Crime News Live Updates
बीडच्या गेवराई तालुक्यातील तलवाडा पोलीस ठाणे हद्दीतून एक अतिशय धक्कादायक बातमी समोर आली आहे. पती-पत्नीच्या वादात आईने दोन वर्षीय मुलीचा दोरीने गळा आवळून स्वतः आत्महत्या केलीय. हि घटना गेवराई तालुक्यातील मालेगाव मजरा या गावात उघडकीस आली असून मायलेकीच्या मृत्यूने परिसरात एकच खळबळ उडाली आहे. सोबतच या घटनेने परिसरात हळहळ व्यक्त केली जातेय.
19 Aug 2025 05:30 PM (IST)
पुण्यातील उत्तमनगर परिसरातील एका महिलेची सायबर चोरट्यानी व्हॉट्सॲप व्हिडीओ कॉलवर स्वतःला डेटा प्रोटेक्शन बोर्ड ऑफ इंडियाचा अधिकारी तसेच पोलिस उपनिरीक्षक असल्याचे सांगून फसवणूक केल्याचा प्रकार समोर आला आहे. महिलेला आधार कार्डचा गैरवापर झाल्याचे सांगून अटक करण्याची धमकी दिली व तिच्याकडून १० हजार रुपये उकळले. सुदैवाने पुढील रक्कम ट्रान्सफर करताना तांत्रिक अडचण आल्याने महिलेचे खाते रिकामे होण्यापासून वाचले आहे. याप्रकरणी उत्तमनगर पोलिस ठाण्यात गुन्हा दाखल करण्यात आला आहे.
19 Aug 2025 05:10 PM (IST)
नगर रस्त्यावर भरधाव वाहनाने दिलेल्या धडकेत पादचारी तरुणाचा मृत्यू झाल्याची घटना घडली. वाघोली भागात हा अपघात झाला. अपघातानंतर घटनास्थळी न थांबता वाहन चालक पसार झाला. विश्वनाथ सुभाष मोकलवार (वय ३३, रा. जीवनतारा हॉस्पिटलजवळ, आव्हाळवाडी रस्ता, वाघोली) असे मृत्यू झालेल्या पादचाऱ्याचे नाव आहे. याप्रकरणी अज्ञात वाहन चालकावर गुन्हा दाखल करण्यात आला आहे. याबाबत रेणुका विश्वनाथ मोकलवार (वय ३३) यांनी वाघोली पोलिस ठाण्यात तक्रार दिली आहे.
19 Aug 2025 04:50 PM (IST)
दारू पित असताना पूर्ववैमनस्यातून एका तरुणावर जीवघेणा हल्ला झाल्याची धक्कादायक घटना रविवारी दुपारी चिंचवड येथील ऑरा हॉटेलमध्ये घडली आहे. या घटनेमुळे मोठी खळबळ उडाली आहे. या प्रकरणी चिखली पोलिसांनी तिघांना अटक केली आहे. फिर्यादी सूरज रामदास घोडे (२५, रा. घरकुल, चिखली) यांच्यावर हल्ला करण्यात आला. पोलिसांनी आशुतोष सुदाम कदम (२८, रा. घरकुल, चिखली), राजा युवराज हजारे (२८, रा. घरकुल, चिखली) आणि शैलेश शाम गायकवाड उर्फ बन्या (३०, रा. थेरगाव) यांना ताब्यात घेतले आहे.
19 Aug 2025 04:50 PM (IST)
अंबरनाथमधील प्राचीन शिवमंदिरातील गाभाऱ्यात पाणी शिरलं आहे. चार ते पाच फूट पर्यंत पाणी साचल्याने शिवलिंगल पाण्याखाली गेलं आहे.
19 Aug 2025 04:35 PM (IST)
अतिवृष्टीदरम्यान नागरिकांची गैरसोय होवू नये यासाठी शहरातील पाणी साचण्याची जी ठिकाणे आहेत त्या ठिकाणी पाण्याचा निचरा लवकर होईल या दृष्टीने नियोजन करण्याच्या सूचना उपमुख्यमंत्री एकनाथ शिंदे यांनी ठाणे महापालिका प्रशासनाला दिल्या.
19 Aug 2025 04:30 PM (IST)
मुसळधार पावसाचा फायदा घेत केमिकल कंपनीने नाल्यात सोडले गुलाबी पाणी सोडले आहे. डोंबिवलीतील हा प्रकार असून नागरिकांनी याबाबत संताप व्यक्त केला आहे. तसंच याबाबत शिवसेना ठाकरे गटाकडून आंदोलनाच्या इशारा देखील देण्यात आलेला आहे.
19 Aug 2025 04:25 PM (IST)
ले दोन दिवसापासून सिंधुदुर्गमध्ये मुसळधार पाऊस पडतोय. त्यामुळे जिल्ह्यातील प्रमुख नद्यांची पाणीपातळीमध्ये झपाट्याने वाढ होत आहे. मात्र, सर्वाधिक २३० मिलिमीटर पावसाची नोंद झाली आहे तर जिल्ह्यामध्ये १०६ मिलिमीटर पावसाची नोंद झाली आहे तर कणकवली-आचरा रस्ता वाहतुकीस बंद झाल्याने आठ ते दहा गावांचा संपर्क तुटला आहे. येथील वाहतूक पर्यायी मार्गाने वळवण्यात आली आहे.
19 Aug 2025 04:20 PM (IST)
मुंबई-बंगळुरू बाह्यवळण मार्गावर नऱ्हे येथे प्रवासी वाहतूक करणाऱ्या बसला भीषण आग लागल्याची घटना घडली.या घटनेत सुदैवाने कोणतीही जिवीत हानी झाली नाही. मात्र, आगीत बस पूर्णपणे जळाली. बसमधील सर्व प्रवासी वेळीच बाहेर पडल्याने मोठी दुर्घटना टळली. नऱ्हे परिसरातील बाह्यवळण मार्गावरुन मध्यरात्री दोनच्या सुमारास प्रवासी बस जात होती. श्री स्वामी नारायण मंदिर परिसरात बस आल्यानंतर धावत्या बसमधून धूर येण्यास सुरुवात झाली. बसचालकाच्या निदर्शनास हा प्रकार आला. बसमधील वाहकाने त्वरीत झोपेत असलेल्या प्रवाशांना जागे केले. त्यांना आग लागल्याची माहिती दिली. लागलीच सर्व प्रवासी बसमधून बाहेर पडले. बसमधील चालक आणि वाहकाने प्रवाशांनी उतरण्यासाठी मदत केली. दरम्यान, काही वेळातच बसने पेट घेतला.
19 Aug 2025 04:00 PM (IST)
पुणे शहर पोलिस दलात नव्याने दाखल झालेल्या 'मोबाईल सर्वेलन्स व्हॅन' आणि 'ड्रोन फ्लॅग ऑफ'च्या मदतीने लपून-छपून तसेच जमिनीच्या आतमध्ये हातभट्टी तयार करणाऱ्या ठिकाणांचा शोध घेऊन कारवाई करण्यात आली आहे. इतक्या मोठ्या प्रमाणात पोलिसांनी प्रथमच कारवाई केली असून, परिमंडळ चारमधील वेगवेगळ्या भागात ही कारवाई करत १६ गुन्हे दाखल केले आहेत. यावेळी तब्बल ३६ हजार ७३५ रुपये किंमतीचा मुद्देमाल जप्त करण्यात आला आहे.
19 Aug 2025 03:45 PM (IST)
मुंढव्यात पीओ कार्टन या हॉटेलात एका नामांकित महाविद्यालयातील ८०० ते १००० मुलांची 'फ्रेशर ४.०' पार्टी आयोजित केली होती. ही फ्रेशर पार्टी विनापरवाना केली होती. दरम्यान, सोशल मिडीयाच्या माध्यमातून ही माहिती मुंढवा पोलिसांना मिळाली. त्यांनी संबंधित हॉटेल व्यवस्थापनाला पार्टीबाबत विचारणा केली. त्यांना परवानगी घ्यावी असे सांगितले. तशी नोटीस देखील बजावली होती. मात्र, हॉटेल व्यवस्थापनाने त्याची परवानगी घेतलीच नाही. त्यांनी पार्टी तशीच सुरू केली. तेव्हा पोलिसांनी राज्य उत्पादन शुल्क विभागाला बोलवत ती पार्टी बंद केली. तसेच, त्यावर कारवाई केली आणि पोलिस तेथून गेले. पार्टी बंद केल्यानंतर मुल रस्त्यावर आली. त्यांनी रस्त्यावर बिअरच्या बॉटेल्समधून दारू पिण्यास सुरूवात केली, असा आरोप येथील नागरिकांनी केला आहे. तेव्हा एका ज्येष्ठाने या मुलांना हटकले. त्यातून वादाला सुरूवात झाली. नंतर स्थानिक मोठ्या प्रमाणात जमले. तेव्हा मुलांमध्ये व स्थानिकांमध्ये तुफान राडा झाला. हे सुरू असतानाच हॉटेल व्यवस्थापन या मुलांच्या बाजूने आले. त्यांनीही स्थानिकांशी वाद घातला. हा वाद मोठ्या प्रमाणात पेटला. तेव्हा पोलिसांना याची माहिती देण्यात आली. नंतर मुंढवा पोलिसांनी येथे धाव घेत हा वाद नियत्रंणात आणला.
19 Aug 2025 03:00 PM (IST)
लातूर जिल्ह्यातील तावशी ताडा पाटी मध्यरात्री श्रेयश ट्रॅव्हल्सच्या प्रवासी बसला अपघात झाला. लातूरवरून पुण्याकडे जाणाऱ्या या बसने सीएनजी सिलेंडरची वाहतूक करणाऱ्या आयशर टेम्पोला मागून जोरदार धडक दिली. अपघातामुळे बसचे मोठे नुकसान झाले असून प्रवाशांमध्ये काही काळ गोंधळ उडाला. बसमधून एकूण ३० प्रवासी होते. दोन वाहक आणि एक सहाय्यक प्रवास करत होते. त्यातील सर्व प्रवासी सुखरूप आहेत. काही प्रवाश्यांना किरकोळ मार लागला असून काहींना गंभीर दुखापत झाली आहे.
19 Aug 2025 02:40 PM (IST)
अपघात हा चिपळूण कराड मार्गावर झाला आहे. तिहेरी अपघातात ५ जणांचा दुर्दैवी मृत्यू झाला आहे. गॅस वाहून नेणाऱ्या ट्रकवर रिक्षा आणि थार जोरदार आढळल्या. यामध्ये रिक्षातील चार तर थार मधील एकाच जागीच मृत्यू झाला आहे. ही घटना रात्री उशिरा घडली आहे. भरधाव थार चालकाच्या चुकीमुळे रिक्षामधील प्रवाश्यांचा जीव गेला आहे. मृतांमध्ये एका लहान बाळाचा समावेश आहे, थार कारसह रिक्षाचा चक्काचूर झाला आहे. घटनेची माहिती मिळताच चिपळूण पोलिस घटनास्थळी दाखल झाले.
19 Aug 2025 02:20 PM (IST)
पुण्यात एक दुर्दैवी घटना घडली आहे. सिमेंट मिक्सरच्या खाली चिरडून एका ११ वर्षीय मुलीचा मृत्यू झाला आहे. तर तिची आई गंभीर जखमी झाली आहे. जड वाहनांना मनाई असलेल्या वेळेत बेदरकार मिक्सर ट्रकने दुचाकीला धडक दिल्याने मोठा अपघात झाला आहे. ही घटना मंगळवारी (दि. 12ऑगस्ट) सायंकाळी साडेसहाच्या सुमारास हिंजवडी, फेज 2 येथील इन्फोसिस सर्कलजवळ घडली. या घटनेचा सीसीटीव्ही व्हिडीओ समोर आला आहे.
19 Aug 2025 02:00 PM (IST)
नांदेडच्या मुखेड तालुक्यातील हसनाळ गावातील दोन महिलांचे मृतदेह सापडले आहेत. गंगाबाई मादळे आणि भीमाबाई मादळे यांचे मृतदेह सापडले आहे. अन्य चार ते पाच जणांचा शोध सुरू आहे.
19 Aug 2025 01:40 PM (IST)
परळी हुडा कौडगाव येथील पुलावरून जात असतांना पाण्याचा अंदाज न आल्याने फॉर व्हीलर गाडी पुलावरून नदीच्या पात्रात वाहून गेली. रात्री एक वाजताच्या सुमारास पोलिसांना माहिती मिळाली की दिग्रस येथील काही तरुण गाडीमधून जात असतांना कवडगाव हुडा येथे पाण्याच्या प्रवाहाने वाहून गेले आहेत. पाण्याचा अंदाज नसतानाही पोहण्याचा अनुभव गाठीशी असल्यामुळे पोलिस मार्ग काढत रिक्षा घेऊन पाण्यात उतरले. दोर वापरून युवकांना वाचवण्याचा प्रयत्न केला.
19 Aug 2025 01:20 PM (IST)
छत्रपती संभाजीनगर शहराच्या हर्सूलमधून एक थरारक घटना समोर आली आहे. ३१ जुलैला बेपत्ता झालेल्या छावा संघनटनेचा शहर प्रमुख सचिन पुंडलिक औताडे यांचा प्रेम प्रकरणातून हत्या करण्यात आल्याची धक्कादायक बाब समोर आली आहे. कॅनॉट भागात त्यांच्या प्रेयसीने तिच्या मामेभावाच्या मदतीने सचिन यांचा काटा काढला. गळा चिरून हत्या केली त्यानंतर मृतदेह गोदावरी नदीत फेकून दिला. वाहत गेलेला हा मृतदेह मुंगी गावात येथे तरंगत काठावर आला आहे. त्यानंतर हा हत्याकांड समोर आला आहे.
19 Aug 2025 01:05 PM (IST)
पुणे शहरात पीएमपी बसमधील गर्दीचा फायदा तसेच बसमध्ये बसताना प्रवाशांकडील ऐवज लांबविण्याच्या घटना सुरूच असून, कर्वे रोड परिसरात पीएमपी बस थांब्यावर बसमध्ये चढताना ज्येष्ट महिलेकडील ६० हजारांची सोन्याची बांगडी चोरट्यांनी लांबविल्याची घटना घडली आहे. याप्रकरणी ६६ वर्षीय महिलेच्या ६९ वर्षीय पतीने डेक्कन पोलिस ठाण्यात तक्रार दिली आहे. यानुसार, अज्ञाताविरूद्ध गुन्हा नोंद करण्यात आला आहे.
19 Aug 2025 12:50 PM (IST)
वालचंदनगर भागात दहशत माजविणारा तसेच ग्रामीण भागातील कुख्यात गुंड राजू भाळे याच्यासह १३ जणांवर पुणे ग्रामीण पोलिसांनी मोक्का (महाराष्ट्र संघटित गुनहेगारी नियंत्रण कायदा) कारवाई केली आहे. कोल्हापूर परिक्षेत्राचे विशेष पोलीस महानिरीक्षक सुनिल फुलारी यांनी हे आदेश दिले आहेत. पोलीस अधीक्षक संदिपसिंग गिल यांच्या मार्गदर्शनाखाली स्थानिक गुन्हे शाखेचे पोलिस निरीक्षक अविनाश शिळीमकर, वालचंदनगर पोलिस ठाण्याचे सहायक निरीक्षक राजकुमार डुणगे, पोलीस कर्मचारी महेश बनकर, अभिजित कळसकर यांनी ही कारवाई केली आहे. खोरोचीतील कुख्यात गुन्हेगार राजू भाळे आणि त्याच्या टोळीतील गुंडांनी उत्तम जाधव यांचा खून केला होता. या खुन प्रकरणात राजू भाळे याच्यासह १० जणांना अटक केली. त्यांच्याबरोबर असलेले तीन साथीदार पसार झाले आहेत. त्यांचा शोध घेण्यात येत आहे.
19 Aug 2025 12:30 PM (IST)
1 ऑगस्टला हा सगळा प्रकार समोर आला होता. कोथरूड पोलिसांनी तीन मुलींना मारहाण आणि जातीवाचक शब्दात शिवीगाळ केल्याचा आरोप मुलींनी केला होता. तुम्ही किती मुलांसोबत झोपलात? तुम्ही लेस्बिअन आहात का ? अशा घाणेरड्या शब्दात पोलिसांनी तपासाचा भाग म्हणून या मुलींना प्रश्न विचारले होते, असा आरोप तीन मुलींनी केला होता. याप्रकरणी या मुली आणि त्यांचे काही सहकारी आक्रमक झाल्याच पाहायला मिळालं होत. आणि त्यांनी थेट पोलिसांकडेच दाद मागायला सुरुवात केली. मात्र पोलिसांकडनं कोणतीही दाद मिळत नसल्याचा आरोप देखील याच मुलींच्या सहकाऱ्यांनी केला होता. ऊलट त्या तीन तरुणींवरच सरकारी कामात अडथळा आणल्याचा गुन्हा दाखल करण्यात आला आहे.
19 Aug 2025 12:10 PM (IST)
पुणे जिल्ह्यातून एक घटना समोर आली आहे. महिंद्रा कंपनीत किरकोळ कारणावरून झालेल्या वादातून कामगारांमध्ये मारहाण झाल्याचा प्रकार घडला आहे. यावेळी कोयत्यानेही हल्ला केला आहे. ही घटना शनिवारी सायंकाळी घडली आहे. या प्रकरणी निगडी पोलिस ठाण्यात चौघांविरुद्ध गुन्हा दाखल करण्यात आला आहे. फिर्यादी सोहेल चुन्ना खान (३७, रा. आकुर्डी) यांच्या तक्रारीवरून सुरज सरोदे (२५), प्रतीक उबाळे (२३), अंशु रोकडे (२२) आणि प्रथमेश (२५, सर्व रा. घरकुल, चिखली) यांच्यावर गुन्हा दाखल केला आहे.
19 Aug 2025 11:53 AM (IST)
पुण्यातून एक धक्कादायक प्रकार समोर आला आहे. प्लॉटमध्ये टाकलेला राडारोडा काढण्यास सांगितल्यावरून दगडाने व लाकडी बांबुने एकाला मारहाण केल्याचा प्रकार उघडकीस आला आहे. याप्रकरणी वाघोली पोलिस ठाण्यात दाम्पत्यावर गुन्हा दाखल करण्यात आला आहे. गणेश रघुनाथ ढोकले (४५, रा. करंदीता, शिरूर, जि. पुणे) व त्याच्या पत्नीवर गुन्हा दाखल करण्यात आला आहे. याबाबत गणेश मोहन खुटवड (४०, रा. मु. पो. टाकळी भिमा, ता. दौंड, पुणे) यांनी तक्रार दिली आहे. हा प्रकार वाघोली बकोरी रोड येथील श्रीरामचंद्र व्हिला जवळ घडला आहे.
.png "Videos"){kind=small}
