लॉरेन्स बिश्नोई गँगच्या ‘बिल्ला-कट्टा’वर AGTFची मोठी कारवाई; जमिनीत पुरलेली शस्त्रे जप्त
पोलिसांनी दिलेल्या माहितीनुसार, राजिंदर उर्फ बिल्ला आणि जसकरण सिंह उर्फ करण उर्फ सनी उर्फ कट्टा यांना यापूर्वी जोधपूरमध्ये पकडण्यात आले होते. हे दोघे कथितरीत्या एखादा गुन्हा करण्याच्या उद्देशाने जोधपूरमध्ये आले होते, असा तपास यंत्रणेचा दावा आहे. दोघांची चौकशी केल्यानंतर लपवून ठेवलेल्या शस्त्रांबाबत महत्त्वाची माहिती AGTFच्या हाती लागली.
नांदेड पोलिसांची मोठी कारवाई! १२ सराईत गुन्हेगारांना केले तीन जिल्ह्यांतून हद्दपार
आरोपींनी दिलेल्या माहितीच्या आधारे AGTFचे पथक पाली ते सिरोहीदरम्यानच्या परिसरात पोहोचले. येथे एका ठिकाणी जमिनीत शस्त्रे पुरून ठेवल्याची माहिती मिळाली होती. पथकाने शोधमोहीम राबवल्यानंतर तेथून दोन पिस्तुले, चार मॅगझिन आणि 36 काडतुसे हस्तगत केली. जप्त करण्यात आलेली दोन्ही पिस्तुले 9 एमएम बोरची असल्याचे सांगण्यात आले आहे. त्यापैकी एक FX-9 तर दुसरे Glock पिस्तूल असल्याची माहिती आहे. शस्त्रे जमिनीत अशा पद्धतीने लपवण्यात आली होती की परिसरातून जाणाऱ्या सामान्य व्यक्तीला त्यांचा संशय येऊ नये.
AGTF आता या शस्त्रांचा नेमका स्रोत शोधण्याचा प्रयत्न करत आहे. ही शस्त्रे आरोपींपर्यंत कोणी पोहोचवली, त्यांचा वापर यापूर्वी एखाद्या गुन्ह्यात झाला होता का आणि भविष्यात कोणत्या गुन्ह्यासाठी त्यांचा वापर केला जाणार होता, याचा तपास सुरू आहे. ही कारवाई ADG-AGTF दिनेश एम.एन. यांच्या देखरेखीखाली करण्यात आल्याचे वृत्त आहे. बिश्नोई गँगशी संबंधित इतर व्यक्ती आणि शस्त्रपुरवठ्याचे नेटवर्क शोधण्यासाठीही तपास सुरू आहे.
दरम्यान, बाबा सिद्दीकी यांच्यावर मुंबईतील वांद्रे पूर्व परिसरात त्यांच्या मुलाच्या कार्यालयाबाहेर हल्ला झाला होता. तपास यंत्रणांच्या माहितीनुसार, तीन हल्लेखोरांनी त्यांच्यावर गोळीबार केला. गंभीर जखमी अवस्थेत त्यांना रुग्णालयात नेण्यात आले; मात्र त्यांचा मृत्यू झाला. या प्रकरणात गुरमेल सिंह आणि धर्मराज कश्यप यांना सुरुवातीलाच पकडण्यात आले, तर शिवकुमार घटनास्थळावरून फरार झाला होता.
.png "Videos"){kind=small}
