नांदेड – आदिलाबादहून (Adilabad) मुंबईकडे (Mumbai) जाणाऱ्या नंदीग्राम एक्स्प्रेससमोर (Nandigram Express) उडी घेत प्रेमीयुगुलाने (Couple) एकमेकांना घट्ट धरून आत्महत्या (Suicide) केली. ही घटना शुक्रवारी भोकर रेल्वेगेट (Bhokar) परिसरात घडली.
मौजे रिठ्ठा (ता.भोकर) येथील आयटीआय पास झालेली धारा माधव मोरे आणि भोकर येथील शिवराज मनोज क्यातमवार (दोघे २२ वर्षे) यांचे एकमेकांवर प्रेम होते. शुक्रवारी दुपारी ते दोघेही फिरत असल्याची माहिती परिसरातील नागरिकांनी दिली. टोकाचे पाऊल उचलण्यासंदर्भात दोघांनी स्टेटस ठेवल्याचे त्यांच्या परिचितांनी सांगितले.
दुपारी आदिलाबाद-मुंबई नंदीग्राम एक्स्प्रेस भोकर रेल्वे गेटजवळ येताच दोघांनी रेल्वेसमोर उडी घेतली. प्रत्यक्षदर्शीच्या म्हणण्यानुसार रेल्वे जवळ येत असताना धारा ही शिवराजला पटरीच्या बाजूला जाण्यास सांगत होती. परंतु शिवराजने तिला घट्ट पकडल्याने दोघांना रेल्वेची जोरदार धडक बसली आणि त्यांचा जागीच मृत्यू झाला.
.png "Videos"){kind=small}
