रविवार, 15 नोव्हेंबर 2026
Book Box Initiative in Kannad Schools to Promote Reading Habits ( कन्नडमधील शाळांमध्ये वाचनाची सवय रुजवण्यासाठी 'बुक बॉक्स' उपक्रम )
पहिल्या टप्प्यात नेवपूर, घाटशेंद्रा, वाकी, भोकणगाव, निमडोंगरी, रिठी तांडा, बहिरगाव आणि रामपूरवाडी या जिल्हा परिषद प्राथमिक शाळांमध्ये पुस्तक पेटी पोहोचविण्यात येणार आहे. उर्वरित दोन शाळांमध्ये दुसऱ्या टप्प्यात पुस्तक पेटी देण्यात येणार आहे. या पुस्तक पेटीत बालसाहित्य, गोष्टींची पुस्तके, कविता, चरित्रे, ज्ञानवर्धक पुस्तके, तसेच विद्यार्थ्यांना आवडतील अशी रंगीत, चित्रांची पुस्तके ठेवण्यात येणार आहेत.
शाळेतील शिक्षकांच्या माध्यमातून ही पुस्तके विद्यार्थ्यांपर्यंत पोहोचतील. विद्यार्थी ती वाचतील, एकमेकांशी चर्चा करतील आणि पुन्हा पेटीत ठेवतील. ग्रामीण भागातील शाळांमध्ये पुस्तके सहज उपलब्ध होत नाहीत. त्यामुळे पुस्तक पेटी हा उपक्रम विद्यार्थ्यांसाठी वरदान ठरणार आहे. लोकनेते बाळासाहेब पवार यांच्या पुण्यतिथीचे औचित्य साधून सुरू होणारा हा उपक्रम तालुक्यातील वाचन चळवळीला नवी दिशा देणारा ठरेल, अशी अपेक्षा यावेळी व्यक्त करण्यात आली. या प्रसंगी प्राचार्य डॉ. विजय भोसले, वाचनालयाचे सचिव रामकृष्ण पवार, संजय जाधव, डॉ. रुपेश मोरे, डॉ. शिवाजी हुसे, डॉ. उदय डोंगरे, डॉ. रामचंद्र झाडे, विलास पवार, प्रा. अशोक भोसीकर, प्रा. संतोष देशमुख आदींची उपस्थिती होती.
ग्रामीण भागातील विद्याथ्यांपर्यंत पुस्तके पोहोचली पाहिजेत. वाचनातूनच मुलांचे व्यक्तिमत्त्व घडते. त्यासाठीच हा पुस्तक पेटी उपक्रम सुरू करत आहोत. या उपक्रमाचा निश्चितच फायदा होईल, असा विश्वास यावेळी मानसिंह पवार यांनी व्यक्त केला.
