Madhyapradesh Crime: कॅमेऱ्यासमोर अश्रू, दरोड्याची खोटी कहाणी; मात्र एक ट्विस्ट आणि हत्येचा बनाव उघड, काय नेमकं प्रकरण?

चित्रपटालाही लाजवेल अशी घटना समोर आली आहे. पतीच्या हत्येनंतर कॅमेऱ्यासमोर ढसाढसा रडणारी पत्नी, पण तपासात समोर आला असा ट्विस्ट की पोलिसही हादरले. प्रियकरासोबत सुपारी देऊन पतीची हत्या केल्याचे उघड झाले.

• पत्नीने दरोड्याचा खोटा बनाव करून पोलिसांची दिशाभूल
• प्रियकरासोबत कट रचून सुपारी देऊन पतीची हत्या
• तपासात सत्य उघड; सर्व आरोपी अटकेत

मध्यप्रदेश: मध्यप्रदेश येथून एका चित्रपटालाही लाजवेल अशी घटना समोर आली आहे. एक महिला आपल्या पतीची हत्या झाल्यांनतर कॅमेऱ्यासमोर ढसाढसा रडली. तिने नवऱ्याची हत्या कशी झाली, दरोडेखोरांनी कसे तिला लुटले हे तिने कॅमेऱ्यासमोर सगळ्यांना सांगितले. हे वर्णन ऐकत असतांना उपस्थित असलेल्या प्रत्येकाचे डोळे पाणावले होते. मात्र एक ट्विस्ट आणि कॅमेऱ्यासमोरील अश्रू खोटे ठरले. घडलेली घटना मध्यप्रदेश येथील आहे. नेमकं काय प्रकरण आहे. जाणून घ्या.

Ashok Kharat Case : रुपाली चाकणकर चौकशीला पुन्हा गैरहजर; आता पोलिसांनी बहिणीलाच बजावली नोटीस

काय नेमकं प्रकरण?

प्रियांका पुरोहित असे या प्रकरणातील मास्टरमाइंड महिलेचा नाव आहे. तिचा एक व्हिडीओ सध्या सोशल मीडियावर वेगाने व्हायरल होत आहे. यामध्ये ती आपल्या पतीच्या मृत्यूचा थरार सांगतांना दिसत आहे. ती सांगते की, काही सशस्त्र दरोडेखोर घरात घुसले, त्यांनी माझं तोंड दाबलं आणि कपाटातील दागिने-रोख रक्कम मागितली. मी ओरडण्याचा प्रयत्न केला तेव्हा त्यांनी पतीला मारण्याची धमकी दिली. माझे हात-पाय बांधले आणि माझ्या समोरच पतीवर हल्ला चढवला. एवढेच नाही तर दरोडेखोरांनी 3.5 लाख रुपयांचे दागिने लंपास केले आहेत. ही माहिती तिने अशापद्धतीने सांगितली की कोणालाही तिच्यावर संशय आला नाही.

See more

Priyanka Purohit from Dhar, MP, faked a robbery: tied up with husband, claimed looters killed him & stole valuables. Police found items hidden in her room. She conspired with lover, paid ₹1L to contract killer. Oscar-level acting in tears, busted in hours. Pure evil😡 pic.twitter.com/mWhbF9FuiR — Ghar Ke Kalesh (@gharkekalesh) April 9, 2026

घरातच आढळले दागिने

पोलिसांनी या प्रकरणाला गांभीर्याने घेत तपासाला सुरुवात केली. 7 एप्रिलच्या रात्री 28 वर्षांचे मसाले व्यापारी देवकृष्ण पुरोहित यांची त्यांच्या राहत्या घरात धारदार शस्त्राने वार करून हत्या करण्यात आली होती. पोलिसांनी दरोड्याचा तपास करायला सुरुवात केली. पोलिसांनी जेव्हा घराची झडती घेतली, तेव्हा प्रियांकाने चोरीला गेल्याचे सांगितलेले सर्व दागिने घरातच लपवून ठेवलेले आढळले. यावरून पोलिसांना तिच्यावर संशय आला आणि या प्रकरणाचा उलगडा झाला.

प्रियांकाचे प्रेमसंबंध त्यातून हत्येची सुपारी

प्रियांकाचे कमलेश नावाच्या तरुणाशी प्रेमसंबंध होते. या दोघांनी मिळून देवकृष्ण यांना वाटेतून हटवण्याचा कट रचला होता. प्रियंकाने आपल्या पतीची हत्या करण्यासाठी सुरेंद्र भाटी नावाच्या एका कंत्राटी मारेकऱ्याला १ लाख रुपयांची सुपारी दिली होती. त्यापैकी 50,000 रुपये तिने आगाऊ दिले होते. हत्येच्या रात्री प्रियांकाने घराचे मुख्य दार मुद्दाम उघडे ठेवले होते. देवकृष्ण झोपेत असताना मारेकऱ्याने घरात शिरून त्यांच्यावर वार केले. हा गुन्हा दरोडा वाटावा म्हणून प्रियांकाने स्वतःच घरातील सामानाची उचकापाचक केली होती.

तू दिसायला काळा आहेस…

देवकृष्ण यांच्या बहिणीने, प्रियांकावर मानसिक त्रास दिल्याचे आरोप केले आहेत. तिने सांगितले की प्रियांका सतत देवकृष्ण यांचा अपमान करायची. तू दिसायला काळा आहेस, तू माझ्या लायकीचा नाहीस, मला तुझ्यापेक्षा चांगला जोडीदार मिळू शकतो, असे बोलून ती देवकृष्णला मानसिक त्रास द्यायची. 2010 पासूनच प्रियांकाचे कोणाशी तरी संबंध असल्याचा संशय कुटुंबाला होता. ती सतत फोनवर व्यस्त असायची आणि पतीशी भांडण करायची.

आरोपींना फाशीची शिक्षा….

आता देवकृष्ण यांच्या वृद्ध आईने आपल्या मुलाच्या मारेकऱ्यांना फाशीची शिक्षा व्हावी, अशी मागणी केली आहे. याप्रकरणी पोलिसांनी सर्व आरोपींना अटक केली असून पुढील कारवाई सुरू आहे. पोलीस सखोल तपास करत आहे.

पीक कर्ज मंजुरीसाठी लाचं घेण भोवलं; सोसायटीच्या सचिवाला एसीबीने रंगेहात पकडले