Mumbai News: मित्रांच्या ग्रुपला धबधब्यावर पिकनिकला जाणं बेतलं जीवावर, डोहात दोन जणांचा बुडून मृत्यू

नेमकं काय घडलं?

गोरेगाव कॉलेजमधील ६ जणांना ग्रुप काल वसईच्या चिंचोटी धबधब्यावर पिकनिक बनविण्यासाठी आला होता. या धबधब्यावर हे ६ जण पोहायला गेले. त्यावेळी पाण्याचा प्रवास अचानक वाढल्याने चार जण कसे बसे बाहेर निघाले आणि २ जणांचा डोहात बुडून मृत्यू झाला. याबाबत नायगाव पोलीस ठाण्यात अकस्मात मृत्यू नोंद करण्यात आली आहे. पाच तासांच्या शोध मोहिमेनंतर दोन तरुणांचे मृतदेह अग्निशमन दलाच्या मदतीने बाहेर काढण्यात आले.

घटनेनंतर त्यांच्या मित्रांनी दुपारी एक वाजण्याच्या सुमारास महामार्गावरील बापाने पोलीस चौकी येथे पोहोचून माहिती दिली. तो भाग निर्जन होता त्यामुळे त्याठिकाणी मदतीसाठी कुणी नव्हतं असं मुलांनी सांगितलं. घटनेची माहिती मिळताच अग्निशाम दलाच्या मदतीने घटनास्थळी जाऊन शोध घेतला. सुमारे ५ तास शोधमोहीम सुरु होती. संध्याकाळी ६ च्या सुमारास दोन्ही बेपत्ता तरुणांचे मृतदेह आढळल्याची माहिती, सहाय्यक पोलीस निरीक्षक बाळाराम पालकर यांनी दिली. यामध्ये अन्य ४ तरुण सुखरूप बचावले तर दोघांचा दुर्दैवी मृत्यू झाला आहे. या घटनेने सर्वत्र हळहळ व्यक्त होत आहे.

दरम्यान, मुंबईतून एक धक्कादायक आणि अमानवी घटना समोर आली आहे. कर्ज न फेडल्याने दोन तरुणांसोबत चार जणांनी अमानवी कृत्य केलं आहे. केवळ पैसे वेळेवर न दिल्याने या दोघांना मुखमैथुन करायला लावले असल्याचा संतापजनक प्रकार उजेडात आला आहे. एवढंच नाही तर त्यांनी पीडित तरुणांना निर्वस्त्र केले आणि त्यांचा व्हिडीओ काढून सोशल मीडियावर व्हायरल करण्याची धमकी देण्यात आली आहे. पीडित तरुणांपैकी एक अल्पवयीन असून १९ वर्षीय तरुण आहे. या घटनेननंतर पीडित मुलांपैकी एकाच्या आईने थेट पोलीस स्टेशन गाठलं आणि घडलेला प्रकार सांगून तक्रार दाखल केली. या संतापजनक घटनेने खळबळ व्यक्त होत आहे.

मोठी बातमी! बॉलिवूडचा प्रसिद्ध गायक राहुल फाजिलपुरियावर गोळीबार, कारचा पाठलाग करत हल्ला

संबंधित बातम्या