणार्थी डॉक्टरवर अत्याचार आणि हत्या करण्यात आली. ९ ऑगस्ट रोजी सकाळी डॉक्टरचा मृतदेह सेमिनार हॉलमध्ये आढळला. सीसीटीव्ही फुटेजच्या आधारे, पोलिसांनी १० ऑगस्ट रोजी संजय रॉय नावाच्या एका नागरी स्वयंसेवकाला अटक केली. या घटनेनंतर कोलकातासह देशभरात निदर्शने झाली. बंगालमध्ये, आरोग्य सेवा दोन महिन्यांहून अधिक काळ ठप्प होत्या.